blaðið - 27.07.2005, Blaðsíða 6

6 I INNLENDAR FRÉTTIR
MIÐVIKUDAGUR 27. JÚLÍ 2005 blaðiö
Lögregla stóð
ólöglega að
fíkniefnaleit
Segir yfirtrúnaðarmaður
við Kárahnjúka
Lögregla, ásamt öryggisfulltrúa
og yfirmanni Impregilo, leituðu
í gærmorgun að eiturlyfjum í her-
bergi eins starfsmanna fyrirtæks-
ins. Að sögn Odds Friðrikssonar,
yfirtrúnaðarmanns á svæðinu, var
ólöglega að leitinni staðið þar sem
lögregla fór inn í herbergið án leit-
arheimildar meðan maðurinn var
við vinnu slna á framkvæmdasvæði
Kárahnjúkavirkjunar.
„Með þessu eru þeir að brjóta all-
ar vinnureglur sem settar eru“, seg-
ir Oddur. Hann segir að herbergi
starfsmanna séu heimili þeirra
meðan þeir dvelji á virkjunarsvæð-
inu og því gildi reglur um friðhelgi
einkalífsins um þessar vistarverur.
Hann segist ekki leggjast gegn því
að leitað sé að fíkniefnum á virkjun-
arsvæðinu en gerir þær kröfur að
farið sé að leikreglum.
„Þarna var farið inn I svefnskála í
leyfisleysi í fylgd öryggisvarðar og
yfirmanns. Slíkt er hreinlega ekki
heimilt”, segir Oddur.
Maðurinn þurfti læknishjálp
Hann segir að starfsmanninum,
sem er af erlendu bergi brotinn, hafi
verið mjög brugðið eftir leitina.
„Maðurinn skalf eins og hrísla á
eftir, og þurfti í framhaldi að leita
til læknis vegna geðshræringar.”
Helgi Jensson, fulltrúi sýslu-
mannsins á Seyðisfirði, vildi lítið
tjá sig um málið í samtali við Blaðið
í gær. Hann fullyrðir þó að hugsan-
lega hafi verið farið inn í herbergi
með leyfi íbúa en vísar á bug fullyrð-
ingum Odds um að reglur hafi verið
brotnar.
„Við förum aldrei inn í vistarverur
fólks nema með leyfi. Þetta þekkja
allir lögreglumenn", segir Helgi.
Engin fíkniefni fundust við leit
lögreglunnar í vistarverum manns-
ins.
Burt með
slysin
Lögreglan beinir því til ökumanna
að þeir hagi akstri sínum í sam-
ræmi við aðstæður á hverjum stað.
Þá minnir hún á að uppgefinn há-
markshraði miðist við bestu mögu-
legu aðstæður og því getur verið til-
efni til að aka hægar á einhverjum
hluta veganna. Fólk er minnt á að
sýna sérstaka aðgát við akstur um
vöð á ám og lækjum. Þá er ítrekuð
nauðsyn þess að allur búnaður bif-
reiða sé í lagi og í samræmi við það
hvort, og hvers konar, vagnar eru
dregnir á eftir bílunum.
„Undanfarnar helgar hafa fjöl-
margir Ient í höndum lögreglu eftir
að hafa neytt áfengis áður en þeir
settust undir stýri. Þetta á líka við
um þá sem fara af stað of snemma
morguns, eftir stuttan svefn og áð-
ur en líkaminn hefur fengið tíma til
að vinna úr því áfengismagni sem
skemmtanir kvöldsins hafa kall-
að eftir. Af þessu tilefni er rétt að
benda á að mjög öflugt eftirlit verð-
ur með umferð á vegum landsins og
lögð á það sérstök áhersla að koma
I veg fyrir hrað- og ölvunarakstur“,
segir í tilkynningu lögreglunnar.
<£>
i
$
z
$
í Tölvunám í viðurkenndum skóla
Stafrænliósmyndun
fyrirDömogungJinga
Ómissandi námskeið þar sem krakkarnir
læra á stafræna Ijósmyndavél og
Ijósmyndavinnslu með PhotoShop.
Vikunámskeið á morgnana eða eftir
hádegi I ágúst. VerS 11.900.
töLVU- OG
verkfræðimónustan
Tölvusumarskólinn
Sími 520 9000 ■ www.tv.is
Vegaframkvæmdir milli Reykjavíkur og Mosfellsbæjar hafa valdið vegfarendum vandræðum að undanförnu.
Vegaframkvœmdir milli Reykjavíkur og Mosfellsbœjar
Búist við miklum
umferðartöfum um helgina
Ökumenn hafa margir orðið óþægi-
lega varir við vegaframkvæmdirnar
á Vesturlandsvegi milli Reykjavíkur
og Mosfellsbæjar að undanförnu.
Vegna breytinga á veginum og upp-
setningu á tveimur nýjum brúm hef-
ur verktakinn, sem vinnur við vega-
gerðina, neyðst til að þrengja veginn
á löngum köflum þannig að aðeins
er hægt að aka á einni akrein í hvora
átt fyrir sig í stað tveggja venjulega.
Vegna þessa hafa orðið verulegar um-
ferðartafir á svæðinu, sérstaklega
þegar íbúar höfuðborgarinnar
flykkjast hundruðum saman út
úr borginni um helgar, eins og
verið hefur að undanförnu, en
óvenjumargir hafa verið á faraldsfæti
upp á síðkastið í hinu milda veðri,
sem leikið hefur við landsmenn.
Enginn viðbúnaður vegna
verslunarmannahelgar
Nú þegar stærsta ferðamanna-
helgi sumarsins er framundan
má gera ráð fyrir að á umræddum
vegakafla myndist talsverð umferð-
arteppa, bæði í upphafi helgar þeg-
ar fólk er á leið úr bænum, sem og
þegar komið er á ný á leið til borg-
arinnar eftir verslunarmannahelgi.
Að sögn Jóhanns Bergmann, deild-
arstjóra nýframkvæmda á Suðvest-
ursvæði, munu framkvæmdir við
veginn standa til 15. október næst-
komandi og þvi útséð um að verkið
klárist ekki fyrir verslunarmanna-
helgi. Hann segir að tafir verði á um-
ferð á þessum kafla á háannatíma á
hefðbundnum dögum þannig að bú-
ast megi við þvl að umferðin gangi
mjög hægt um háannatíma verslun-
armannahelgarinnar.
Óhjákvæmilegt
Jóhann segir að ógjörningur hafi ver-
ið að fara í þessa framkvæmd á ann-
an hátt en gert var. 1 fyrsta lagi taki
framkvæmdin hálft annað ár þann-
ig að óhjákvæmilegt hefði verið að
hluti hennar stæði yfir á mesta um-
ferðartlma ársins. Ennfremur segir
hann að til að halda tveimur akrein-
um opnum í báðar áttir meðan á
framkvæmdum stæði hefði þurft að
kosta til nýju brúarkerfi yfir tvær ár
á svæðinu og slíkt hefði augljóslega
ekki verið í boði.
„Menn verða einfaldlega að sýna
biðlund þegar keyrt er um þetta
svæði“, sagði Jóhann að lokum.
Vinnuskóla'dólarinn 2005
Úrslitakeppni í Vetrargarðinum ígcer
Matthías Ingiberg Sigurðsson úr
Mosfellsbæ varð í gær Vinnuskóla’-
dólarinn 2005 og vann 100 þúsund
krónur og árskort I bíó. Viktor Sigur-
jónsson var hins vegar sigurvegari í
net-kosningu og fékk að launum
árskort í bíó og stafræna myndavél.
Lokakeppni Vinnuskóla’dóls Lands-
bankans var haldin í Vetrargarði
Smáralindar og tóku þar þátt sigur-
vegarar í forkeppnum sem haldnar
hafa verið í sumar. Þetta var ann-
að árið í röð sem söngkeppni sem
þessi er haldin en forkeppnir voru
á höfuðborgarsvæðinu og Selfossi.
Þeir sem tóku þátt gerðu það fyrir
hönd síns vinnuhóps og unnu til
verðlauna fyrir hópinn. Því var um
hópefli að ræða en þrátt fyrir það
unnu söngvararnir einnig verðlaun
sem þeir fengu sjálfir að eiga.
Fólk breyti hugsunarhætti sínum
Samtök V-dagsins skera upp herör
gegn nauðgurum í nýjustu herferð
sinni. „I okkar herferðum höfum við
beint athyglinni að gerendum, sem
eru í flestum tilvikum karlmenn, og
viljum vekja fólk til umhugsunar.
Það er alltaf verið að tala við stelp-
urnar um að passa sig, ekki drekka
of mikið, passa í hverju þær eru og
svo framvegis en við erum að reyna
að breyta þessum hugsunarhætti",
segir Ingibjörg Stefánsdóttir, einn
talsmanna samtakanna. Herferðirn-
ar eru hugsaðar til þess að gerendur
geri sér grein fyrir því hver verknað-
urinn er. Tímasetningin miðast við
verslunarmannahelgina en nauðg-
anir hafa oft fylgt skemmtanahaldi
helgarinnar. „Vonandi endar þetta
einhvern tímann en núna erum við
—
íWSfeií;;r- ,
■■,*.
að tala til unga fólksins. Við - og
sennilega allir - vonum að það verði
engar nauðganir um helgina“, segir
Ingibjörg.
Kortanotkun
eykst
I júnímánuði nam velta debet-
og kreditkortaviðskipta rúmum
50 milljörðum króna hérlendis
og jókst þar með um tæp átta
prósent milli ára. Aukning í
kreditkortaveltu átti þar stóran
þátt en hún jókst um 16% á
tímabilinu. Er sagt að aukin
kortavelta sé til marks um
aukin umsvif í hagkerfinu og
mikla einkaneyslu. Ef einungis
er litið á debetkortaveltu í inn-
lendri verslun má sjá mikinn
vöxt að undanförnu en veltan
nam 16,7 milljörðum króna í
júní og jókst að raunvirði um
16,5% frá júní I fyrra. Velta I inn-
lendri verslun hefúr á þennan
mælikvarða aukist samfleytt að
raunvirði frá maí 2004. Segir
í morgunkorni Islandsbanka
að þessar tölur séu í góðu sam-
ræmi við aðra nýlega hagvfsa
sem bent hafa til aukinnar
einkaneyslu. ■
Ekkert er hægt að segja til um hvort
breytingar á yfirstjórn hafi áhrif á
fjölda her- og starfsmanna.
Varnarliðið t Keflavík
Skoðað hvort
flugher taki
við yfirstjórn
Viðræður um að flugher Banda-
ríkjanna taki við yfirstjórn
herstöðvarinnar á Keflavíkur-
flugvelli af flotanum standa
nú yfir. Von er á starfshópi til
Keflavíkur á næstu dögum til
að ræða málið. Að sögn Chris
Usselman, yfirmanni upplýs-
ingamála hjá varnarliðinu, hafa
engar ákvarðanir verið teknar
um málið.
I yfirlýsingu sem varnarliðið
sendi frá sér í gær segir að verið
sé að skoða málið og að niður-
stöðu í því sé að vænta innan
tveggja ára. Chris segir að á
þessu stigi sé Iítið hægt að segja
til um málið og að slíkt verði
ekki hægt fyrr en ákvörðun
liggi fyrir. Þannig sé erfitt að
meta hvort þetta þýði einhverj-
ar breytingar á mannahaldi hjá
varnarliðinu, hvort sem um sé
að ræða hermenn eða óbreytta
starfsmenn. Ef af yrði myndi
sjóherinn algerlega hætta að
hafa afskipti af stöðinni og flug-
herinn myndi því einn stjórna
henni og standa straum af
kostnaði við hana.