blaðið - 12.08.2005, Blaðsíða 17

blaAÍÖ FÖSTUDAGUR 12.ÁGÚST2005
VIÐTALI 17
ur Davíðs Oddssonarþótt ég vilji gjarn-
an gangast við þeirri vináttu. Eg held
að Davíð þurfi ekkert sérstaklega á ráð-
gjöfum að halda. Hann fékk í vöggu-
gjöf skarpar gáfur og ómælda heil-
brigða skynsemi. Hann hefur óvenju
mikinn kjark og þorir að standa einn
gegn öllum þegar samviska hans býð-
urhonum það.
Davíð er umfram allt forystumaður
sem markar sína stefnu sjálfur. Hann
er samt sem áður auðvitað ekki yfir
það hafinn að hlíta ráðum sérfræðinga
og líka vina sinna og stuðningsmanna
og ég held að það hafi haft mikil áhrif
á kynslóð okkar, mína og hans, þegar
Hayek og Friedman komu hingað til
lands og leiddu hugvitsamleg rök að
frelsishugmyndinni. Ekki síður held
að ég að menn eins og Ólafur Björns-
son og Jónas Haraldz hafi haft áhrif á
okkar kynslóð.“
Enginti efast um að Davíð Oddsson
er traustur forystumaður Sjálfstœðis-
flokksins en hver er skoðun þín á for-
ystumönnum hinna flokkanna?
„Ég þekki forystumenn hinna for-
ystuflokkanna ekki eins vel og Davíð
en ég get sagt hvernig þeir koma mér
fyrir sjónir. Ég hef alltaf kunnað vel
við Halldór Ásgrímsson. Hann er ekki
eins lipur í framkomu og Davíð og nær
ekki eins vel til þjóðarinnar en hann
er traustur maður og áreiðanlegur
og hefur góða yfirsýn á efnahagsmál.
Mér hafa fundist árásirnar á hann und-
anfarið ómaklegar og ósanngjarnar.
Ég hef ekki nema gott eitt um Ingi-
björgu Sólrúnu að segja í bankaráði
Seðlabankans þar sem við sitjum
bæði og við hittumst stundum á ýms-
um samkomum. Hún er þægileg við
þau tækifæri en mér hefur ekki fund-
ist hún hafa vaxið mikið sem stjórn-
málamaður síðustu árin. Hún er, held
ég, dálítið ógætin í sambandi við hags-
munatengsl.
Steingrímur J. Sigfússon er góður
leiðtogi Vinstri grænna og á mikinn
þátt í að þeir hafa töluverðan styrk.
Hann er einna mælskastur af íslensk-
um stjórnmálamönnum og hressileg-
ur i viðkynningu. En ég er hræddur
um að ég sé farinn að tala alltof vel um
þetta fólk. Eigum við því ekki að láta
þetta nægja?“
Slúður hinna valdalausu
Þú ert með umdeildari mönnum á
landinu. Ég þekki fólk sem sér rautt
þegar nafnþitt er nefnt. Svo eru sagðar
slúðursögur sem hafa stundum verið
býsna svœsnar.
„Ég er nú alls ekki eina fórnarlamb
þeirra. Slúður er valdabarátta hinna
valdalausu, hún er tilraun þeirra sem
eru niðri í salnum til að ná á einhvern
hátt til þeirra sem þeir ímynda sér að
séu uppi á sviði. Mér finnst sjálfsagt
að leyfa þeim að reyna þótt þeir hafi
ekki alltaf erindi sem erfiði.“
Tekurðu illt umtal ekki inn á þig?
„Ég held að það sé ekki mjög skyn-
samlegt að reyna að hefna sín á þeim
sem höggva til manns. Maður á frek-
ar að herða róðurinn og fara fram úr
þeim. Standa sig betur en þeir á ein-
hverju sviði. Þetta kallaði Sigmund
gamli Freud göfgun hvatanna. En
auðvitað líkar engum vel þegar hann
sætir ósanngjörnum árásum. „Skyldi
manninum ekki leiðast að láta kross-
festa sig?“ spurði Steinn Steinarr. Jú,
að sjálfsögðu er frekar leiðinlegt að
vera krossfestur en þá er að rísa upp
aftur án þess að ég ætli nú sérstaklega
að fara að líkja mér við Krist. Ég gæti
alveg tekið mér í munn orð Gunnars
á Hlíðarenda: Enginn verður með orð-
um veginn."
Þú þykir stundum mjög óvœginn og
átt til að taka sterkt til orða um pólit-
íska andstæðinga.
„Ég tel alls ekki að ég taki sterkt til
orða. Ef þú lest greinar mínar þá eru
þær ekki fullar af stóryrðum. Ég fer
yfir staðreyndir eins og þær liggja
fyrir mér. Ég get verið einbeittur og
99....................
En þótt einkennilegt
megi virðast þá þarfað
vernda kapítalismann
fyrir kapítalistunum.
Kapítalistarnir verða að
gæta stillingar og hófs
og leggja ekki allt undir
sig hver á sínu sviði.
Þeirþurfa að styðja
kapítalismann í reynd.
meiri krafti en núna og vera áffarn
alsæll. Peningar eru ekki stórt atriði í
mínu lífi.
Ég held að það sé nokkuð til í því
sem Jóhannes í Bónus á að hafa sagt:
„Ég vil ekki verða ríkasta líkið í kirkju-
garðinum“. Menn geta ekki flutt neitt
með sér yfir á hinn bakkann og þeir
eiga ekki heldur að gera það. Mér
finnst ágætt að margir ríkir menn
vilja fremur láta gott af sér leiða með
peningum sínum en að deyja frá þeim.
Ef menn eru ríkir eiga þeir að stuðla
að því að aðrir geti einnig orðið ríkir.
Besta leiðin gegn fátækt er að hætta
henni.“
Hvað finnst þér um íslenska nútíma-
skáldsagnagerð?
„Við eigum marga færa og snjalla
rithöfunda en þá skortir flesta lífs-
háskann sem var driffjöður Halldórs
Laxness.
Hallgrímur Helgason hefur einna
mest ímyndunarafl og orðkynngi
íslenskra nútímahöfunda, en skortir
aga, þrautseigju og þolinmæði.
Guðmundur Andri Thorsson eyðir
ágætum stílhæfileikum sínum í sama
hlutverk og Einar Hjörleifsson Kvaran
gegndi í upphafi 20. aldar, sem var
að naggast út í Hannes Hafstein þótt
hann vissi með sjálfum sér að Hannes
væri framúrskarandi stjórnmálamað-
ur. Á sama hátt er Guðmundur Andri
alltaf að skrifa sömu greinina í Frétta-
blaðið um að Davíð Oddsson sé ekki
eins stórkostlegur stjórnmálamaður
og þjóðin haldi.
Einar Kárason er góður handverks-
maður. Ég er ekki viss um að hann
hafi mikinn sköpunarmátt en hann
er eljusamur. Ætli hann sé ekki með
mestu stöðuorkuna af þessum ungu -
rithöfundum? Hann er líka geðþekk-
ur maður í viðkynningu, eins og
Guðmundur Andri og Hallgrímur
eru raunar líka. Ég vona að ég sé ekki
ósanngjarn þegar ég segi að þeir eigi
enn allir eftir að öðlast það sem gerir
bókmenntirnar miklar sem er innri
spenna samfara harðri ögun.“
Hefur þig aldrei dreymt um að skrifa
skáldsögu?
„Ég hef komist að þeirri niðurstöðu
að veruleikinn er oft miklu ævintýra-
legri en skáldsögurnar. Það hefur
margt ótrúlegt gerst á íslandi síðustu
tuttugu árin. Viðskiptalífið hefur öðr-
um þræði verið eins og sápuópera og
hver býsnin á fætur öðrum gerast í
stjórnmálunum. Veruleikinn er lygi-
legastur alls. Um hann ætla ég að
skrifa næstu árin.“
kolbrun@vbl.is
hvass en það er vegna þess að ég þori
að segja það sem aðrir hafa ekki viljað
segja um ýmsa ráðamenn í þjóðfélag-
inu, til dæmis tengsl forráðamanna
Samfylkingarinnar við vafasama ná-
unga í viðskiptalífinu.“
Fresta því leiðinlega
Þú ert gríðarlega vinnusamur, vand-
irðu þigáþað ungur maður?
„Ég held raunar að ég sé fremur latur.
Ég fresta í lengstu lög öllu því sem mér
finnst leiðinlegt að gera. Það er leti. Ég
fresta skattframtalinu mínu og því
að þrífa og fara yfir próf og ritgerðir.
Ástæðan fyrir því að ég legg hart að
mér við ýmislegt er að ég hef áhuga á
því og gaman að því. Hver vinnur ekki
vel að því sem honum finnst skemmti-
legt?“
Þú ert þá vondur í því sem þér leið-
ist?
„Ég er ekki viss um að ég sé vondur í
því en ég er ekki sérlega duglegur við
það.“
Hvaða máli skipta peningarþig?
„Það er ekkert verra að eiga peninga
til að lifa góðu lífi en ef ég missti starf-
ið og yrði að sætta mig við minni tekj-
ur þá myndi ég einbeita mér að fræða-
grúski á Þjóðarbókhlöðunni af enn
Heimur bókanna
Þú lest gríðarlega mikið, varstu
snemma lœs?
„Ég varð snemma læs, steig inn í
heim bókanna og hef lifað í þeim
heimi síðan, eins og margir aðrir hafa
gert. Á síðkvöldi er oft ekki til betri
skemmtun en að taka sér bók í hönd
og lesa. Nú er ég að lesa Njálu því ég
er líka að skipuleggja litla alþjóðlega
málstofu um Brennu-Njálssögu ogþar
verður rætt um þá mynd sem dregin
er upp í Njálu af réttarvörslu í hönd-
um einstaldinga.
Það sem heillar mig þó mest við
Njálu er mýgrútur af sérkennilegum
og athyglisverðum einstaklingum.
Þegar grannt er skoðað kemur í ljós að
jafnvel í þrjótunum er eitthvað gott að
finna. Mörður Valgarðsson er senni-
lega versti maður sögunnar en þess er
þó getið að hann hafi elskað konu sína
heitt. Hallgerður langbrók er greini-
lega það sem nútímalæknar myndu
kalla geðvillt sem kann að stafa af
þvi að hún var misnotuð í æsku af Þjó-
stólfi fóstra sínum, eins og mér finnst
sagan gefa í skyn. Ef við lítum á hetj-
urnar í sögunni, Gunnar og Njál, þá er
hvorugur þeirra gallalaus. Gunnar er
einfaldur og Njáll blendinn á köflum.“
10-50% afsláttur
o
Opið: Virka daga kl. 10 -18, laugardaga kl. 11 -16.
HÚSGAGNAVERSLUN
Síöumúla 20 I síml 568 8799 I www.ondvegi.ls I ondvegl@ondvegi.is