blaðið - 26.08.2005, Síða 25
blaöiö FÖSTUDAGUR 26. ÁGÚST 2005
VIÐTAL I 25
og mikilvœgi vinnunnar
að veði
Það gerist ekki nema með sam-
stilltu átaki og ég heyri og finn að
fólkið er með mér - flestir að minnsta
kosti. Nýtt skipurit var samþykkt
í vor, einhverjar stöður hafa verið
lagðar niður og aðrar verið stofnað-
ar. Valddreifing er að verða meiri og
aukin ábyrgð hefur verið sett yfir á
faglega millistjórnendur. Allt miðar
þetta að aukinni skilvirkni í starfi.
Flest af því sem tekur til breyt-
inga í innra starfi er þó eitthvað sem
í raun varðar almenning litlu, það
eina sem skiptir máli út á við er að
við erum að vinna að því auka og
bæta þjónustustigið. Hægt og bít-
andi munu áhorfendur verða varir
við þá viðleitni, þó að allt taki þetta
sinn tíma.“
Ef menn eru lengi í starfi eins og
Þjóðleikhússtjórastarfi heyrist tal-
að um klíkustarfsemi og annað
slíkt. Er auðvelt að staðna í svona
starfi?
„Stór hluti af starfinu f listastofnun
á borð við Þjóðleikhúsið mótast af
smekk og listrænni sýn viðkomandi
stjórnanda. Þannig á það líka að vera
- það er styrkur slíkra stofnanna og
gefur þeim þá sérstöðu sem þeim
er nauðsynleg til að standa undir
merkjum. Hitt er lika jafn nauðsyn-
legt - en það er að tryggja heilbrigða
endurnýjun. Það liggur í hlutarins
eðli að ef einn smekkur ræður of
lengi, útilokar hann óhjákvæmilega
annan. Ef þjóðleikhússtjóri situr „of
lengi“ er hætt við að stöðnun eigi sér
stað. Hann má heldur ekki sitja „of
stutt“, þá verður rótið of mikið og
þróunarvinna í uppnámi. Skipun-
artími er fimm ár í senn og að öllu
jöfnu teldi ég eðlilegt að þjóðleikhús-
stjóri sem er farsæll í stafi sitji tvö
tímabil, en ekki lengur.
Að veðja á höfunda
Það er stundum kvartað undan
því að við eigum svo fá leikrita-
skáld. Hvaðfinnst þér?
„Það er margt og mikið að gerast í
þeim málum og óhætt að fullyrða
að Þjóðleikhúsið hefur átt sinn þátt
í þeirri jákvæðu þróun á undanförn-
um árum. Ritun leikrita er þó þeim
annmörkum háð að texti í handriti
er aldrei nema grunnur að annarri
vinnu í leikhúsinu. Menn verða að
hafa annað tveggja til að bera, yfir-
gripsmikla þekkingu á leikhúsmiðl-
inum, eða sveigjanleika og vilja til
skapandi samvinnu. Auðvitað er
það best þegar þetta tvennt fer sam-
an. Það sannar sagan líka, Shakespe-
are, Moliere, Tsjekof, Brecht...allt
voru þetta leikhúsmenn sem jafn-
framt bjuggu yfir skáldlegum neista.
Þeir unnu innan leikhússins og þró-
uðu verk sín áfram í samvinnu við
leikhópinn og aðra aðstandendur.
Hér heima hefur þessari aðferð einn-
ig verið beitt með góðum árangri.
Þannig mótuðust verk Jökuls Jakobs-
sonar í leikhúsinu allt æfingarferlið.
Kjartan Ragnarsson er sömuleiðis
leikhúsmaður og Ólafur Haukur
Simonarson er orðinn ákaflega
handgenginn leikhúsinu svo fáir
séu nefndir. Eitt afkastamesta leik-
skáld yngri kynslóðarinnar, Jón Atli
Jónasson er líka leikhúsmaður af lifi
og sál og það er að mínu mati hans
stærsti styrkur. Leikhúsið getur
einnig í auknum mæli átt frumkvæð-
ið að því að virkja leik- og tónskáld.
Veðjað á höfunda og falið þeim verk-
efni. Nýr samningur frá því í vor
við Rithöfundasambandið opnar
vel fyrir þennan möguleika og við
erum að nýta okkur það í starfinu
í vetur. Við réðum Völu Þórsdóttur,
leikara og leikritaskáld til að vinna
fyrir okkur verk upp úr sex sögum
Svövu Jakobsdóttur, ekki eiginlega
leikgerð, heldur sjálfstætt höfunda-
verk byggt á hugmyndaheimi og
með tilvísanir í Svövu. Sama á við
um Þorvald Þorsteinsson og Árna
Egilsson, við fengum þá til að vinna
fyrir okkur aðventuævintýri fyrir
börn, byggt á ákveðnum grunni og
forsendum. Með þessu er ekki verið
að útiloka sjálfssprottnar hugmynd-
ir, síður en svo, aðeins að víkka svið-
ið. Að auki eru höfundar að vinna
fyrir okkur leikgerðir eins og oft
hefur verið gert. Ég held að leikhús-
ið geti í meira mæli komið til móts
við fólk og veðjað á unga höfunda og
tekið undir sinn verndarvæng. Ég
hef vissulega hug á að gera það.“
Dreymir þigþá um að snúa aftur
á svið?
„Ég held þeim möguleika algjörlega
opnum. Ég held að ég muni alltaf
velja mér skapandi starf. Það mót-
unarstarf sem ég sinni nú er mjög
skemmtilegt og sannarlega afar
skapandi.“
kolbrun@vbl.is
Opið hús
Mikið úrval af tækjum til sýnis
íslandsmót í kranastjórnun
Gáma- og stálgrindarhús Skæra- og spjótlyftur Rafstöðvar
Vinnuvélar Steypumót Kranar
Það er von okkar að þið sjáið ykkur fært um að mæta og sjá bestu krana-
menn landsins keppa ásamt því að skoða úrvalið sem Merkúr er með af
vélum og tækjum. Á föstudag og laugardag verður starfsfólk Merkúr með
fullt af spennandi tilboðum í gangi. Ný byggingaleiga verður með kynningu.
Kynningin verður haldin að Bæjarflöt 4 Grafarvogi,
föstudaginn 26. ágúst frá kl. 08.00 - 17.00 og
laugardaginn 27. ágúst frá kl. 10.00 - 14.00.
Nánari upplýsingar má finna á www.merkur.is