blaðið - 02.05.2006, Page 8
8IFRÉTTIR
ÞRIÐJUDAGUR 2. MAÍ 2006 blaðið
Reuters
Beðist fyrir á 1. maí
Vera kann að de Villepin
neyðist til að segja af sér
Forsætisráðherra Frakklands hefur verið bendlaður við rannsókn á meintri spillingu
Nicolas Sarkozy, mannsins sem er helsti keppinautur hans í frönskum stjórnmálum.
Vangaveltur magnast nú í Frakk-
landi um að Dominique De Villepin
kunni að neyðast til að segja af sér
embætti forsætisráðherra.
Herforingi einn sagði dómurum
sem rannsaka spillingarmál að de
Villepin hefði falið sér að kanna
hvort ásakanir um að Nicolas
VANDAÐUR FATNAÐUR FYRIR VANDAÐAR KONUR
Lauqaveqi 58 • Simi 551 4884 • stillverslun.is
Sarkozy innanríkisráðherra hefði
þegið mútur. Forsætisráðherrann
segir það ekki rétt vera að hann hafi
beint rannsókninni að Sarkozy sem
er helsti keppinautur hans í frönsku
stjórnmálalífi. Nú hefur verið leitt i
ljós að Sarkozy tengdist ekki spilling-
armálinu og sætir nú de Villepin vax-
andi þrýstingi um að láta af embætti.
Málið gæti reynst forsætisráðherr-
anum erfitt ekki síst í ljósi þess að
hann þurfti að draga til baka breyt-
ingar sem ríkisstjórnin hugðist gera
á vinnulöggjöfinni í Frakklandi.
Þótti sú niðurstaða mikið áfall fyrir
de Villepin.
Þetta er í fyrsta skipti sem nafn
de Villepin er tengt við Clearstream-
hneykslið svonefnda. Clearstream
er fjármálafyrirtæki í Lúxemborg
og er því haldið fram að það hafi
annast mútugreiðslur til franskra
stjórnmálamanna árið 1991 þegar
franskar freigátur voru seldar til Tai-
wan. Fyrir tveimur árum kom fram
listi með nöfnum stjórnmálamanna
sem sagðir voru hafa þegið slíkar
greiðslur í gegnum Clearstream. Á
listanum var að finna nafn Nicholas
Sarkozy, núverandi innanríkisráð-
herra. Líklegt hefur verið talið að
hann og Dominique De Villepin
muni keppa um forsetaembættið í
Frakklandi á næsta ári.
Franskur herforingi, sem forðum
starfaði fyrir leyniþjónustuna, hefur
sagt dómurum sem rannsaka málið
að de Villepin hafi sérstaklega beðið
sig um að athuga hvernig Sarkozy
tengdist málinu. Nú hefur komið
í ljós að nafn hans á listanum var
fölsun. Er de Villepin því nú víða
vændur um að hafa ætlað að ná sér
niður á keppinauti sínum með því
að nýta sér ríkisstofnanir.
Sarkozy nýtur umtalsverðra vin-
sælda og hafa þær haft tilhneigingu
til að aukast í réttu hlutfalli við
vanda Dominique De Villepin. Þykir
málið því áfall fyrir forsætisráðherr-
ann og telja margir í Frakklandi að
hann geti nú hætt að láta sig dreyma
um að verða eftirmaður Jacques
Chirac forseta.
Grunaðir um
fjölda innbrota
mbi.is | Lögreglunni í Kópavogi
barst í gærmorgun tilkynning
um innbrot í fyrirtækið Pap-
ino's pizzur við Núaplind 1 og
fylgdi tilkynningunni lýsing á
bifreið þeirra sem þar voru að
verki. Skömmu síðar stöðvaði
lögregla bifreið skammt frá, en í
henni reyndust vera fjórir menn
um tvítugt sem allir voru hand-
teknir og færðir í fangageymslu
lögreglu. Þeir eru grunaðir um
innbrotið, sem og fjölda ann-
arra innbrota.
g?
9.maí
1
w
w
+ 5 milljónir
í skottinu á tvöfaldan mlða
Hringdu núna 561 7757
Kiktu á netið WWW.daS.ÍS
HAPPDRÆTTI
dae
-r/sn/ngirr / Itierri ilti
Bflaínnflytjandi
ÍSBiSBPtND.IS
Kínverskur drengur fer með bænir sína i Lunghua-hofinu í Shanghai í Kína. Kínverjar halda 1. maí hátíðlegan en fríið sem menn fá þar
í landi en öliu lengra en tíðkast í öðrum heimshlutum. Hátíðarhöldin standa yfir i viku. Algengt er fólk noti tækifærið og haldi til stærri
borga og njóti margvíslegra skemmtana og hátíða sem efnt er til af þessu tilefni.
Opnun vinnumarkaða
veldur deilum í Evrópu
Nokkur af eldri aðildarríkjum Evr-
ópusambandsins (ESB) hyggjast
opna vinnumarkaðinn fyrir fólki
frá þeim ríkjum sem gengu í sam-
bandið 1. maí árið 2004.
Finnar, Spánverjar og Portúgalir
hafa lýst yfir því að hömlum verði
aflétt i þessu efni og um helgina
skýrðu stjórnvöld í Grikklandi frá
því að þau hygðust gera slíkt hið
sama. Þessi ríki bætast nú í hóp Bret-
lands, Irlands og Svíþjóðar sem opn-
uðu vinnumarkað sinn fyrir fólk frá
nýju aðildarríkjunum um leið og
þau gengu í sambandið.
Frakkar, Þjóðverjar og Austurrík-
ismenn hyggjast á hinn bóginn ekki
opna vinnumarkaðinn. Austurríkis-
menn og Þjóðverjar segja að staða
þeirra sé önnur en þjóða á borð við
Breta og Portúgali. Landfræðileg
nálægð við nýju aðildarríkin í Mið-
og Austur-Evrópu geri að verkum
að varlega verði að fara í þessum
efnum.
í Austurríki nýtur sú skoðun
fylgis að fátækari ríki á borð við ná-
grannalandð Slóveníu þurfi lengri
tíma til að byggja upp hagkerfi sín.
Gríðarlegur lífskjaramunur sé nú
ríkjandi og Austurríkismenn geti
ekki opnað vinnumarkað sinn fyrir
aðkomufólki á meðan hann sé svo
mikill sem raun ber vitni.
Ákvæðið um frjálst flæði vinnu-
aflsins er eitt af lykilatriðum þeirra
sáttmála sem liggja Evrópusam-
bandinu til grundvallar. í mörgum
ríkjum ESB, sérstaklega Þýskalandi
og Austurríki, óttast margir að
bylgja ódýrs vinnuafls frá Mið-
og Austur-Evrópu ríði yfir. Þetta
muni hafa í för með sér að atvinnu-
tækifærum ríkisborgara í þessum
löndum muni fækka til muna.
Áhyggjur þessar urðu til þess að
samið var um það á vettvangi Evr-
ópusambandsins að skilgreindur
skyldi ákveðinn aðlögunartími.
Gátu aðildarríkin útilokað, tíma-
bundið, vinnuafl frá átta afþeim tíu
ríkjum sem bættust í hópinn 1. maí
árið 2004. Maltverjar og Kýpurbúar
voru undanskildir og hefur því fólk
þar getað haldið þaðan í atvinnuleit
til annarra Evrópuríkja frá fyrsta
degi.
Hvað hin ríkin átta varðar var
ákveðið að eldri aðildarríki gætu
valið um að opna vinnumarkað
sinn strax, líkt og Svíar, Bretar og
Irar gerðu, eða að takmarka flæði
vinnuafls til viðkomandi lands í
tvö ár. Nú er sá tími liðinn en tak-
markanir má framlengja um þrjú
ár til viðbótar og síðan í tvö ár að
þeim þremur loknum. Hvað síðustu
tvö árin varðar þurfa stjórnvöld í
viðkomandi ríki á hinn bóginn að
leggja fram sannanir fyrir því að
hið frjálsa flæði vinnuaflsins myndi
skaða vinnumarkaðinn.
Stjórnvöld í gömlu kommúnista-
ríkjunum í Mið - og Austur-Evrópu
hafa lagt hart að eldri aðildarríkjum
að falla frá takmörkunum að þessu
leyti með þeim rökum að i þeim fel-
ist mismunun.