blaðið - 30.05.2006, Síða 8

8
ÞRIÐJUDAGUR 30. MAÍ 2006 blaöið
Þú gætir sparað
tugi þúsunda á ári!
e2 Vildarkort er nýtt VISA kreditkort sem veitir
korthöfum bæði Vildarpunkta lcelandair og
endurgreiðslu - allt í sömu færslunni, hvar
sem þú verslar innanlands.
Kostir e2 Vildarkortsins:
• Þú þarft engu að breyta í innkaupum - þú færð bæði Vildarpunkta og endur-
greiðslu hvar sem þú verslar innanlands.
• Þú færð Vildarpunkta og endurgreiðslu af öllum boðgreiðslum eins og orku-
reikningum, leikskólagjöldum, fasteignagjöldum, sjónvarpsáskriftinni og öllu
hinu sem fylgir því að reka heimili.
• Þú færð 0,65-25% viðbótarendurgreiðslu eða viðbótarvildarpunkta ogýmis
sértilboð hjá næstum 400 fyrirtækjum.
Með því að nota e2 Vildarkortið geturðu áunnið þér tugi þúsunda Vildarpunkta
sem hægt er að nota til að komast út í heim með lcelandair og tugi þúsunda
króna sem þú notar í það sem þér hentar!
Þú sækir um á www.e2.is
Allir geta sótt um kortið óháð viðskiptabanka
Dæmi um ávinning
Fertug hjón meó þrjú börn sem bæði hafa Gull e2 Vildarkort.
Saman nota þau e ■ Vildarkortin fyrir 250.000 kr. á mánuði.
Ávinningur (krónum:
Endurgreiðsla í desember: 37.980 kr.
Sértilboð hjá samstarfsfyrirtækjum: 30.000 kr.
Samtals:
67.980 kr.
Ávinningur í Vildarpunktum:
Árleg uppsöfnun: 26.480
Þau keyptu tvo flugmiða með lcelandair til Evrópu: 7200
Samtals:
33.680 Vildarpunktar
Hefur þú efni á að sleppa þessu einstaka tækifærí?
SPRON / Sími: 550 1400 / thjonusta@e2.is / www.e2.is
Vildarkort
Allt í einu korti
Víðir Smári Petersen
Sautján ára
ofurstúdent
Víðir Smári Petersen lauk framhaldsskóla
sautján ára gamall. Hann var ósáttur við að
fá ekki að kjósa í sveitarstjórnarkosningum
Vfðir Smári Petersen náði þeim
framúrskarandi árangri að útskrif-
ast úr Menntaskólanum í Kópavogi
aðeins 17 ára gamall nú i vor. Víðir
var ári á undan í skóla og hóf nám í
menntaskóla 15 ára gamall.
„Ég kláraði skólann á þremur
árum,” segir Víðir Smári en á út-
skriftinni mátti heyra fólk taka and-
köf þegar skólastjóri MK, Margrét
Friðriksdóttir sagði gestum frá
aldri Víðis.
„Ég er að fara í lögfræði í haust,”
segir Víðir Smári sem ætlar ekki að
hægja á ferðinni þrátt fyrir ungan
aldur. Hann ætlar í Háskóla Is-
lands í lögfræðina og segir að ef vel
gengur þá muni hann klára mast-
ersnámið um 22 ára aldur.
Hugur Víðis er þó ekki einungis
bundinn við námið því hann er
einnig að læra á klarinett og mun
ljúka burtfaraprófi næsta vor ef allt
gengur eftir, „það dreifir huganum
að spila á klarinettið,” segir Viðir.
Víðir segir aðspurður að hann
eigi nú ekki eftir að sakna fram-
haldsskólaballanna en öllu verra
þótti honum að fá ekki að kjósa í
nýafstöðnum kosningum, „maður
hafði sína skoðun á pólitíkinni,”
segir Víðir en vill þó ekki gefa
upp hvar hugur hans liggur í þeim
málum.
Björgunarstarf við
erfiðar aðstæður á Jövu
Fórnarlamb jarðskjálftans á Jövu á laugardag borið inn á sjúkrahús i borginni Yogyak-
arta í Indónesíu í gær. Talið er að meira fimm þúsund manns hafi beðið bana í jarðskjálft-
anum og tugir þúsunda eru á vergangi eftir að heimili þeirra eyðilögðust í jarðhrær-
ingunum. Alþjóðleg hjálparsamtök og björgunarlið aðstoða indónesísk stjórnvöld á
rústasvæðinu. Miklar rigníngar og tíðar rafmangstruflanir hamla björgunarstarfi. Mikil
neyð er á svæðinu og margir án skjóls og matar. Stjórnvöld sæta nú vaxandi gagnrýni
vegna þess hve lítil og illa skipulögö neyðaraðstoðin er.
Þrengt að enskum trúðum
Trúðar eiga í erfiðleikum með að
vera fyndnir á Englandi sökum
vatnsskorts. Vatnsveitur í Suð-
austur-Englandi hafa bannað
óþarfa notkun á vatni og hótað
meðal annars trúðum í fjölleika-
húsi Zippo háum fjársektum haldi
þeir áfram að skvetta vatni úr
fötum á hvorn annan og sprauta
vatni úr blómum sem eru í
hnappagati.
Yfirvofandi vatnsskortur er á
sumum svæðum i Englandi sökum
lítillar úrkomu sl. vetur. Trúður-
inn Zippo, sem einnig gengur
undir nafninu Martin Burton,
er afar ósáttur við að mega ekki
nota vatn í starfi sínu sem trúður.
Hann segir að Bretum þykji ákaf-
lega fyndið að sjá fólk blotna og
að þeir flykkist í fjölleikahús til
þess. Zippo er á þeirri skoðun
að yfirvöld vatnsveitna ættu að
slaka á. Stuart Hislop, talsmaður
vatnsveitna á svæðinu, segir hins-
vegar að eitt þurfi að ganga yfir
alla. Sökum vatnsskorts leyfist
almennum borgurum nú um
stundir ekki að sóa vatni og það
sama á að gilda um trúða.