blaðið - 08.11.2006, Blaðsíða 28

3 6 MIÐVIKUDAGUR 8. NÓVEMBER 2006
blaðið
Geymsluþol grænmetis
Skoriö grænmeti hefur takmarkað geymsluþol því að við skurðinn
verður það viðkvæmara fyrir ágangi umhverfisáhrifa og örvera.
Náttúruleg emsím taka að brjóta það niður og örverur eiga greiðari
leið að vefjum þess og því skemmist það fyrr en ella.
Lækkum rafmagnsreikninginn
Á flestum heimilum er hægt að minnka rafmagnsnotkun um allt að 20 prósent
án þess að það komi niður á gæðum lýsingarinnar. Þetta má meðal annars gera
með því að skipuleggja lýsingu heimilisins í samræmi við þarfir, velja Ijós við
hæfi og nýta dagsbirtuna betur.
neytendur
neytendur@bladid.net
Notkun heitisins
ís ársins bönnuð
Neytendastofa hefur bannað
Kjörís notkun heitisins ís ársins
en Emmessís kvartaði við Neyt-
endastofu yfir notkun Kjöríss á
heitinu og umbúðum vörunnar.
Áð mati Neytendastofu hefur
Kjörís brotið gegn góðum við-
skiptaháttum og veitt rangar og
villandi upplýsingar á umbúðum.
Jafnframt er markaðssetningin
sögð ósanngjörn gagnvart keppi-
nautum.
í úrskurði Neytendastofu segir
að heitið ís ársins hafi beina skír-
skotun til þess að um vöru sé að
ræða sem hafi hlotið viðurkenn-
ingu umfram aðrar staðgöngu-
vörur.
Kjörís heldur því aftur á móti
fram að heitið og merki vörunnar
vísi til þess að varan verði á
markaði í takmarkaðan tíma. Is
ársins 2006 verði þannig aðeins
á boðstólum árið 2006.
I úrskurði Neytendastofu segir
að sú skýring sé talin langsótt
enda komi það hvergi fram á
umbúðunum.
Vilja enga inn-
flutningsvernd
Stjórn Samtaka verslunar og
þjónustu (SVP) krefst þess að
innflutningsvernd mjólkuraf-
urða verði felld niður um næstu
áramót við sameiningu afurða-
stöðva íslenska mjólkur-
iðnaðarins (að Mjólku
undanskilinni).
Mjólkurvörur hafa
notið verndar í
formi innflutnings-
tolla og kvótauþp-
boða og krefst
SVÞ þess að hún
verði felld niður.
í fréttatilkynningu frá SVÞ segir
að þannig verði komið á sam-
keppnismarkaði með umræddar
vörur. Vilja samtökin jafnframt
að sú breyting verði gerð að
þessar vörur lúti allar samkepþn-
islögum eins og aðrar almennar
neysluvörur.
Samtökin árétta að útilokað sé
að sátt verði um að sameining af-
urðastöðva fari fram án þess að
oþnað verði fyrir ógjaldskyldan
innflutning mjólkurvara.
Markaðssetning gagnvart
börnum Ný tækni býður upp
á möguleika til markaðssetn-
ingar sem beint er að börnum
sem foreldrar eru oft ekki með
vitaðir um.
Nýjar leiðir í markaðssetningu sem beinast að börnum og unglingum
Böm og unglingar
markaðsmanna
í sigti
Með nýrri tækni og
breyttum lífsháttum
barna og unglinga
hafa opnast nýjar
leiðir í tengslum við
markaðssetningu á vöru og þjónustu.
Oft eru foreldra ekki meðvitaðir um
þessar aðferðir. Sem dæmi um þetta
má nefna markaðssetningu á Netinu
(til dæmis í gegnum leiki, blogg og
leitarvefí), markaðssetning gegnum
farsíma (SMS-skilaboð, leikir og
happdrætti) og svo kölluð vörusýnd
(e. product placement). Með vöru-
sýnd er átt við það þegar fyrirtæki
borga fyrir að vörur þeirra sjáist eða
séu nefndar á nafn í sjónvarpi, kvik-
myndum og jafnvel í tölvuleikjum.
Auglýsinga- og markaðsáreiti á 12-
16 ára börn eykst jafnt og þétt með
tilkomu nýrra miðla samkvæmt
nýrri skýrslu frá Norrænu ráðherra-
nefndinni þar sem fjallað er um nýj-
ar markaðsaðferðir sem beinast að
börnum og unglingum.
Börn stærri neytendahópur
Brynhildur Pétursdóttir, frá
Neytendasamtökunum, og María
Kristín Gylfadóttir, formaður Heimil-
is og skóla, sátu í hópnum sem vann
skýrsluna fyrir hönd Islands.
„Ástæðan fyrir því að þessi skýrsla
var gerð er sú að börn eru alltaf að
verða stærri og mikilvægari neyt-
endahópur. Það var verið að kort-
leggja þær aðferðir sem er verið að
beita og má búast við að verði beitt í
auknum mæli þannig að það sé hægt
að bregðast við og foreldrar viti af
þessu,“ segir Brynhildur.
Hún telur að fólk sé almennt
ekki nógu meðvitað um markaðs-
setningu með nýrri tækni og oft sé
markaðssetningunni hagað þannig
að ekki er ljóst að um auglýsingu sé
að ræða. Það á meðal annars við um
vörusýnd.
„Það er betra fyrir þá sem eru að
markaðssetja að þetta sé svolítið
dulið. Þá upplifirðu þetta ekki sem
auglýsingu og ert ekki með gagnrýn-
isgleraugun á,“ segir hún.
Brynhildur segir að þeirrar til-
hneigingar gæti einnig að auglýsing-
um á vöru og þjónustu sé beint gegn
yngri krökkum en æskilegt sé.
„Einhvern tíma fengum við kvart-
anir út af bíómynd sem var bönnuð
innan 12 ára en markaðssetningin
miðaðist við yngri börn en 12 ára.
Tölvuleikir eru kannski bannaðir
innan 16 en þeir eru auglýstir í kring-
um barnatímann. Það er tilhneiging
til að stækka markhópinn og ná til
yngri krakka,“ segir Brynhildur.
Lítil umræða á fslandi
Hún segir að minni umræða sé
um þessi mál hér á landi en annars
staðar á Norðurlöndum og hér viðg-
angist margt sem myndi aldrei vera
liðið þar eins og til dæmis markaðs-
setning bankanna í framhaldsskól-
um. „Við leyfum fyrirtækjum að
komast upp með þetta og þá halda
þau auðvitað áfram,“ segir Brynhild-
ur sem finnst að neytendur mættu
láta meira í sér heyra.
„Ég myndi vilja að neytendur
segðu sína skoðun við fyrirtækin
eða við okkur þannig að fyrirtækin
gætu brugðist við. Eg held að flest
fyrirtæki vilji gera vel en svo hleyp-
ur markaðsdeildin kannski aðeins
fram úr sér. Þá er um að gera að láta
vita af því,“ segir Brynhildur.
Markaðsfræðingar finna alltaf nýj-
ar leiðir til að koma vöru og þjónustu
á framfæri og telur Brynhildur að
kenna þurfi börnum auglýsingalæsi
og að vera gagnrýnin.
„Það er ýmislegt í gangi á Netinu,
jafnvel þó að það virðist aðeins vera
saklausir leikir. Það er alltaf einhver
boðskapur og einhver fyrirtæki sem
standa að baki. Mikilvægast er að
krakkarnir og aðrir sem koma að
þessu viti að þarna geti verið um
auglýsingu að ræða og taki því með
þeim fyrirvara," segir Brynhildur.
Það er þinn hagur og
okkar hlutverk að
efla neytendastarf
á fslandi.
Ertu félagsmaður?
NEYTENDASAMTÖKIN
Mikill verðmunur á smurþjónustu
Munur á hæsta og lægsta verði á
smurþjónustu fyrir fólksbíl reynd-
ist vera rúmlega 1.300 krónur eða
66 prósent, samkvæmt verðkönnun
sem verðlagseftirlit Alþýðusambands
íslands gerði hjá 17 þjónustuaðilum
þriðjudaginn 31. október.
Verðlagseftirlitið kannaði verð á
þjónustu við þrjár stærðir bíla, fólks-
bíl, jeppling og stærri jeppa. Aðeins
var um beinan samanburð á þjónustu
að ræða en ekki lagt mat á gæði sölu-
aðila.
Vélaverkstæði Hjalta við Melabraut
í Hafnarfirði reyndist vera ódýrast í
öllum flokkum.
Mestur verðmunur var á smurþjón-
ustu við stóra jeppa. Hjá Vélaverk-
stæði Hjalta þar sem hún var ódýrust
kostaði hún 2.689 krónur en dýrust
var hún hjá Smurstöðinni Fosshálsi
og Smurstöðinni Stórahjalla þar sem
hún kostaði 4.750 krónur. Þar munar
2.061 krónu eða tæpum 77 prósentum.
Ódýrasta smurþjónustan fyrir jepp-
ling var 2.378 hjá Vélaverkstæði Hjalta
en dýrust hjá Gúmmívinnustofunni
Réttarhálsi þar sem hún kostaði 3.992
krónur. Munurinn er rúmlega 1.600
krónur eða 67 prósent.
Vélaverkstæði Hjalta var einnig
með ódýrustu smurninguna í flokki
fólksbíla en þar kostaði smurningin
frá 1.992 krónum en dýrust var hún
hjá Smurstöðinni Fosshálsi þar sem
hún kostaði 3.310 krónur. Verðmunur-
inn er þvi rúmlega 1.300 krónur eða
66 prósent.