blaðið - 17.02.2007, Blaðsíða 12
blaði
Útgáfufélag:
Stjórnarformaður:
Ritstjóri:
Fréttastjóri:
Ritstjórnarf ulltrúi:
Ár og dagurehf.
SigurðurG.Guðjónsson
Trausti Hafliðason
Gunnhildur Arna Gunnarsdóttir
Elín Albertsdóttir
Þétt setið í
háloftunum
Lækkun á flugfargjöldum og hópferðum til sólarlanda hefur komið
sér vel fyrir almenning, enda eru mun fleiri sem hafa efni á að skjótast á
milli Ianda en áður tíðkaðist. Flestir fagna lággjaldaflugfélögum. Það er þó
ókostur við að ferðast með þeim. Sætaraðirnar eru svo þéttar að venjuleg
manneskja situr í hnút dragi hún niður borðið fyrir framan sig, að ekki sé
talað um þegar sæti fyrir framan hana hefur verið lagt niður. Nú er það
staðreynd að fólk hefur fitnað töluvert á undanförnum árum og það getur
því verið kvöl fyrir feitar manneskju eða hávaxnar að troða sér í sæti í
flugvél með þessu fyrirkomulagi. Ófrískar konur eiga líka bágt, bæði hvað
varðar þrengslin og andrýmið. Þegar komið er að farþegum sem ætla að
sitja undir börnum yngri en tveggja ára er málið orðið alvarlegt. Börn-
unum líður svo illa í þrengslunum að þau gráta látlaust meðan á flugferð
stendur. Þá eru ótaldir þeir sem eiga við innilokunarkennd að stríða eða
aðra andlega sjúkdóma.
Ferðir til Kanaríeyjanna; Cran Canari, Tenerife og Lanzarote hafa verið
gríðarlega vinsælar meðal fjölskyldufólks í vetur. Flugið tekur upp undir
sex klukkustundir og þar er einmitt boðið upp á þéttraðaða sætabekki svo
fleiri farþegar komist fyrir um borð. Farþegar borga lægra verð en þurfa í
staðinn að sætta sig við stöðugan barnsgrát og vanllðan fólks í tæpar sex
klukkustundir á meðan á flugi stendur. Það er vart boðlegt.
Það er umhugsunarefni hvort ekki verði að vera sérstakar sætaraðir fyrir
mjög feitt fólk og þá sem ætla að halda á ungum börnum sínum um borð í
vélunum. Fólk ætti þá að borga örlítið meira fyrir fargjaldið en fá í staðinn
þægilegra flug fyrir sjálfan sig, barnið og aðra í vélinni án þess þó að um
sé að ræða einhvers konar saga class.
Vetrarferðir í sólina á Kanaríeyjum voru að mestu sóttar af eldri borg-
urum á þessum árstíma en þetta nefur breyst og yngra fólk er að uppgötva
hversu notalegt það getur verið að skjótast í hlýtt loftslag meðan kuldinn og
myrkrið vofir yfir hér heima. Vetrarfrí í skólum hafa líka veitt foreldrum
tækifæri til að komast burt með börnum sínum á þessum árstíma. Það er
greinilegt að margir notfæra sér það. Verðlækkun á þessum ferðum skiptir
hér örugglega líka miklu máli sem er hið besta mál. Flugferðirnar verða
samt að vera bærilegar fyrir alla.
Að sitja í þröngri flugvél til London og Kaupmannahafnar er erfitt fyrir
marga en flugtíminn er miklu styttri heldur en í sólina og því er kannski
ekki mikið kvartað á þeirri leið. Hins vegar ættu flugfélög að íhuga líðan
farþega sinna þegar þeir raða sætabekkjunum svona þétt, sérstaklega fyrir
lengri flugleiðir.
Páskar eru framundan. Búast má við að íslendingar verði mikið á far-
aldsfæti þá svo nú er um að gera fyrir eigendur ferðaskrifstofa og flugfélaga
að gera ráðstafanir og breikka örlítið sætabil í vélum sínum. Þá koma allir
glaðir heim úr fríinu, eins og vera ber.
Elín Albertsdóttir
Augiýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
Mánar
_ - |
Tl\
» l_\
ífílSM
ÍHM
Með skinku og osti
Fulleldaðir og tilbúnir
á pönnuna eða í ofninn!
HoIqus
12 LAUGARDAGUR 17. FEBRÚAR 2007 blaöiö
Enginn Reykvíkingur
í Sjálfstæðisflokknum?
Það er rétt svo að maður fylgist
með pólitíkinni með öðru auganu
heima í fæðingarorlofi. En út um
það sá ég í vikunni Sturlu Böðv-
arsson, sverð Sjálfstæðisflokksins
sóma og skjöld í samgöngumálum,
kynna framtíðaráætlanir sínar.
Ekki hélt ég að fyrir okkur Reyk-
víkinga gæti vont versnað í þeim
efnum, enda erum við vondu vön
af samgönguráðherrum Sjálfstæð-
isflokksins. Þeir láta okkur greiða
langstærstan hluta bensíngjaldanna
en verja aðeins einum þriðja þeirra
til samgöngubóta hjá okkur. I nýrri
samgönguáætlun versnar þetta enn
og er engu líkara en að í þingflokki
Sjálfstæðismanna sé enginn Reyk-
víkingur svo algjörlega eru verk-
efnin hér hundsuð.
Yfirbyggðar kappakstursbrautir
Sem kunnugt er hefur mikill áhugi
verið í tíð þessarar ríkisstjórnar á jarð-
gangagerð milli fáfarinna staða. Svo
fáfarinna raunar, að fréttir herma að
þau nýjustu séu notuð til kappaksturs-
æfinga enda ótrúleg framför á snjó-
þungum svæðum að fá yfirbyggðar
kappakstursbrautir með þessum
hætti án nokkurs tilkostnaðar. Á
þessum sama tíma er þessi sami Sjálf-
stæðisflokkur að leggja fram áætlun
sem á kjörtímabili borgarstjórnar
gerir ekki ráð fyrir göngum við Mýr-
argötu og á Miklubraut, fjölförnum
þjóðleiðum sem vegna byggðaþró-
unar þurfa að grafast í jörð að hluta.
Hún gerir alls ekki ráð fyrir Öskju-
hlíðargöngum eða Kópavogsgöngum
til að auðvelda samgöngur milli
miðborgarinnar og Kópavogs, Garða-
bæjar og Hafnarfjarðar þó þar á milli
séu farnar tugþúsundir ferða daglega.
Hún gerir aðeins ráð fyrir hálfum mi-
slægum gatnamótum á Miklubraut
og Kringlumýrarbraut, hvernig sem
það nú er hægt. Hinsvegar fullri
kostun mislægra gatnamóta í Elliðaár-
dal sem borgaryfirvöld hafa hafnað!
Þá hefur flokkurinn eftir 16 ára
samfellda setu í samgönguráðuneyt-
inu ekki enn gert upp við sig hvaða
leið eigi að fara með Sundabraut og
Helgi Hjörvar
hefur aðeins fundið fjármagn fyrir
henni hálfa leið. Að Sundabrautin
verði aðeins lögð hálfa leið fyrst um
sinn hefur valdið íbúum Grafarvogs
verulegum áhyggjum því þannig
mun umferð til og frá borginni að
verulegum hluta fara um hverfið. Er
nema von að sagt sé að Reykvíkingar
eigi enga stjórnarþingmenn? Og aug-
ljóslega er orðið brýnt hagsmunamál
vegfarenda í Reykjavík að skipta um
samgönguyfirvöld.
Almenningssamgöng-
ur og loftslagsmál
Eitt síðasta verkið mitt á þinginu
áður en ég fór aftur í fæðingarorlof
var að inna umhverfisráðherra eftir
stefnu ríkisstjórnarinnar í loftslags-
málum. Því miður var hún ekki
tilbúin, en hefur nú litið dagsins
ljós með markmiði um helmings
samdrátt loftmengunar á næstu 43
árum. Það er útaf fyrir sig lofsvert,
en ég spurði ráðherrann um af-
stöðu ríkisstjórnarinnar til yfirlýs-
inga Evrópusambandsins sem snúa
að því að minnka mengun mun
fyrr. Þar hafa menn sagt að þeir
séu tilbúnir í 20% samdrátt innan
13 ára og 30% ef önnur iðnríki eru
tilbúin til hins sama. Og eðlilegt er
að spurt sé hvort við séum tilbúin í
það. Og þá hvernig stjórnvöld hygg-
ist gera það því aðgerðir ríkisstjórn-
arinnar virðast flestar vera í allt
aðra átt, einsog stóriðjupólitíkin,
ofurgjöldin á dieselolíu og tollaaf-
slættir fyrir mest mengandi bílana
eru allt dæmi um.
Og þegar við erum að ræða um
samgönguáætlun sömu dagana er
umhugsunarefni að í henni ætlum
við að verja nærri 400 þúsund
milljónum króna án þess að vart
sé nokkurrar áherslu á almenn-
ingssamgöngur. Áhugi ríkisins á
almenningssamgöngum hefur aðal-
lega falist í að leggja skatta og gjöld
á þær. Strætó borgar 300 milljónir
í ár fyrir að fá að veita almennings-
samgöngur á höfuðborgarsvæðinu!
Og þó almenningssamgöngur verði
aldrei nema lítill hluti lausnar-
innar þá er hægt að efla þær. Það
sýnir nýi meirihlutinn á Ákureyri
t.d. með því að hafa frítt í strætó og
fjölga farþegum um helming með
litlum tilkostnaði.
Höfundur er þingmaður Samfylkingar
Klippt & skorið
Jón Ásgeir Jóhannesson er farinn úr
landi. Gestur Jónsson, lögmaður hans,
tilkynnti þetta í sal 101 í Héraðsdómi
Reykjavikur í gær. Gestur
sagði að Jón Ásgeir hefði
farið úr landi í fyrradag en
hann væri ekki með það á
hreinu hvenær hann kæmi
aftur. Það er svo sem ekki
skrítið að Jón Ásgeir vilji taka sér smá hvíld
eftir hafa verið þráspurður um sömu hlutina af
saksóknara (fjóra hella daga. Það er örugglega
ekkert sérstaklega skemmtilegt og líklega
frekar lýjandi. Fyrir hinn venjulega Islending
þá er þetta örugglega svipað og að vera fastur
í Meistaranum hjá Loga Bergmanni Eiðs-
syni í fjóra daga og Logi spyr alltaf: Hvað heitir
þriðja fjölmennasta borg Tanzanfu?
Ekki er vitað hvert Jón Asgeir fór en það
koma nokkrir staðir til greina - helst
myndi maður samt skjóta á London. Gár-
ungarnir bíða nú eftir þvf að Jón Ásgeir kaupi sér
enskt fótboltalið eins og Björgólfur eldri hefur
gert. Ef Jón Ásgeir er að lesa þetta þá má benda
honum á að klukkan þrjú í dag
leikur Burton Albion gegn Dag
& Red á Pirelli Stadium í ensku
utandeildinni. Það væri metn-
aðarfullt ef Jón Ásgeir myndi
kaupa Burton Albion. Hann
geturvel komið Burton í fremstu röð eins og hann
gerði með Bónus. Lógó-ið er meira að segja gult.
Sfðan myndu fáir stuðningsmenn taka eftirþví þó
hann breytti nafninu f Baugur Albion og vellinum
f Bónus Stadium. Það væri síðan smart ef Dorrit
Moussaeff keypti Rushden & Diamonds.
J
ónína Benediktsdóttir hefur aldrei
legið á skoðunum sínum á 365-fjölmiðla-
veldinu, sem hún, Ifkt og menntamálaráð-
herra, kallar iðulega Baug-
smiðla. Á bloggsíðu Jónínu
er ekki hægt að sjá annað
en að hún hafi nú áhyggur
af því að 365-miðlar séu
að komast til áhrifa á Rík-
isútvarpinu. Hvers vegna? Nú vegna þess að
Kristín Edwald, sem var kosin í stjórn RÚV,
er skyld Ara Edwald, forstjóra 365. Þau eru
bræðrabörn. Mikið hljóta stjórnendur 365 að
vera öflugir plottarar ef þeim hefur tekist að
sannfæra Ara um að sannfæra Kristínu um að
reyna að komast til áhrifa hjá Ríkisútvarpinu
til þess að þeir geti loks togað þar í einhverja
spotta.