blaðið - 07.03.2007, Blaðsíða 15

blaðið
MIÐVIKUDAGUR 7. MARS 2007 15
Öfugmæli
„Grænn í gegn“. Þannig lýsti um-
hverfisráðherrann okkar, Jónína
Bjartmarz, flokknum sínum, Fram-
sóknarflokknum, í Silfri Egils síðast-
liðinn sunnudag. Ég veit ekki hvort
þetta var sjálfsblekking eða blekk-
ing ætluð kjósendum á kosningavori.
Hvers vegna ætli stóriðjustimpillinn
hafi fest svo rækilega við Framsókn-
arflokkinn? Það skyldi þó ekki vera
vegna „Álgerðar" og hennar ein-
beitta vilja í stóriðjumálum?
Framsóknarflokkurinn er grár
sem ál og það voru ótrúleg öfug-
mæli úr munni formannsins á ný-
liðnu flokksþingi þegar hann sagði
að flokkurinn vildi „umgangast
ættjörðina og auðlindir hennar af
ráðdeild, varúð og virðingu héðan í
frá sem hingað til”! Ég veit ekki hvar
Jón var áður en hann varð formaður,
en tæplega hefur hann verið að fylgj-
ast með framgöngu flokks síns í stór-
iðjumálum úr því hann talar svona.
Jöfnuður?
Sömuleiðis sagði formaðurinn:
„Nýlegar upplýsingar staðfesta að
jöfnuður er mikill á íslandi miðað
við langflestar aðrar Evrópuþjóðir.“
Það er nefnilega það. Aðrar upp-
lýsingar sýna hins vegar svo ekki
verður um villst, að hvergi í Evr-
ópu hefur ójöfnuður aukist eins
mikið og hér á landi í tíð þeirrar
ríkisstjórnar sem nú situr við völd.
Fólkið í landinu sér hvernig ójöfn-
uðurinn hefur vaxið. Sumir eru á
einkaþotum og hafa hundraðföld
verkamannalaun. Aðrir eiga vart til
hnífs og skeiðar. Það er óhrekjanleg
staðreynd, jafnvel þó ójöfnuðurinn
mælist enn þá meiri í einhverjum
öðrum Evrópulöndum.
1*
Margrét Sverrisdóttir
Einkavæðing og stríðsrekstur
Á flokksþinginu um liðna helgi
boðaði Jón, formaður flokksins,
líka endalok stórra einkavæðinga.
Það er ekki furða þótt hann geti
leyft sér að tala þannig, því Fram-
sóknarflokkurinn hefur þegar af-
hent sínum mönnum bankana á
silfurfati og þarf því ekki að einka-
vinavæða meira, hvorki í bráð né
lengd.
Formaðurinn sagði líka að stuðn-
ingur við innrásina i Irak hefði verið
,byggður á röngum upplýsingum” og
því mistök. Hann talaði þó ekkert
um að leiðrétta þau mistök t.d. með
því að taka ísland af lista hinna stað-
föstu þjóða. Mistökin lágu reyndar
ekki í „röngum upplýsingum”
heldur þeirri dæmalausu ósvífni
forystumanna stjórnarflokkanna
að taka ákvörðun um stuðninginn
án þess að bera hana undir þing og
þjóð eins og þeim bar að gera.
í orði eða á borði
Ég hef stundum tekið Framsókn-
arflokkinn sem dæmi um flokk sem
er með álitlega málefnaskrá. En það
er sitt hvað: I orði eða á borði. í orði
kveðnu er Framsóknarflokkurinn
miðjuflokkur félagshyggju, frjáls-
lyndis og jöfnuðar. En á borði hefur
hann reynst vera flokkur sérhyggju
og spillingar, þar sem flokksgæð-
ingar hafa skarað eld hver að sinni
köku og annarra. Kvótasukkið og
sala bankanna segja allt sem þarf
um það.
Samkvæmt íslenskri orðabók
getur orðið „grænn” haft merking-
una „einfaldur eða barnalegur” og
í þeirri merkingu má kannski fall-
ast á að Framsóknarflokkurinn sé
„grænn í gegn” eins og ráðherrann
orðaði það svo óheppilega.
Höfundur er borgarfulltrúi
Greinin er endurbirt þar sem fyrsta setningin
féll útvegna mistaka í blaði gærdagsins.
Heilsubælið í
Gervahverfi
Óttalega eru ríkisstjórnarflokk-
arnir að koma illa út úr þessari
deilu sín á milli um auðlindamálin.
Eins og venja er fyrir kosningar
hefur stjórnarandstöðuflokkunum
fjölgað um einn. Framsóknar-
flokkurinn, sem hefur verið í ríkis-
stjórn stöðugt síðan árið 1971, að 4
árum undanskildum, er kominn í
stjórnarandstöðugírinn og hluti af
þeirri vegferð er að pikka fight við
Sjálfstæðisflokkinn.
„Þjóðin
þarffrífrá
ríkisstjóm-
inni.“
Ágúst Ólafur Ágústsson
Stjórnarslit!
Núna er það sjálfur stjórnarsátt-
málinn sem er í húfi og hafa stór
orð um afsögn ráðherra og stjórn-
arslit fallið. Auðvitað mun hvor-
ugt gerast enda eru þessir flokkar
límdir saman á mjöðmunum.
Framsóknarráðherrar hafa lýst
digurbarkalega yfir óánægju sinni
með framgöngu Sjálfstæðisflokks-
ins í þessu máli og hótað stjórn-
arslitum. En þegar á hólminn er
komið gerist lítið á Framsóknar-
bænum eins og venjulega enda eru
þeir ekki vanir að standa við stóru
orðin.
En Framsókn barðist ekki nóg...
Sjálfstæðismennirnir benda
hins vegar á að framsóknarmenn
hafi ekki barist nægjanlega mikið
fyrir þessu máli í stjórnarskrár-
nefndinni og þess vegna eigi nú
kannski ekkert að uppfylla þennan
hluta stjórnarsáttmálans sem lýtur
að því að „ákvæði um að auðlindir
sjávar séu sameign íslensku þjóðar-
innar verði bundið í stjórnarskrá".
Lýðskrum í dag en stefna í gær
Og nú hefur þingmaður Sjálf-
stæðisflokksins komið sér í umræð-
una og sagt að svona breytingar á
stjórnarskránni væru nú bara lýð-
skrum. Bíddu nú við, er þetta sami
þingmaður og sami flokkur sem
lét setja þessi sömu orð í stjórnar-
sáttmálann og samþykkti? Var það
ekki lýðskrum á þeim tíma? Hvað
hefur eiginlega breyst?
Þessi vitleysisgangur á ríkis-
stjórnarheimilinu sýnir vel að þessi
ríkisstjórn þarf einfaldlega frí enda
ástandið farið að minna allveru-
lega á Heilsubælið í Gervahverfinu.
En það sem meira er, þjóðin þarf frí
frá ríkisstjórninni.
www.1sam.1s
Astríða í matargerð
Túnfiskur
fyrsta flokks
Ef gæðin skipta þig máli...
veldu þá rétta túnfiskinn
WWW'ÍQra)'is
Höfundur er þingmaður Samfylkingar
Greinin er tekin af www.agustolafur.blog.is