blaðið - 19.06.2007, Page 13

blaðið
ÞRIÐJUDAGUR 19. JÚNÍ 2007 29
I hugum annarra viröast ein-
staklingar sem hafa hugrekki
og persónuleika alltaf vera
ógnvekjandi.
Hermann Hesse
Afmælisborn dagsms
DAW AUNG SAN SUU KYI BARÁfTUKONA, 1945
SALMAN RUSHDIE RITHÖFUNDUR, 1947
JAKOB I KONUNGUR, 1566
kolbrun@bladid.net
Myrkar vangaveltur
Sólstöðutónleikar
Páls Óskars og
Moniku
Fimmtudaginn 21. júní - lengsta
dag ársins - halda Páll Óskar
söngvari og Monika hörpuleikari
árlega sólstöðutónleika í Café
Flóru, Grasagarðinum Laugardal.
Þar héldu þau sína fyrstu tónleika
þennan dag árið 2001 og hafa
gert það síðan. Frumflutt verður
bæði nýtt efni eftir Magnús
Þór, í bland við eldra efni eftir
íslenska og erlenda höfunda eins
og Hreiðar Inga Þorsteinsson,
Jónas og Jón Múla Árnasyni og
Burt Bacharach. Að leik loknum
ganga svo tónleikagestir út I mið-
nætursólina. Fullt hefur verið út úr
dyrum á þessa tónleika, því þeir
eru árviss viðburður í lífi margra
og borgar sig að mæta tímanlega.
Tónleikarnir hefjast klukkan 22:00.
Miðinn kostar 2000 krónur. Miða-
sala er við innganginn en hægt er
að panta miða í síma 866-3516.
Páll Óskar og Monika hófu sam-
starf sitt árið 2001 og fyrsta afurð
þess samstarfs var geislaplatan
Ef ég sofna ekki í nótt og tveimur
árum síðar sendu þau frá sér
jólaplötuna „Ljósin heima“. Þau
hafa flutt tónlist við ýmis tækifæri
hérlendis sem erlendis og hlotið
lof fyrir glæsilegan og Ijúfan
flutning.
Úr steinarikinu
kei bæ! er ný mynda-
sögubók, sú sjötta í
röðinni, eftir Hugleik
Dagsson. Þetta eru
nokkuð myrkar sög-
ur, eins og Hugleikur viðurkennir
fúslega og þar koma meðal annars
við sögu hvalir, kolkrabbar, há-
karlar, höfrungar og lítt friðsamir
englar. „Myndasögur mínar geta
sennilega verið svolítið grimmar,"
segir Hugleikur. „Þegar ég byrjaði
að gera þessar spýtukallasögur
mínar þá var það í algjöru hugsun-
arleysi. Ég skrifaði og teiknaði án
þess að hugsa mig tvisvar um og
þess vegna urðu teikningarnar ein-
faldar og hinn illkvittnislegi húm-
orinn kviknaði sjálfkrafa. Eg held
að myrkar hugsanir bærist í öllum
manneskjum. Teiknimyndasögurn-
ar eru mín leið til að nálgast myrkar
vangaveltur mínar.“
Eins konar bastarður
Hvað heillar þig við myndasög-
una?
„Allt. Strax og ég varð læs las ég
allt mögulegt: myndasögur, venju-
legar skáldsögur og fræðibækur.
Það er eins og ég hafi þroskast aft-
urábak því með aldrinum fór ég að
sækja meira í myndasögurnar og
les þær aðallega núna. Myndasögur
eru eins og litlar kvikmyndir. Hver
sá sem lætur sig dreyma um að
gera kvikmynd en hefur ekki efni
á því getur gert myndasögu. Það
eina sem þarf er ímyndunaraflið og
svo sakar ekki að kunna að teikna.
Myndasagan er eins konar bastarð-
ur bókmenntanna, myndlistarinn-
ar og kvikmyndalistarinnar. Eng-
inn vill gangast við henni, hún er
hluti af jaðarmenningu og er oft
flokkuð sem lágmenning. Það er
meðal annars þetta sem heillar mig
við myndasöguna.“
Viðbrögð frá prestum
Þetta eru nokkuð ögrandi sögur.
Hefurðu fundið fyrir því að fólk
hneykslist á þeim?
„Það hafa einhverjir hneykslast
en ekki margir þannig að ég heyri
af því. Eldri maður kvartaði á sín-
um tíma undan auglýsingu sem
birtist á mbl.is þar sem sýnt var at-
riði úr einni bókanna minna og sú
auglýsing var ritskoðuð stuttu eftir
það. Seinna var sett önnur auglýs-
ing á mbl.is þar sem bók mín var
auglýst og þá var birt teiknimynd
þar sem prestur játaði að hafa bar-
ið dóttur sína. Mér skilst að prestur
hafi hringt og kvartað vegna þeirr-
ar auglýsingar. Annars hef ég oftar
fengið fréttir af því að prestar séu
hrifnir af bókunum mínum en að
þeim mislíki þær.“
Teiknimyndasögur Hugleiks
hafa komið út í Bretlandi, írlandi
og Ástralíu og í haust munu þær
koma út í Bandaríkjunum, Þýska-
landi, Ítalíu, Noregi og Finnlandi.
Ný bók er svo væntanleg frá honum
í haust. Auk þess gengur hann með
hugmynd að nýju leikriti sem hann
segist ekki mega segja frá að svo
stöddu.
menningarmolinn
Frelsisstyttan
kemur til
Á þessum degi árið 1885 kom
Frelsisstyttan fræga með skipi til
New York. Hún var gjöf til Banda-
ríkjamanna frá Frökkum. Syttan
var gerð af Frederic-Auguste Bart-
holdi og þegar hún var fullgerð var
hún tekin í sundur í 350 búta og
sett í 214 kassa og þanriig flutt með
skipi til New York. Rúmu ári síðar,
28. október 1886, var styttan sett
New York
saman og vígð við hátíðlega athöfn
af Grover Cleveland forseta.
Styttan er á Liberty-eyjunni við
höfn New York borgar, rétt fyrir
utan Manhattan. Hún er 93 metrar
á hæð og er þá meðtalinn grunnur-
inn og stallurinn sem hún stendur.
á. Hún er eitt helsta tákn Bandá-
ríkjanna og. stendur fýrir frelsi og
tækifæri.
Bókaútgáfan Hólar hefur gefið
út bókina Úr steinaríkinu, eftir
Bjarna E. Guðleifsson, náttúru-
fræðing á
Möðruvöllum
í Hörgárdal.
Steinaríkið er
víðfeðmasta
ríki náttúr-
unnar; snertir
í rauninni alla
þætti hennar
og því er í bók-
inni víða komið
við. Meðal annars er fjallað um
steina, jarðveg, veður, loftlags-
breytingar, auðlindir, vegi, hús,
vélar, raforku, vetni og álver, svo
eitthvað sé nefnt.
Þríleikur í kilju
Út eru komnar í kilju þrjár bækur
eftir Jón Kalman Stefánsson:
Skurðir í rigningu, Sumarið bak-
við brekkuna
og Birtan á
fjöllunum.
Bækurnar,
sem hafa verið
uppseldar um
nokkurt skeið,
mynda þríleik
sagna sem
gerast í sömu
sveitinni. Sögu-
sviðið er dalur vestur á landi.
Skurðir í rigningu var tilnefnd til
menningarverðlauna DV og Sum-
arið bakvið brekkuna var tilnefnd
til bókmenntaverðlauna Norður-
landaráðs.
Jón Kalman hlaut Islensku
bókmenntaverðlaunin árið 2005,
sem og tilnefningu til bókmennt-
verðlauna Norðurlandaráðs, fyrir
síðustu bók sína Súmarljós, og
svo kemur nóttin.