Bændablaðið - 10.09.2009, Blaðsíða 1

14 24
Ólafur Dýrmundsson í
stjórn Evrópska búfjár-
ræktarsambandsins
15. tölublað 2009 Fimmtudagur 10. september Blað nr. 310 Upplag 20.500
8
Loðdýrabændur
vilja laða að sér
erlenda fjárfesta
Ráðherra klippti á
borða og nýr vegur
opnaðist fyrir umferð
Baldur á Bakka heim-
sækir Baldur frá Bakka
Hugljúf heimildarmynd í undirbúningi
Þorfinnur Guðnason kvikmyndagerðarmaður undirbýr nú gerð
kvikmyndar þar sem við sögu koma stóðhesturinn Baldur frá
Bakka og guðfaðir hans og fyrsti eigandi, Baldur Þórarinsson frá
Bakka í Svarfaðardal.
Um síðustu helgi var Þorfinnur staddur með tökuliði sínu á meðal
gangnamanna í Sveinsstaðaafrétt og í Tungurétt í Svarfaðardal þar sem
teknar voru mannlífsmyndir á æskustöðvum stóðhestsins frækna sem
varð heimsmeistari í fimmgangi í Þýskalandi árið 1999. Úr Svarfaðar-
dal liggur leiðin til Hawaii í febrúar nk. en þar er klárinn nú niður kom-
inn og unir hag sínum vel orðinn 25 vetra gamall.
Eftir sigurinn í Þýskalandi var Baldur keyptur til Kaliforníu en síð-
ast eignaðist hann kona nokkur sem ræktar íslenska hesta á Hawaii.
Að sögn Bjarna Óskarssonar sem er framleiðandi myndarinnar verður
þetta hugljúf mynd um samband manns og hests og nær hámarki þegar
þeir nafnarnir og fornvinirnir hittast undir hitabeltissólinni á Hawaii
eftir áralangan aðskilnað.
Baldur Þórarinsson á Bakka (með svarta húfu) að spjalli við Símon
Helgason á Þverá í Tungurétt sl. sunnudag. Þorfinnur Guðnason mund-
ar tökuvélina og fylgist með samræðunum. Mynd ARH
Hrunamenn á heimleið með safnið
Kerlingarfjöll skörtuðu sínu fegursta þegar gangnamenn úr Hrunamanna hreppi ráku fé sitt yfir Sandá hjá Svínárnesi síðdegis á þriðjudaginn. Fjall-
kóngurinn Steinar Halldórsson í Auðsholtum (með hatt) fór fyrir sínu liði en honum á hægri hönd er Halldór Einarsson. Ljósm. Sigurður Sigmundsson
Samkvæmt upplýsingum frá
RARIK hefur orðið gríðarleg-
ur samdráttur í raforkunotkun
garðyrkjubænda á þessu ári.
Nemur samdrátturinn 8,6%,
en mestur var hann í maí þegar
notkunin dróst saman um fjórð-
ung. Bjarni Jónsson, fram-
kvæmdastjóri Sambands garð-
yrkjubænda segir að þetta séu
sláandi tölur og skýringuna sé
væntanlega að finna í samspili
sparnaðar og hagstæðra veð-
urskilyrða. Hefur samdrátt-
ur orðið alla mánuði ársins, að
apríl undanskildum, ef miðað er
við notkunina í fyrra.
Bjarni segir að það stefni í að
samdrátturinn verði a.m.k. 10% á
þessu ári og ljóst sé að tekjumiss-
ir RARIK getur orðið veruleg-
ur. Sem kunnugt er voru niður-
greiðslur á dreifingarkostnaði raf-
magns til garðyrkjubænda skertar
um 30% í byrjun þessa árs. Telur
Bjarni að samdrátturinn á raforku-
notkun garðyrkjubænda á þessu
ári leiði til þess að ríkið verði af
verulegum tekjum og hann sjái
ekki annað en sú upphæð sé mun
hærri en menn töldu sig spara með
skerðingunni á niðurgreiðslunum
á dreifingarkostnaðinum. „Síðan
má út frá þessum upplýsingum
velta fyrir sér áhrifum skerðing-
arinnar á framleiðsluna; hvort
hún hefði ekki getað orðið meiri
ef ekki hefði komið til þessa nið-
urskurðar,“ segir Bjarni.
-smh
Gríðarlegur samdráttur í raforku-
notkun garðyrkjubænda á þessu ári
Raforka til garðyrkjulýsingar á dreifiveitusvæði RARIK
2008 2009 Samdráttur/aukning
MWh MWh MWh %
janúar 6.629 6.202 427 6,4%
febrúar 6.197 5.777 420 6,8%
mars 6.031 5.766 265 4,4%
apríl 4.485 4.670 -185 -4,1%
maí 4.131 3.085 1.046 25,3%
júní 2.380 2.254 126 5,3%
júlí 2.360 1.825 535 22,7%
ágúst 3.688 3.223 465 12,6%
september 5.028
október 5.842
nóvember 5.861
desember 6.086
Samtals 58.718 32.802 3.099 5,3%
Notkun fyrstu 8 mán 2009
35.901 32.802 3.099 8,6%
Réttar stemmn ingin
í hámarki
Þessa dagana safnast sauðfé
af fjalli svo hundruðum þús-
unda skiptir. Eins og ávallt
laðar þessi viðburður að sér
fjölmenni. Sönnum sveita-
mönnum þykir fátt skemmti-
legra en að velkjast um fjöllin
á þarfasta þjóninum og elt-
ast við sauðþráar sauðkindur,
koma svo til byggða og syngja
úr sér raddböndin um leið og
dregið er í dilka.
Bændablaðið fylgist að
sjálfsögðu af miklum áhuga
með þessum viðburðum. Tveir
útsendarar blaðsins fóru í réttir á
Norðurlandi um síðustu helgi og
má sjá það sem fyrir augu þeirra
bar í miðopnu blaðsins. Öðrum
landshlutum verða svo gerð skil
í næsta blaði.