Bændablaðið - 19.11.2009, Page 28

20. tölublað 2009 Fimmtudagur 19. nóvember
Næsta tölublað Bændablaðsins kemur út
3. desember
Guðmundur Magnússon, bú-
fræð ingur, kennari og sjálfstætt
starfandi trésmiður á Flúð um, er
farinn að framleiða viðarklæðn-
ingar úr íslenskum skógum, en
hingað til hefur einungis inn-
flutt timbur verið fáanlegt. Guð-
mund ur kynnti framleiðslu sína
föstu daginn 6. nóvember sl. á
tré smíðaverkstæði sínu og sýndi
hvernig sérsmíðuð vél hans frá
Kanada breytir 40 cm löngum
trjábútum í skífur sem nota má
í utan- og innanhússklæðningar,
í skjólveggi og annað í þeim dúr.
Má ljóst vera að margvíslegir
möguleikar skapast fyrir skógar-
bændur með þessari nýjung,
auk þess sem það hlýtur að telj-
ast þjóðhagslega hagkvæmt að
Íslendingar framleiði eigið efni til
viðarklæðninga.
Hugmyndin fæddist á Azoreyjum
„Þegar hugmyndin fæddist árið
2002 var ég að vinna á Azoreyjum,
við hús sem var klætt með þess-
um hætti. Þá hugsaði ég með mér
að það væri nú alveg kjörið fyrir
Íslendinga að geta unnið svona
efni sjálfir,“ segir Guðmundur um
upphaf þess að hann fór að gefa
þessum möguleika gaum. Hann
var einn af stofnendum Límtrés á
Flúðum árið 1982 og hefur verið
laustengdur fyrirtækinu allar götur
síðan. „Ég hef unnið að ýmsum
verkefnum fyrir þá og var einmitt
að vinna að einu slíku á Azoreyjum
þegar hugmyndin um íslenskar við-
arklæðningar varð til.
Ég fór fyrst á námskeið hjá
IMPRU til að þróa þessa hugmynd
fyrir íslenskar aðstæður og fór svo
í vettvangsferð til Kanada til að
kynna mér betur vélar sem notaðar
eru til að fleyga timbur. Það endaði
svo með að ég fór aftur til Kanada
og samdi um smíði á slíkri vél fyrir
mig, sem ég fékk í ágúst árið 2008.
Í millitíðinni vann ég að hugmynd-
inni að þessu handvirkt í skapalóni
hér heima.“
Trén nýtast vel þótt kræklótt séu
Guðmundur segir útbreiddan mis-
skilning, að eftir því sem klæðn-
ingin sé þykkari því betri sé hún.
„Raunin er sú að vélin sagar efnið
í fleyg þannig að það er um 2 mm í
annan endann og um 10 mm í hinn.
Það gerir það að verkum að efnið
þornar hratt og vel inn á milli ef
það blotnar og fúasveppurinn þrífst
því ekki. Eins og þessar skífur eru
unnar þá kemur það ekki að sök þó
að tré hér á landi séu kræklótt, því
að þau eru söguð niður í 40 cm búta
og þannig fara þau í gegnum vél-
ina.“
Sem stendur vinnur Guðmund-
ur að klæðningu úr furu á hús fyrir
skógarbóndann Huldu Guð munds-
dóttur á Fitjum í Skorradal. „Um
er að ræða innanhússklæðningu í
hús eða skemmu sem meðal annars
er notuð fyrir ferðamenn. Þar vinn
ég með furu úr hennar eigin skógi
í Skorradal, en furan var 18 ára
þegar hún var felld.
Það er það mikið af efniviði
sem fellur til í skógunum núna að
ég sé fram á ágætt framboð á næstu
árum. Vélin er líka þannig gerð að
hún getur tekið við efni af ýmsum
gerðum og það nýtist líka vel. Þá
eru afköstin líka ágæt. Lerkið er
kannski mest spennandi,“ segir
Guðmundur um efnið úr íslensku
skógunum. „Hægt er að vinna það
nánast um leið og svo er það afar
fallegt.“ -smh
Efniviður til
viðarklæðninga úr
íslenskum skógum
– Guðmundur Magnússon á Flúðum vinnur
frumkvöðlastarf
Fura úr skógræktinni á Fitjum í Skorradal sem Guðmundur vinnur með
þessa dagana.
Dæmi um það hvernig efni unnið af Guðmundi nýtist við ýmsar aðstæður.
Sýnishorn af klæðningu sem Guðmundur hefur nýverið unnið.
Dagskrá minning-
arsamkomu
– 60 ár frá komu þýskra
landbúnaðarverkamanna
Samkoman verður haldin á Hót-
el Sögu laugardaginn 21. nóvem-
ber:
Setning kl. 14:00. Ávarp þýska
sendiherrans á Íslandi, Dr. Karl-
Ulrich Müller. Þýska landnámið;
Pétur Eiríks son, sagnfræðingur.
Minningar frá 60 árum; Nína Rós
Ísberg, mannfræðingur. Ávarp
Bænda samtakanna.
Fundurinn er öllum opinn. Þeir
sem komu frá Þýskalandi fyrir 60
árum eru sérstaklega velkomn-
ir. Fyrirlestrarnir verða haldnir á
íslensku.
Nýtt og endur-
bætt ungkálfa-
fóður frá MS
Nú er komið á markað nýtt og
endurbætt ungkálfafóður frá
Mjólkursamsölunni. „Helsta
breytingin er að í stað valsa-
þurrkunar er blandan nú úða-
þurrkuð sem hjálpar til við að
varðveita upphafleg gæði mjólk-
urinnar auk þess sem blandan
verður auðleystari. Þau meg-
inmarkmið sem höfð voru að
leiðarljósi var vöxtur, heilbrigði
og matarlyst ungkálfa,“ segir
Björn S. Gunnarsson, vöruþró-
unarstjóri MS.
„Hið nýja MS Ungkálfafóður
er gert úr besta fáanlegu hráefni,
fituskertri íslenskri mjólk. Með
fituskerðingu hækkar hlutfall pró-
teina sem er æskilegt til að mæta
næringarþörfum kálfsins. Blandan
er einnig vítamín- og steinefnabætt
til að fyrirbyggja mögulega hörg-
ulsjúkdóma. Helst má þar nefna
E-vítamín, járn, joð og selen.
Þessu til viðbótar hefur blandan nú
verið bætt með Fibosel®, virkum
hreinsuðum gerjunarafurðum sem
á náttúrulegan hátt örva almennt
þol gagnvart kálfaskitu.
Rannsóknir sýna að máltæk-
ið „Lengi býr að fyrstu gerð“ er í
fullu gildi því grunnurinn að góðri
mjólkurkú er lagður strax á mjólk-
urskeiðinu.
Til að byggja upp mótstöðu fyrir
sýkingum er mikilvægt að kálfur-
inn fái broddmjólk sem fyrst eftir
burð og fyrstu þrjá til fjóra dagana.
Síðan tekur MS Ungkálfafóður við
og algengast er að nota duftið í
12-17% lausn og gefa 2-2,5 l tvisv-
ar á dag. Ungkálfar skulu hafa
frjálsan aðgang að vatni, ungkálfa-
kögglum og heyi,“ segir Björn að
lokum. Frétt frá MS