Bændablaðið - 18.10.2012, Síða 8
Bændablaðið | Fimmtudagur 18. október 20128
Fréttir
Talsverð miðlun á heyi milli bæja á Ströndum:
Bændur þurfa lítið að fækka fé
Bændur í Árneshreppi þurfa ekki
að fara út í mikla fækkun á fé
vegna lítilla heyja, að sögn Jóns
Guðbjörns Guðjónssonar, bónda
í Litlu-Ávík, sem rekur vefsíðuna
Fréttir frá Árneshreppi.
Munu tveir bændur þó hafa
fækkað eitthvað í stofnum sínum
og fækkaði fjármesti bóndinn um
fimmtíu fjár. Hann þurfti þó ekki
að fara út í frekari fækkun, þar sem
hann gat keypt um hundrað rúllur
af heyi frá þrem bæjum í Miðdal í
Strandasýslu.
Á nokkrum öðrum bæjum
var ekki sett eins mikið á af
gimbrum og ætlunin var þannig að
vetrarfóðruðum kindum fækkaði í
heildina í hreppnum. Í frétt á vefsíðu
sinni segir Jón Guðbjörn enn fremur
að enginn bóndi sem hann hafi haft
samband við viti samt nákvæmlega
að svo stöddu hversu margt fé hann
hyggist hafa á fóðrum í vetur. Ekki
sé víst að allt fé sem ætlunin hafi
verið að setja á skili sér á hús í haust.
Eigi að síður er þó reiknað með að
í heildina verði ásetningin mjög
svipuð og á síðastliðnum vetri, þrátt
fyrir minni heyfeng eftir sumarið en
venja er til vegna þurrkanna í sumar.
Þá hjálpar það til að nokkrir bændur
áttu góðar heybirgðir frá því í fyrra
og gátu þar með bjargað öðrum sem
voru í hvað mestum vanda.
Aðalfundur Landssamtaka skógareigenda haldinn á Ísafirði:
Fjárveitingar til landshlutaverkefnanna
verði í samræmi við lög
– svo unnið sé að uppbyggingu skógarauðlindarinnar til framtíðar
Aðalfundur Landssamtaka
skógar eigenda (LSE) var haldinn
á Ísafirði dagana 5. til 6. október
síðastliðinn.
Að sögn Björns B. Jónssonar,
framkvæmdastjóra Suðurlandsskóga
og starfsmanns LSE, sátu tæplega
eitt hundrað skógarbændur fundinn.
Félag skógarbænda á Vestfjörðum sá
um allan undirbúning aðalfundarins
og segir Björn að vel hafi tekist til
í öllum atriðum og skipulagningin
verið félaginu til mikils sóma.
Akurræktun jólatrjáa til
umfjöllunar á fræðaþingi
Áður en kom að aðalfundinum var
fræðaþing skógareigenda haldið.
Marianne Lyhne, lektor við Danska
landbúnaðarháskólann, flutti þar
erindi um akurræktun jólatrjáa, en
hún er einn helsti sérfræðingur Dana
á þessu sviði. Akurræktun jólatrjáa er
vaxandi hluti skógræktar á Íslandi,
en Danir hafa um árabil ræktað þessa
grein.
Fleiri áhugaverð erindi voru flutt
á fræðaþinginu. Valgerður Jónsdóttir
frá Norðurlandsskógum sagði til að
mynda frá plöntugerðum trjáplantna,
Sæmundur Þorvaldsson flutti erindi
um Skjólskóga og þeir Björgvin
Eggertsson og Björn B. Jónsson
kynntu verkefnið Kraftmeiri skógur,
sem er tveggja ára samvinnuverk-
efni Landbúnaðarháskóla Íslands,
LSE, skógareigenda í Svíþjóð,
Kaupmannahafnarháskóla og Norvik
hf. Frá verkefninu var greint í síðasta
Bændablaði, en það gengur í grófum
dráttum út á að auka skilning skógar-
bænda á nauðsyn þess að hugsað sé
um skógrækt sem fyrirtækjarekstur
og hjálpa þeim að fara inn í þann
verkþátt skógræktar sem snýr að
grisjun og vinnslu efniviðarins.
Eignarhaldið á
kolefnisbindingunni í skógi
Á aðalfundinum voru margar tillögur
og ályktanir samþykktar, en að sögn
Björns bar þar hæst tillögu sem beinir
því til stjórnar LSE og umhverfis- og
auðlindaráðuneytis að skipaður verði
vinnuhópur sem hafi það hlutverk
að skýra betur eignarhald skógar-
eigenda á bindingu kolefnisins í
skógi og jarðvegi. Sömuleiðis fékk
stefnumótun landssamtakanna,
Framtíðarsýn Landssamtaka skógar-
eigenda 2012-2022 – Samvinna –
þekking – árangur, mikla og góða
umfjöllun og var hún samþykkt á
fundinum.
Auknar verði fjárveitingar til
landshlutaverkefnanna
Björn segir að fleiri tillögur hafi
sömuleiðis fengið mikla umfjöllun
og afgreiðslu. „Samþykkt var tillaga
um að stjórn LSE setti það sem for-
gangsmál að útvega fjármagn til að
ráða starfsmann í 100% starfgildi
fyrir samtökin til næstu ára. Þá var
samþykkt að komið yrði á samstarfi
við slökkvilið á landsvísu um sam-
ræmdar áætlanir um brunavarnir í
skógum – og aðgerðaráætlun um
slökkviaðgerðir. Einnig var sam-
þykkt að hvetja umhverfis- og auð-
lindaráðherra til að taka til skoðunar
heildarskipulag skógræktar, land-
græðslu og endurheimt votlendis.
Það má einnig nefna það að mikill
þungi var í fundarmönnum varðandi
þann niðurskurð sem hefur átt sér
stað til skógræktar á undanförnum
árum og samþykkt var áskorun á
umhverfis og auðlindaráðherra og
Alþingi að auka fjárveitingar til
landshlutaverkefnanna í skógrækt til
þess horfs sem skilgreint var í lögum
um landshlutaverkefni og vinna
þannig að uppbyggingu skógarauð-
lindarinnar á Íslandi til framtíðar.“
/smh
Veturgamli hrúturinn Frosti frá
Stóru-Reykjum í Hraungerðis-
hreppnum hinum forna sigraði
með glæsi brag á hrútasýningu
sauðfjárræktar félagsins á
dögunum. Hann hlaut 89 stig, sem
er afbragðseinkunn.
Í stigagjöf fékk hann m.a. 10 fyrir
malir, 9 fyrir bak og 18,5 stig fyrir
holdfyllingu af 20 möguleikum. Geir
Gíslason, eigandi Frosta, fékk að
launum glæsilega styttu eftir Ríkharð
Jónsson, sem hefur verið veitt í verð-
laun síðustu 69 ár á hrútasýningum
í sveitinni.
Geir er fjórði ættliðurinn sem
hlýtur styttuna en faðir hans,
Gísli Hauksson, afi hans, Haukur
Gíslason, og langafi, Gísli Jónsson,
hlutu oft styttuna.
Geir, sem er aðeins 24 ára og
útskrifaðist frá Hvanneyri 2012,
ætlar sér stóra hluti í fjárbúskapnum
á Stóru-Reykjum í framtíðinni. Hann
er nú með um 170 hausa í fjárhúsinu
og hann stefnir á að þeir verði um
300, enda er hann að byggja nýtt og
glæsilegt fjárhús á Stóru-Reykjum.
/MHH
Hraungerðishreppur:
Frosti er fallegastur allra hrúta
Frá Árneshreppi. Mynd / GG
Björn B. Jónsson, framkvæmdastjóri Suðurlandsskóga. Mynd / smh
Verðlaunahrúturinn Frosti frá Stóru-Reykjum, Geir eigandi hans og Óðinn
Örn Jóhannsson, hrútadómari og ráðunautur hjá Búnaðarsambandi Suður-
lands. Mynd / MHH
Geir með föður sínum, Gísla
Haukssyni, með styttuna góðu eftir
Ríkharð Jónsson, sem hefur verið
Oddgeirs hólum.
Hann sómir sér vel, þessi gamli
Fordson-traktor sem komið
hefur verið fyrir á grasflötinni
fyrir framan sveitahótelið í
Sveinbjarnar gerði í Eyjafirði.
Fordson var tegundarheitið á
fjölda framleiddum fjölnota drátt-
arvélum sem fyrirtækið Henry
Ford & Son hóf framleiðslu á árið
1917 og kostaði þá 750 dollara.
Frumgerðin, Model B, kom fram á
sjónarsviðið í ágúst 1915, en lokið
var við Model F sem var hæft til
fjöldaframleiðslu árið 1916 og var
sú dráttarvél með 20 hestafla mótor.
Henry Ford & Son starfaði til ársins
1920 þegar fyrirtækið var sameinað
Ford Motor Company, sem notaði
Fordson-nafnið allt fram til 1964.
Eftir það hétu dráttarvélarnar Ford.
Ford merkið hvarf svo af dráttavéla-
markaðnum sem sjálfstætt merki árið
1986 þegar Ford keypti Sperry-New
Holland.
Dráttavéladeild Ford, þ.e. New
Holland NV, var svo seld til Fiat
(Fabbrica Italiana Automobili
Torino) árið 1991. Fiat hætti að
nota Ford nafnið á dráttavélar sínar
árið 1998 að kröfu Ford og hafa þær
síðan verið seldir undir merkinu New
Holland. /HKr.
Einn af brautryðjendunum