Bændablaðið - 18.10.2012, Page 21
Blaðauki 18. október 2012
Íslenskur textíliðnaður sem var
stofnað eftir gjaldþrot Álafoss árið
1991 hefur gengið í gegnum nokkra
öldudali en síðastliðin fjögur ár
hefur fyrirtækið skilað hagnaði. Á
ári hverju eru framleidd um 750
tonn af hreinni ull í verksmiðjunni,
sem er í rekstri frá morgni til
kvölds.
„Ístex gerir samning við
Landssamtök sauðfjárbænda og
Bændasamtökin á hverju hausti um
ullarkaup til eins árs í senn. Í þeim
samningi er ákvæði um að Ístex kaupi
alla ull sem bændur vilja selja félaginu.
Ullin er misjöfn að gæðum og notum
við betri ullarflokka í framleiðslu á
lopa og vélprjónabandi en sú lakari
er ekki nothæf í fatnað. Ullin sem
ekki er nothæf í fata framleiðslu er að
mestu seld til fyrirtækja sem framleiða
gólfteppi á því verði sem markaðurinn
er tilbúinn að greiða,“ segir Guðjón
Kristinsson framkvæmdastjóri.
Annar flokkur í gólfteppi
Ístex selur lopa og band um allan
heim og eru fræg tískuhús á meðal
viðskiptavina fyrirtækisins. Mest af
framleiðslunni fer í handprjón, bæði
hérlendis og erlendis.
„Lopasalan hefur aukist jafnt og
þétt síðan árið 2008 og finnum við
fyrir verulega auknum áhuga á öllum
mörkuðum svo útlit er fyrir góða
sölu á næstu árum. Það falla til um
330 tonn af lakari ull sem við getum
ekki notað í okkar gæðaframleiðslu
og er hún seld úr landi til Bretlands,
Danmerkur og Þýskalands. Þar eru
fyrirtæki sem framleiða gólfteppi en
íslenska ullin er sterk og endingargóð
og í annars flokks gæðum nýtist
hún þar,“ útskýrir Guðjón og segir
jafnframt;
„Ársframleiðslan hjá okkur er um
750 tonn af hreinni ull en við notum
um 400 tonn í okkar framleiðslu
og náum enn að anna markaðnum.
Lopasalan eykst þó frá ári til árs en við
gætum þess að eiga umframbirgðir á
lager. Hér innanlands er plötulopi og
léttlopi vinsælastur en víða erlendis
er Álafosslopinn, sem er þykkari,
vinsælli. Lopinn er seldur um allan
heim í hefðbundnar prjónaverslanir,
nú síðast til Japan.“
Mörg störf í ullariðnaði
Verksmiðja Ístex í Mosfellsbæ er á
tæplega átta þúsund fermetra gólffleti
þar sem unnið er á tveimur vöktum
í bandframleiðslunni. Heildar-
starfsmannafjöldi er 48 manns þegar
starfsstöð ullarþvottastöðvarinnar á
Blönduósi er í fullum rekstri.
„Við höfum upplifað misjafna
tíma, við þraukuðum þetta svokallaða
góðæri þegar krónan hækkaði upp
úr öllu valdi og fengum 60 krónur
fyrir dollarann en núna fáum við120,
svo það er allt annað umhverfi í dag.
Ístex hefur skilað hagnaði síðastliðin
fjögur ár og við stefnum ótrauð áfram
á þessari leið. Það sem við höfum
fram yfir aðra bandframleiðendur er
íslenska ullin, sem er sérstakt hráefni
með tog og þel, en það geta ekki allir
framleitt úr svona ull. Þel er fínt og
tiltölulega stutt en togið er gróft og
langt. Íslenska ullin er á hráefnis-
markaði skilgreind sem hráefni í gólf-
teppagerð og við getum til dæmis
ekki keppt við Merino-ull. Íslenska
ullin er loftmikil og léttari en aðrar
ullargerðir og við komum þessum
boðskap á framfæri eins og við
mögulega getum til að hefja lopann
upp á hærra plan,“segir Guðjón og
bætir við;
„Það er ótrúlega stór hópur hér-
lendis sem hefur aukatekjur af ullar-
vinnslu og verslun og mörg hundruð
manns sem hafa aðaltekjur af ullar-
vinnslunni eins og á prjónastofunum
á Hvammstanga og á Hvolsvelli, í
Vík í Mýrdal og í Kópavogi. Síðan
eru handprjónahópar víða um land.
Verksmiðjan hjá okkur er þokkalega
búin en við þurfum að halda upp-
byggingu áfram. Við höfum keypt
vélar undanfarin ár til að auka sjálf-
virkni og þar sem við höfum varla
náð að anna eftirspurn eru tvær vaktir
sem sinna bandvinnslunni.“
/ehg
Þurfum að hefja íslenska lopann upp á hærra plan
Hitaveitu &
gasskápar
Blikksmiðjan Vík ehf / Skemmuvegur 42, 200 Kópavogi / kt. 4309850279 / Sími: 557-1555 / blikkvik@blikkvik.is
fyrir sumarbústaði og heimili
Gæði • Þjónusta • Öryggi
Hitaveituskápar
Við sérsmíðum og eigum líka hitaveitukassa á lager.
Einnig smíðum við mikið af kössum á kerrur, bíla ofl.
Fáanlegir í mörgum litum.
Gasskápar
Eigum gasskápa á lager. Læsanlegir
og smíðaðir úr áli.
Láttu ekki stela af þér kútunum!
Ístex selur lopa og band um allan heim og eru fræg tískuhús á meðal viðskiptavina fyrirtækisins.
Framleiðum
Vélboða mykjudreifara
í mörgum stærðum
Heimasíða. www.velbodi.is
22 Hlökkum til að beita honum í vetur Þrif besta meðferð vélaMikil tækifærií ullariðnaði 2624
Vetrarbúnaður