Fréttablaðið - 08.12.2012, Síða 12

8. desember 2012 LAUGARDAGUR| FRÉTTIR | 12
BANGLADESS, AP Fataverksmiðjan
í Bangladess sem brann í lok
nóvember með þeim afleiðingum
að 112 starfsmenn létu lífið hafði
misst starfsleyfið í júní og hefði
átt að vera lokuð.
Slökkvilið landsins hafði neitað
að endurnýja starfsleyfið vegna
brunahættu. Eigandi verksmiðj-
unnar, Delwar Hossain, hefur
viður kennt að einungis þrjár af
átta hæðum verksmiðjunnar hafi
verið löglegar. Þrátt fyrir það var
hann að láta reisa níundu hæðina
ofan á hinar.
Stjórnvöld vissu vel af þessu en
létu það óátalið að verksmiðjan
starfaði áfram frekar en að tak-
ast á við eina öflugustu iðngrein
landsins, fataiðnaðinn.
„Það ætti að loka þessum verk-
smiðjum, en það er ekki auðvelt
verk,“ segir Kalpona Akter hjá
verkalýðssamtökum sem berjast
fyrir réttindum starfsfólks í fata-
verksmiðjum. „Hver sá góði opin-
beri eftirlitsmaður sem vill grípa
til harðra aðgerða gegn óhlýðnum
verksmiðjum af þessu tagi yrði
rekinn úr embætti. Hver vill taka
þá áhættu?“
Hún segir að Tazreen-verk-
smiðjan, sem brann 24. nóvem-
ber, hafi engan veginn verið sú
eina í landinu sem svo er ástatt
um. Líklega vanti starfsleyfi fyrir
um helming þeirra 4.000 fata-
verksmiðja, sem starfræktar eru
í Bangladess. Í þessum verksmiðj-
um eru framleidd föt með þekkt-
um vestrænum vörumerkjum,
ætluð til sölu í verslunum á Vestur-
löndum. Launin í verksmiðjunum
eru lág og þar af leiðandi er kostn-
aðurinn við framleiðsluna mun
minni en ef fötin væru saumuð á
Vesturlöndum. Þess vegna er hægt
að selja þau á lægra verði fyrir
vikið handa neytendum á Vestur-
löndum.
Eigandinn Hossain stofnaði
fyrirtæki sitt árið 2004 og rekur
nú tugi verksmiðja sem svipað-
ar eru þeirri sem brann. Margir
aðrir eigendur slíkra verksmiðja í
Bangladess eru þingmenn eða sitja
í öðrum mikilvægum embættum í
landinu.
Fataiðnaðurinn er það öflugur
og stórtækur að sérstök lögreglu-
deild hefur verið stofnuð í Bangla-
dess til þess eins að sjá um að
starfsemi þessara verksmiðja
gangi snurðulaust fyrir sig.
Baráttufólk fyrir réttindum
verkamanna í þessum verksmiðj-
um hefur ítrekað upplýst stór-
fyrirtæki á Vesturlöndum, sem
láta sauma föt í þeim, um aðstæð-
urnar. gudsteinn@frettabladid.is
Hver sá góði opinberi
eftirlitsmaður sem vill
grípa til harðra aðgerða
gegn óhlýðnum verk-
smiðjum af þessu tagi yrði
rekinn úr embætti.
Kalpona Akter
verkalýðssamtökum í Bangladess
Lyfjaskírteini sem veita aukna greiðsluþátttöku í lyfjum
eru nú rafræn. Þegar þú kaupir lyf sjá öll apótek hvort þú
hafir fengið útgefið skírteini.
Hægt er að fylgjast með afgreiðslu lyfjaskírteinis í
Réttindagátt á www.sjukra.is. Ef þú skráir netfang þitt
munum við tilkynna þér með tölvupósti næst þegar
möguleg réttindi myndast.
SJÚKRATRYGGINGAR ÍSLANDS
LAUGAVEGI 114
150 REYKJAVÍK
WWW.SJUKRA.IS
Kannaðu málið í
Réttindagátt á sjukra.is.
Átt þú von á lyfjaskírteini?
www.sjukra.is
Hjálpaðu okkur að tryggja rétt þinn.
KAFFIVÉLAR - MATVINNSLUVÉLAR - POTTAR & PÖNNUR
SAFAPRESSUR - ELDHÚSÁHÖLD- BLANDARAR
Kynntu þér málið hjá sölumönnum Eirvíkur
Suðurlandsbraut 20, Reykjavík | Sími 588 0200 | www.eirvik.is
Jólatilboð á www.eirvik.is
Verksmiðjan hafði
misst starfsleyfið
Fjölmargar fataverksmiðjur í Bangladess, sem framleiða ódýr föt handa vestræn-
um neytendum, eru starfræktar án þess að aðstæður þar þættu boðlegar á Vestur-
löndum. Hundruð þeirra uppfylla ekki skilyrði um brunavarnir í Bangladess.
SAUMAVÉLAR Í BRUNNU HÚSI Meira en hundrað manns brunnu inni í þessari verksmiðju þegar eldur kom þar upp 24.
nóvember. FRÉTTABLAÐIÐ/AP
■ Disney
■ C&A
■ KiK
■ Walmart
■ Sears
■ IKEA
■ Carrefour
Vestrænu vörumerkin
Meðal þeirra fyrirtækja á Vesturlöndum sem hafa látið Tazreen-verksmiðjuna
sauma handa sér föt og vefnaðarvörur fyrir lágt verð eru:
■ Li & Fung
■ ENYCE
■ Edinburgh Woollen Mill
■ Piazza Italia
■ Teddy Smith
■ Ace
■ Dickies
■ Fashion Basics
■ Infinity Woman
■ Karl Rieker GMBH & Co.
■ True Desire
VIÐSKIPTI Þrotabú Landsbanka
Íslands tilkynnti á fimmtudags-
kvöld um sölu á um 60 prósenta
hlut sínum í breska félaginu
Aurum Holdings Limited, en
Aurum á verslanakeðjurnar Golds-
miths, Mappin&Webb og Watches
of Switzerland. Kaupandinn er
bandaríski fjárfestingasjóður-
inn Apollo Global Management.
Kaupverðið fæst ekki uppgefið
en breskir fjölmiðlar hafa talið að
heildarvirði félagsins sé um 36,3
milljarðar króna. Miðað við það
verð hefur þrotabú bankans fengið
tæpa 22 milljarða króna fyrir hlut
sinn. Don McCarthy, sem var einn-
ig stór eigandi í Aurum, hættir
sem stjórnarformaður.
Bankinn eignaðist hlutinn þegar
búið tók yfir BG Holding, þá dóttur-
félag Baugs. Aurum var endur-
fjármagnað árið 2009 þar sem
skuldum upp á 8,5 milljarða króna
var breytt í nýtt hlutafé auk þess
sem Aurum fékk nýtt lán upp á um
tvo milljarða króna. Rekstur inn
hefur batnað til muna eftir þetta
og jókst hagnaður hennar um 53
prósent á rekstrarárinu 2011. - þsj
Kaupverðið ekki gefið upp en talið vera um 22 milljarðar:
Landsbankinn selur Aurum
HÆTTUR Don McCarthy, sem verið
hefur stjórnarformaður Aurum Hold-
ings, mun stíga til hliðar samhliða
sölunni.
SKIPULAGSMÁL Meirihluti borgar-
stjórnar hafði ekki samráð um
breytingar á skipulagi í Úlfars-
árdal við fagráð, íbúasamtök eða
íþróttafélög, þrátt fyrir að það
hefði verið eðlilegt. Þetta segir í
bókun fulltrúa Sjálfstæðisflokks-
ins og Vinstri grænna í íþrótta-
og tómstundaráði borgarinnar.
Þá segir að íbúasamtök og
knattspyrnufélagið Fram hafi
hafnað áformunum og vilji að
staðið sé við gildandi skipulag.
- þeb
Minni byggð í Úlfarsárdal:
Ekkert samráð
um breytingar
SVÍÞJÓÐ Rúmlega þrítugur maður
í Svíþjóð hefur játað að hafa myrt
þrettán ára gamla stúlku í septem-
ber.
Maðurinn var pirraður á hávaða
í fjölbýlishúsinu sem hann bjó í, og
taldi hávaðann að mestu koma úr
íbúð fjölskyldu stúlkunnar. Hann
keypti hamar, járnsög og fleira um
tveimur vikum áður en hann réðist
að stúlkunni. Samkvæmt sálfræði-
mati á maðurinn við mikla geð-
ræna erfiðleika að stríða og er ekki
sakhæfur. - þeb
Þaulskipulagt morð:
Myrti stúlku
vegna hávaða