Fréttablaðið - 08.12.2012, Page 28

8. desember 2012 LAUGARDAGUR
HELGIN
Við höfum verið að vinna með UNICEF fyrir dag Rauða nefsins sem var í gær. Við gerðum lag sem heitir Öll í kór. Þetta var mjög skemmtileg vinna. Við
fengum fjórtán gestasöngvara til þess
að syngja með okkur. Við gerðum líka
myndband við lagið ásamt Saga Film.
Nýkomin heim frá útlöndum, hvar
voruð þið að spila?
Við vorum Bern í Sviss. Spiluðum
þar í partíi fyrir fatabúð þar sem
nefnist Fizzen. Hún átti 20 ára afmæli.
Skemmtilegast þótti okkur að fá
fondue og raclette (raclette er tegund
af osti sem þeir bræða yfir brauð, kjöt
eða kartöflur). Vissuð þið að það er
hægt að fá McRaclette á McDonalds
í Sviss? Þeir segja að það sé jafnvel
betra en Big Mac.
Nú eru þið öll orðin fjölskyldufólk,
hefur það ekki áhrif á tónleikaflakkið
um heiminn?
Já, það hefur alls konar áhrif. Í
fyrsta lagi höfum við lítið farið út
að spila undanfarna mánuði þar sem
flest okkar hafa verið í barneignar-
leyfi. Þetta mun svo líklega hafa þau
áhrif að við förum í styttri ferðir
fyrst um sinn. Við erum satt að segja
enn að finna út hvernig við viljum
gera þetta. Þetta mun allt saman koma
í ljós smám saman.
Koma börnin kannski bara með?
Ef þau koma með, hvernig líkar þeim
tónleikalífið?
Fyrsta ferð Fróða, sonar Árna og
Lóu, var til Sviss um daginn. Hann er
fæddur til að ferðast eins og Agnes,
dóttir Árna Vil, sem stóð sig með
prýði á tónleikaferð í Berlín í sumar.
Alda dóttir Örvars hefur líka komið
með í ferðir og fór í fyrsta skipti á
svið eins árs. Þau munu svo örugglega
tjá sig eitthvað um tónleikalífið þegar
þau byrja að tala. Þau eru hins vegar
frekar róleg yfir þessu eins og er.
Koma kannski makar með líka?
Já, já, makar, barnapíur, systkini,
foreldrar og vonandi einhvern tím-
ann ömmur og afar. Við erum túrandi
ættarmót.
Hefur eitthvað breyst við það að
danssveitin varð fjölskyldusveit?
Erfiðara að dansa fram undir morgun
uppi á sviði?
Jú, það er mun erfiðara að dansa
fram undir morgun. Meirihluti með-
lima er með einhvern verk í mjöðm-
unum sem þeir hafa ekki fundið fyrir
áður. En við höfum brugðist við þessu
með því að gera hreyfingar sem hafa
lítil líkamleg áhrif á okkur. Flest
okkar eru líka á leiðinni í pilates eða
hot yoga til þess að liðka limina.
Hvað er í bígerð?
Að finna út úr tónleikaferðum þar
sem börn eru með í för. Fara í stúdíó
eins oft og við getum. Fylgja eftir
laginu sem við gerðum fyrir UNI-
CEF. Hjálpa sem flestum að komast að
þeirri niðurstöðu að það er ekki bara
gott að vera foreldri heldur er enn
betra að vera heimsforeldri, og undir-
búa jólin. Það verður t.d. vínyll til sölu
frá okkur á markaði hjá Kex Hosteli
22. desember. Tilvalið í jólapakkann.
Ný plata á leiðinni?
Við erum að vinna í nýrri plötu sem
á að koma út á næsta ári. Við vinnum
með nýjar strategískar aðferðir sem
innihalda tússtöflu, gula post-it miða,
bláa málningu og marglita penna.
Þessar aðferðir skila sér ágætlega og
við erum bara nokkuð bjartsýn.
Meira heimsflakk?
Við ætlum í stutta ferð til Banda-
ríkjanna eftir jól og munum fara í
stuttar ferðir til Evrópu. Svo bíðum
við auðvitað eftir því að fleiri heims-
álfur opni dyrnar fyrir okkur.
Hvar verður FM Belfast eftir fimm
ár?
Við verðum væntanlega komin með
eldri og fleiri börn. Við verðum komin
með fleiri og óskiljanlegri verki hér
og þar um líkamann og svo verðum
við búin að gefa út fleiri plötur.
TÚRANDI
ÆTTARMÓT
Meðlimir hljómsveitarinnar FM Belfast standa á
tímamótum, en danssveitin er aftur komin á kreik eftir
barneignaleyfi undanfarna mánuði. Þeir eru sammála
um að fjölskyldulífið breyti tónleikaflakkinu, en halda
hins vegar ótrauðir áfram þrátt fyrir að mjaðmaverkir
geri vart við sig og ljóstra því upp að ný plata sé í bígerð.
HRESSANDI FJÖLSKYLDUSVEIT Árni og Lóa ásamt syni sínum Fróða, fjögurra mánaða, Örvar með dóttur sinni
Öldu, fjögurra ára, og Árni Vilhjálmsson með Agnesi dóttur sinni, 11 mánaða. Á myndina vantar feðgana Borkó og
Hjalta sem eru búsettir á Drangsnesi. FRÉTTABLAÐIÐ/VILHELM
Þórður Helgi Þórðarson, útvarpsmaður
Í mat hjá Gísla
„Gísli Einarsson, já sá Gísli, ætlar að bjóða okkur
nokkrum í mat í Borgarnesið blíða og það ætti
að vera nóg til að lifa á næstu vikurnar. Svo eru það
fyrstu tónleikar dótturinnar og föndur með börnunum.“
Snæbjörn Ragnarsson,
Skálmaldarmeðlimur
Tvennir tónleikar
„ Ég ætla að spila tvisvar
með Skálmöld á Gamla
Gauknum, fyrst fyrir alla
aldurs hópa og svo „venju-
lega“ tónleika um kvöldið.“
Heiða Eiríksdóttir,
söngkona
Próflestur
„Ég ætla að klára ritgerð
um myndina High and Low
eftir Kurosawa og læra fyrir
japönskupróf sem ég fer í á
mánudag.
Elísabet Ronaldsdóttir,
klippari
Þvottafjallið klifið
„Ég ætla að halda áfram
að láta mig dreyma um að
bjarga heiminum á meðan
ég tekst á við þvottafjallið og
krónískt samviskubitið.“
Álfrún Pálsdóttir
alfrun@frettabladid.is
Áttatíu ár eru liðin síðan
kverið Jólin koma kom fyrst
út. Teikningar Tryggva
Magnússonar prýða þar vísur
Jóhannesar.
Á dögunum kom út 27. prent-
un kversins, að þessu sinni
í hátíðarútgáfu með hörðum
spjöldum. Gera má ráð fyrir
að um 100.000 eintök hafi
selst af kverinu frá upphafi.
Stekkjarstaur kom fyrstur …
Margar kynslóðir barna hafa kynnst jólasveinunum þrettán gegnum vísur Jóhannesar úr Kötlum.
Hrekkjóttir synir Grýlu
1. Stekkjarstaur – sýgur mjólk úr
ánum í fjárhúsinu.
2. Giljagaur– nær sér í mjólkurfroðu
úr mjaltafötum í fjósinu.
3. Stúfur – stelur pönnum og borðar
viðbrenndu agnirnar af þeim.
4. Þvörusleikir– sleikir þvöruna sem
notuð var til að hræra í pottum.
5. Pottaskefill– Borðar skófir innan
úr pottum.
6. Askasleikir– sleikti aska að innan
ef þeir voru látnir úr augsýn.
7. Hurðaskellir– truflaði fólk þegar
það hvíldi sig með því að láta
marra í og skella hurðum.
8. Skyrjarmur – braut lok af skyr-
sánum og át á sig gat.
9. Bjúgnakrækir – klifraði upp á
bita og hnuplaði bjúgum sem þar
héngu.
10. Gluggagægir– kíkti inn um glugga
til að athuga hvort inni fyrir væri
eitthvað álitlegt til að stela.
11. Gáttaþefur– hafði sérlega
stórt nef og var næmur fyrir
laufabrauðs lykt.
12. Ketkrókur – krækti í kjöt í
gegnum strompinn.
13. Kertasníkir– elti börn til að reyna
að ná af þeim kertunum þeirra.