Fréttablaðið - 08.12.2012, Qupperneq 84

8. desember 2012 LAUGARDAGUR| HELGIN | 60
Tvær farsælar og flottar söngkonur, er það
tilviljun ein að dóttir þín syngur svona fal-
lega eins og þú eða áttu kannski svolítinn
þá í því?
Helga: Elísabet lærði á fiðlu í 10 ár en
þegar að því námi lauk fór hún að syngja
mikið með alls konar tónlist inni í herberg-
inu sínu, stundum langt fram á nótt. Hún
hafði reyndar alltaf sungið og var farin
að syngja meira heldur en tala um eins og
hálfs árs aldurinn. Þegar hún var 14 ára
gömul hvatti ég hana til að sækja um í Tón-
listarskóla FÍH í söngnám. Ég sagði henni
að það yrðu örugglega litlar líkur á að
hún kæmist inn sökum ungs aldurs en viti
menn, hún komst inn og hóf þar söngnám
árið 2007.
Var alltaf draumurinn að verða söng-
kona eins og mamma?
Elísabet: Ég hafði alltaf gaman af því að
syngja sem barn, en ég fór ekki að hugsa
til þess að gera atvinnu úr því fyrr en ég
var komin á táningsaldur. Mamma var þá
auðvitað fyrirmyndin sem ég hafði til að
elta þann draum. En ég verð að segja að
mér er þetta algjörlega í blóð borið þar
sem það er tónlist báðum megin í fjöl-
skyldunni minni.
Mikið tónlistarheimili
Var heimili ykkar sem sagt sannkallað
tónlistarheimili?
H: Ég er alin upp við tónlist á mínu
æskuheimili þar sem pabbi minn var
harmóníkuleikari og píanóleikari á sínum
yngri árum og hann spilaði mikið á píanóið
þegar ég var að alast upp. Á heimili okkar
Elísabetar var mikið hlustað á tónlist. Eins
vorum við báðar alltaf syngjandi og Elísa-
bet æfði á fiðluna sína frá þriggja ára aldri
þar til að hún varð 13 ára.
E: Fyrir utan að hafa æft daglega á
fiðlu þá man ég mikið eftir því að hlusta
á geisladiska inni í stofu með mömmu og
syngja með, þá aðallega á Celine Dion,
Michael Jackson, Joni Mitchell og fleiri.
Hafið þið unnið mikið saman?
H: Ég gaf út jólaplötu árið 2007 og þá
söng Elísabet, þá 14 ára, allar bakradd-
ir ásamt Magnúsi Kjartanssyni. Það er
gaman að segja frá því að fyrir þessi jól
erum við mæðgur að vinna að tveimur
nýjum jóladúettum eftir Gunnar Þórðar-
son og Þorstein Eggertsson og allavega
annar þeirra verður frumfluttur á jóla-
tónleikum mínum í Laugarneskirkju.
Hvernig upplifun var það fyrir þig sem
barn að eiga fræga mömmu?
E: Þegar ég var lítil þá velti ég mér satt
að segja ekki mikið upp úr því að mamma
mín væri þekkt söngkona. Eftir að ég
fór sjálf að syngja meira og sérstaklega
þegar ég fór að læra söng, þá fór ég að
finna meira fyrir því. Að eiga „frægt“ for-
eldri getur stundum verið yfirþyrmandi
og getur orðið þreytandi, en ég er svo sem
löngu orðin vön og er auðvitað stolt af því
að hún er mamma mín.
Rjúpa og hamborgarhryggur
Nú styttist í jólin, hvaða hefðir hafið þið
tileinkað ykkur?
H: Það er ein hefð sem er búin að vera í
okkar fjölskyldu í áraraðir og hún er sú að
öll stórfjölskyldan hittist saman á aðfanga-
dagskvöld og borðar saman og opnar gjaf-
irnar. Þannig man ég eftir þessu heima
hjá foreldrum mínum og þegar mamma og
pabbi urðu eldri færðist þessi hefð yfir á
heimili mitt og hefur verið þannig í nokkur
ár.
E: Öll mín ár hefur verið hefð í pabba-
fjölskyldu að stórfjölskyldan hittist að
morgni aðfangadags við leiði afa og ömmu.
Við kveikjum á kertum, skreytum leiðin
með greni og tökum að lokum hópmynd
af allri fjölskyldunni saman. Heima hjá
mömmu hefur síðan oftast tíðkast að borða
rjúpu á aðfangadagskvöld en núna á síð-
ustu árum hefur hamborgarhryggur bæst
við. Við borðum einnig alltaf möndlugraut
og eplakakan hennar ömmu og jólaísinn
hennar mömmu eru ómissandi. Eins er
alltaf jólaboð á jóladag í pabbafjölskyldu
og á annan í jólum hittumst við mamma,
maðurinn hennar, systkini mín, tengdason-
ur mömmu og barnabarn í náttfatapartíi
og borðum saman jólaafganga og spilum.
Er eitthvað sérstakt sem þið mæðgurn-
ar gerið saman fyrir hver jól eða í hverri
aðventu?
H&E: Við höfum alltaf pakkað saman inn
öllum jólagjöfum og hlustum á jólatónlist á
meðan. Ef við náum að baka, þá bökum við
saman smákökur. Við höfum alltaf skreytt
jólatréð og heimilið saman og núna síðast-
liðin fimm ár höfum við sungið saman á
árlegu jólatónleikunum í Laugarneskirkju.
Eigið þið ykkur uppáhaldsjólalag?
H: Ó helga nótt og Jólaengill.
E: Dansaðu vindur og Heyr himna smiður.
Lifa í núinu
Nú er mikill annatími í lífi söngvara.
Stefnið þið á frekara samstarf í framtíð-
inni?
E: Við höfum starfað saman í fimm ár
núna og við munum eflaust starfa meira
saman í framtíðinni þegar blaðið snýst við,
ég tek fram úr og mamma syngur bak-
raddir hjá mér!
Hvar sjáið þið ykkur eftir 10 ár?
H: Úff, ég vil bara lifa í núinu.
E: Ég stefni á að fara eitthvert út í meira
förðunarnám, en annars er ég sammála
mömmu um að lifa bara í núinu, taka einn
dag í einu; það sem gerist gerist.
Að lokum, viljið þið deila með okkur
eftirminnilegri jólaupplifun eða augnabliki
sem situr ykkur ofarlega í huga og hjarta
fyrir einhverjar sakir?
E: Þetta er kannski ekki hamingjusöm
minning en það sem er mér efst í huga er
þegar mamma þurfti að fara í flug og vera
í útlöndum um jólin. Ég man hvað ég átti
erfitt með að njóta jólanna án hennar og ég
er búin að ákveða að þetta gerist ALDREI
aftur! Eins man ég hvað afi var lítill í sér
og saknaði mömmu. Þetta var glatað! En
hey, gleðileg jól!
H: Ó guð já, ég man svo vel eftir þessu.
Ég var með tárin í augunum þegar ég fór
og þó svo að allt hafi verið gert til að gera
þessa stund hátíðlega fyrir okkur, áhöfn
Icelandair í Baltimore, þá var ég eins og
lítið barn, hálf kjökrandi þessi jól. Ég segi
eins og Elísabet, eins mikið jólabarn og ég
er, þá vona ég að ég lendi aldrei í þessari
aðstöðu aftur en ef svo verður þá tek ég
alla með mér út!
Kolbrún Pálína
Helgadóttir
kolbrunp@365.is
SYNGJA
SAMAN
INN JÓLIN
TEKUR FRAM ÚR „Við höfum starfað saman í fimm ár núna og við munum eflaust starfa meira saman í
framtíðinni þegar blaðið snýst við, ég tek fram úr og mamma syngur bakraddir hjá mér!“ FRÉTTABLAÐIÐ/ANTON
Helga Möller og Elísabet Ormslev eru skemmtilegar og söng-
elskar mæðgur sem elska jólin. Þær vinna nú að tveimur
nýjum jóladúettum saman en þær sungu fyrst saman á
plötu þegar Elísabet var aðeins 14 ára gömul.
Suðurgata 41 · 101 Reykjavík · sími 530 2200 · www.thjodminjasafn.is Opið alla daga vikunnar nema mánudaga kl. 11-17
Aðventan í
þjóðminjasafni
Íslands
Jólasýningin Sérkenni sveinanna á Torginu
Munið jólaratleikinn: Hvar er jólakötturinn?
Komdu og hittu jólasveinana 12.-24.desember kl.11
Fjölskylduskemmtun með
Felix og Gunna 9. desember kl.14