Fjarðarpósturinn - 09.03.1995, Blaðsíða 7

FJARÐARPOSTURINN 7
Haukar í úrslitum
Úrslitakeppnin í úrvalsdeild
körfuboltans er liafin. Haukar
unnu sér sæti í úrslitunum á elleftu
stundu, þrátt fyrir að þeim hefði
ekki verið spáð slíku gengi í vetur.
En hið unga lið, þar sem meðal-
aldur er aðeins 20,5 ár og sá lang-
yngsti í úrvalsdeildinni, sannaði að á-
vallt skuli spurt að leikslokum. Liðið
hefur nú leikið fyrsta úrslitaleikinn
gegn bikarmeisturum Grindvíkinga
en annar leikur liðanna verður í í-
þróttahúsinu við Strandgötu á laugar-
daginn kl. 16:30. Það lið, sem fyrr
vinnur tvo leiki, vinnur sér rétt til á-
framhaldandi þátttöku í úrslitakeppn-
inni.
„Flestir telja okkur eiga litla
möguleika gegn Grindvíkingum og
þess vegna förum við ekki í leikina
undir miklu álagi,” sagði Jón Arnar
Ingvarsson í samtali við Fjarðarpóst-
Sigfús Gizurarson landsliðsmaður
verður í eldlínunni gegn
Grindvíkingum
inn snemma í vikunni. „Við erum
engu að síður bjartsýnir því við
sigruðum þá í Reykjanesmótinu og
töpuðum naumlega gegn þeim í Is-
landsmótinu þegar þeir skoruðu sig-
urkörfuna eftir að leiktíminn rann
út.”
Bandaríkjamaðurinn Mark
Hadden mun ekki leika meira með
Haukum á tímabilinu. Jón Arnar
sagði leikmenn, þjálfara og stjóm
hafa verið á einu máli um að Hadden
hefði ekki bætt leik liðsins. Tii dæm-
is hefði hann ekki fallið nægilega vel
inn í leikkerfi heldur viijað leika
meira upp á eigin spýtur.
Hafnfirðingar eru hvattir ti! þess
að fjöimenna í Strandgötuhúsið á
laugardaginn en þar mun sitthvað
fleira en leikurinn sjálfur verða til
gamans gert.
íþróttahreyfing á hálum fs ?
Verða fjárframlög til framkvæmda skorin niður?
Bæjarsjóður styrkir nú fram-
kvæmdir við íþróttamannvirki uni
80% en ítrekaðar beiðnir íþrótta-
félaga um rekstrarstyrki gætu
lækkað það hlutfall. Þetta kemur
fram í samtali Fjarðarpóstsins við
Ellert Borgar Þorvaldsson.
A fundi bæjarráðs þann 2. mars
s.l. var tekið fyrir erindi knattspymu-
deildar FH um fjárhagsaðstoð vegna
rekstrarvanda deiidarinnar. Erindið
var samþykkt en Ellert Borgar Þor-
valdsson og Valgerður Guðmunds-
dóttir sátu hjá við atvkæðagreiðslu
um málið og óskaði Ellert eftir því að
eftirfarandi yrði bókað:
„I annað sinn á rúmum fjóram
mánuðum liggur fyrir bæjarráði til
afgreiðslu erindi um fjárhagslegan
stuðning vegna rekstrarhalla sér-
deildar íþróttafélags í bænum. A
þessum fjórum mánuðum, þ.e. frá
27. október 1994, hefur bæjarráð
samþykkt að koma í skil u.þ.b. 17
milljón króna rekstrarhalla íþróttafé-
laganna FH og Hauka.
Þrátt fyrir skilyrta fyrirgreiðslu
bæjarsjóðs í þessum tilvikum er hér
lagt út á varhugaverða braut í mörgu
tilliti. Framlög úr bæjarsjóði til í-
þróttafélaga í bænum nema árlega, í
einni eða annarri mynd, milljónatug-
um. Er réttlætanlegt að til viðbótar
við framkvæmdastyrki, rekstrar-
styrki og aðra tilfallandi styrki við í-
þróttahreyfinguna bætist fjárveiting-
ar til greiðslu á hallarekstri einstakra
deilda? Hvar verða t.d. mörkin dreg-
in milli félaga í bænum sem eiga við
hugsanlegan rekstrarvanda að stríða?
Verður einungis greitt úr rekstrar-
vanda íþróttafélaga?
Akvarðanir bæjarráðs í þessum
efnum eru að mínu rnati ekki nægjan-
lega ígrandaðar og því sit ég hjá við
afgreiðslu þessa erindis.”
Téflt á tæpasta vað
„Þessa bókun mína má alls ekki
túlka sem svo að ég sé óvinveittur í-
þróttahreyfingunni. Það er síður en
svo. Eg er með þessu að vekja menn
til umhugsunar um það hvort endur-
skipuleggja eigi fjárframlög til í-
þróttafélaganna, til dæmis með því
að lækka hlutfallslega það framlag
sem rennur til framkvæmda,” sagði
Ellert þegar haft var samband við
hann vegna málsins.
„Þetta getur ekki gengið svona til
lengdar. Iþróttafélögin hafa viljað
fara sínar eigin leiðir í rekstrinum en
síðan er leitað til bæjarins þegar
menn eru komnir í vandræði. Aðal-
stjómir félaganna hafa ekki verið
nægilega meðvitaðar um stöðu
deilda innan þeirra og jafnvel ekki
vitað hvemig komið væri fyrir þeim.
Síðan er mér sagt að menn, sem teng-
ist deildunum, gangi jafnvel í per-
sónulegar ábyrgðir fyrir þær og það
getur að mínu viti verið mjög tví-
eggjað,” sagði Ellert.
Telurðu þá að Qármálastjóm innan
íþróttafélaganna sé óábyrg?
„Nei, en það er spurning hvort þar
sé ekki ítrekað teflt á tæpasta vað.”
Telja bæjaryfirvöld að þau séu
með einhverjum hætti að styrkja at-
vinnumennsku í íþróttum með fjár-
stuðningi sínum?
„Ja, hvað heldur þú? Ég vil ekkert
staðhæfa um þau mál því ég þekki
þau ekki út í hörgul.”
Þegar þú nefnir mörk milli félaga í
bænum og hvort einungis verði greitt
úr rekstrarvanda íþróttafélaga, hvað
áttu þá við?
„Iþróttafélögin njóta ýmissa
styrkja, s.s. til rekstrar og þau njóta
ókeypis afnota af íþróttahúsum bæj-
arins. Þau sækja síðan um fjárhags-
lega aðstoð til bæjarsjóðs til að rétta
af halla í rekstri. Eg bendi á að hér í
bænum geta ýmis önnur félagasam-
tök átt í rekstrarerfiðleikum. Þau
gætu hugsanlega á sama hátt og í-
þróttafélögin óskað eftir aðstoð bæj-
arsjóðs. Eg nefni sem dæmi af
handahófí Skátana, KFUM, kóra og
þannig mætti áfram telja,” sagði Ell-
ert og bætti við að bæjarráð yrði að
gæta sín í ákvarðanatöku varðandi
íjárframlög til félagasamtaka ef það
vildi vera sjálfu sér samkvæmt.
Rauði Kross íslands með barnfóstrunámskeið
Hafnarfjarðardeild RKÍ heldur
barnfóstrunámskeið á þessu vori
eins og undanfarin ár. Fyrsta
námskeið hefst 20, mars og verða
haldin 4 námskeið frani í júní.
Námskeiðin eru 4 kvöld frá kl. 17-
20. Námskeiðsgjald er 2.500.- kr.
Innifalið í því eru námsgögn og
veitingar.
Markmið barnfóstrunámskeið-
anna er að bamfóstran öðlist öryggi í
starfi og þekking hennar aukist á
bömum og umhverfí þeirra. Kennd
er umönnun ungbama í blíðu og
stríðu, um mikilvægi rétts matar-
ræðis og hreinlæti. Þá er einnig
kennd skyndihjálp og hvemig koma
megi í veg fyrir slys í heimahúsum.
Námskeiðin eru sniðin fyrir stelpur
og stráka á aldrmum 11-14 ára, hvort Valgerði sími 565 0112 og
sem þau hyggja á bamfóstrustarfið Kristbjörgu sími 555 2272
eða eiga yngri systkini til að líta eftir.
Skráning og upplýsingar hjá Ingu Fréttatilkynning.
Guðmundur Karlsson fær á sig meiðyrðakæm frá dómurum:
Stend við það
sem ég sagði
„Ef við verðum sakfelldir þá
verður hér brotið blað í íþrótta-
sögunni,” sagði Guðmundur
Karlsson, þjálfari meistaraflokks
FH í handknattleik, þegar hann
var inntur eftir viðbrögðum
vegna meiðyrðakæru dómara á
hendur honum og fleiri þjálfur-
um. Gera má ráð fyrir að það séu
einkum þau ummæli hans að það
geti varla verið tilviljun að alltaf
dæmi sami dóntari vafaatriði FH í
óhag. Hann átti þar við Rögnvald
Erlingsson. „Það verður þá einnig
að vcita dómurum aukið aðhald,”
bætti hann við.
„Við verðum þó að geta tjáð okk-
ur á einhverjum vettvangi,” sagði
Guðmundur, „en mér þykir umræð-
Skautað í eftirmiðdagssólinni við
Hörðuvelli við misjafnan árangur
an sem slík ekki slæm. Þetta var
raunar í fyrsta skipti í vetur sem ég
opna munninn og þá fer þetta svona.
Hins vegar hafa aðrir þjálfarar getað
vaðið uppi í fjölmiðlum án þess að
nokkuð hafi verið sagt við því. En
ég stend við það sem ég sagði.”

'lti&i’ún ?P)ianiadótii>
'>run ,))jarnaaautr
Gullsmiður
Lækjargata 34c
Sími 565 4453
Lítið við á skrifstofu
Þjóðvakans
að Reykjavíkurvegi 62,
Hafnarfirði.
Opiö virka daga frá kl. 16:00 - 19:00
Laugardaga og sunnudaga frá kl. 14:00 -
18:00
Alltaf heitt á könnunni
Kosningastjórn
Verkakvennafélagið
Framtíðin
Sumarhús
Umsóknarfrestur um sumarhús félagsins
verður til 20. apríl n.k.
Umsóknareyðublöð munu liggja frammi
á skrifstofu félagsins að Strandgötu 11.
Stjórnin
INNRÖMMUN
Falleg mynd
í fallegri umgjörð
er góð gjöf
Sími: 565 2892
Erum ttutt í Miðvang 41