Fjarðarpósturinn - 04.05.1995, Blaðsíða 11
FJARÐARPOSTURINN 11
Nemendur í 7. HN og SG i Víðistaðaskóla.
Ncmendur í 7. J, K og L í Öldutúnsskóla.
Hafnfirðingar taka virkan þátt í HM
Nú er’ann loks að bresta á með
HM í öllu sínu veldi. Langþráðir
dagar renna brátt upp, hver af
öðrum og handboltaveisla aldar-
innar á Islandi er að hefjast. Margt
stórmenna mun af því tilefni sækja
Island heim og mun forseti alþjóða
ólympíunefndarinnar, Juan Ant-
onio Samanranch m.a. koma hing-
að í Hafnarfjörð til að fylgjast með
leik Króatíu og Slóveníu í
Kaplakrikanum. Að sögn Ingvars
S. Jónssonar, íþróttafulltrúa, hefur
undirbúningsstarf gengið vel. „Eg
á von á því að keppnin verði okkur
til mikils sóma,” segir hann.
Að sögn Ingvars hefur annríki í
skipulagsnefnd verið gífurlegt og í
þeirri nefnd einni verið haldnir einir
30 fundir. Enda er að mörgu að
hyggja. Má þar nefna tannlækna-
þjónustu fyrir keppnisliðin, skipulag
æfinga liðanna meðan á keppninni
stendur og munu húsin við Strand-
götu og í Kaplakrika fara að miklu
leyti undir þær æfingar og merkingar
þurfa að vera greinargóðar svo eitt-
hvað sé nefnt.
Fyrstu leikimir hér í Hafnarfirði
fara fram næstkomandi mánudag, 8.
maí, í Kaplakrika þar sem leika kl.
15:00 Rússland og Kúba, kl. 17:00
Tékkland og Marokkó og kl. 20:00
Króatía og Slóvenía.
Hafnarfjarðarriðillinn telst nokkuð
sterkur, einkum vegna þess að þar
eru Rússar innanborðs. Hins vegar
verður röðun í riðilinn að teljast með
miklum ólíkindum þar sem Austur-
Evrópuþjóðir eru flestar auk Kúbu og
Marokkó. Þessum liðum fylgir ekki
mikið fjölmenni áhorfenda eða fjöl-
miðlamanna. Af þeim sökum verða
hér í Firðinum fæstir þeirra blaða-
manna sem sækja keppnisstaðina
heim. Þeim mun mikilvægara er það
fyrir okkur Hafnfirðinga og aðra
landsmenn að fjölmenna í Krikann til
þess að berja augum lið eins og Rúss-
ana, eitthvert albesta handknatt-
leikslið sem komið hefur fram á sjón-
arsviðið síðan handboltinn var fund-
inn upp!
Miðar á leikina eru hér í Hafnar-
ftrði seldir í Miðbæ. Segir Ingvar að
hér verði langódýrast á leikina en
miði á einn leikdag, þrjá leiki, kostar
aðeins 1000 krónur. Sagðist íþrótta-
fulltrúinn jafnvel eiga von á því að
þegar fram í sækti yrðu miðamir
jafnvel enn ódýrari.
Sjöundubekkingar og HM
Hafnftrsk æska hefur ekki látið sitt
eftir liggja í undirbúningi fyrir
heimsmeistarakeppnina. Fjölmargir
sjöundubekkir í grunnskólum bæjar-
ins hafa undanfarið geftð gaum þeim
löndum sem hér keppa í riðli. Læra
krakkamir sitthvað um þjóðimar og
sum hver læra hvatningarhróp á við-
komandi tungumáli. Jafnvel hefur
frést af því að þau skrifi hvatningar-
orð á stóra borða til þess að hafa með
sér á leiki en þau fá ókeypis á leiki
sinna liða.
Sjöundu bekkir HN og SG í Víði-
staðaskóla hafa Kúbu á sínum snær-
um, 7. J, K og L í Öldutúnsskóla hafa
Rússland, 7. SK og MK í Hvaleyrar-
skóla Króatíu, 7. HD, HB og IV í
Setbergsskóla Marokkó, 7. I og J í
Lækjarskóla Tékkland og Slóvenía er
lið 7. HG og ÓR í Engidalsskóla.
Nemendur skólanna takast á hend-
ur margvísleg verkefni tengd þjóðun-
um en þó er ekki í öllum tilvikum
hægt að benda á landakortið og
segja: Þama er landið! - svo verulega
hefur heimsmyndin breyst á undan-
fömum árum. Það gildir til dæmis
um Slóveníu, Króatíu og Tékkland.
En viðfangsefnið er verðugt. Hug-
myndin mun fengin frá Frakklandi en
að sögn Ingvars Viktorssonar, sem
fylgst hefur náið með þessum keppn-
um undanfarin ár, unnu frönsk ung-
menni svipuð verkefni þegar B-
keppnin fór fram þar í landi fyrir
nokloum árum.
Nemendur í 7. SK og MK í Hvalevrarskóla ásamt kennurum og skólastjóra.
Nemendur í 7.1 í Lækjarskóla.
Nemendur í 7. HD, HB og IV í Setbergsskóla ásamt kennurum.
Nemendur í 7. HG og ÓR í Engidalsskóla.