Prentarinn - 01.07.1982, Qupperneq 2

Um orlofssvæðin
Á síðasta aðalfundi félagsins, sem
haldinn var 25. apríl sl. var fjallað
nokkuð um orlofssvæði félagsins og
framtíðarskipan þeirra mála. Fram
kom á fundinum að á vegum félagsins
er starfandi nefnd sem á að gera út-
tekt á þessum málum og leggja fram
valkosti til frambúðarlausnar þessum
málum. Meiningin er að fjalla um nið-
urstöður nefndarinnar á almennum
félagsfundi nú í vetur, og taka í kjöl-
far hans ákvarðanir um það hvar fé-
lagið ætlar að byggja upp framtíðarað-
stöðu hvað snertir orlofssvæðin.
Ljóst er í hugum flestra að ekki sé
raunhæft að reka orlofssvæði á fjórum
stöðum eins og gert er í dag auk þess
sem þrjú þessara svæða er afar nálægt
hvort öðru, Ölfusborgir, Miðdalur og
Brekkuskógur. Vissulega hafa öll
þessi svæði marga góða kosti, en fé-
lagið verður að vega það og meta hvar
hagstæðast er fyrir það að byggja upp
viðunandi aðstöðu og þegar það er
gert verður að fórna einhverju svæði
til þess að unnt verði að veita fjár-
magni í uppbygginguna.
Undirrituðum sýnist það viturlegast
að framtíðaraðstaða félagsins verði í
Miðdal, þar er landrými mest og land-
kostir mestir. Vissulega má færa að
því rök að hingað til hafi Miðdalurinn
fyrst og fremst nýst þeim sem hafa
haft þar einkaaðstöðu í eigin húsum,
en það má ekki blinda fólk í því að
meta þá möguleika sem eru fólgnir í
eign Miðdalsins ef félagið leggur í það
metnað að byggja þar upp aðstöðu
fyrir félagsmenn í heild. Horfa verður
til framtíðarinnar. Landrýmið í Mið-
dal gefur okkur tækifæri til að byggja
eins marga bústaði á vegum félagsins
og við þurfum á að halda, það gefur
okkur tækifæri til að byggja upp úti-
vistaraðstöðu nánast án takmarkana
og landkostir jarðarinnar gefa okkur
kost á fiskirækt, skógrækt auk þess
sem ugglaust er heitt vatn í jörðu. í
Brekkuskógi eigum við einungis 10
hektara land auk þess sem við þurfum
að semja við önnur félagasamtök um
allt sem gæti heitið aðstaða umfram
sumarhús. í Ölfusborgum gegnir
nokkru öðru máli. Vissulega eigum
við þar einungis eitt hús en Ölfusborg-
ir eru þannig í sveit settar að þangað
sækja mikið eldri félagsmenn og fé-
lagsmenn sem eru með ungabörn á
sínum snærum auk þess er augljóst að
í Ölfusborgum verður byggð upp
framtíðarfræðslumiðstöð verkalýðs-
hreyfingarinnar. Það orkar því tví-
mælis hvort rétt sé að selja húsið okk-
ar þar enda þótt rekstur þess hafi
verið ákaflega dýr á undanförnum
árum. Eitt orlofshús eigum við að 111-
ugastöðum, sem eins og Ölfusborgir
hefur verið alldýrt í rekstri, en afar
vinsælt vegna legu sinnar.
Hvað sem verður ofaná í þessum
málum er augljóst að við verðum að
hafa hraðan á. Félagið verður að
byggja upp betri aðstöðu í allra næstu
framtíð. Aðsóknin í orlofshúsin eru
svo mikil að ekki er verjandi að fé-
lagið reyni ekki að fjölga húsum og
það verður ekki gert fyrr en við höf-
um ákveðið hvar við ætlum að byggja
upp.
— mes.
Frá Miðdal.
Greinilegt er að það er að
þrengjast á vinnumarkaði
lögfræðinga ... - Stjórn
FÍP, Þórarinn V. Þórarinsson
lögfræðingur, hefur hótað
FBM málsókn.
Forsíðan
Að þessu sinni er forsíðunni
ætlað að minna á málefni aldr-
aðra. „Það takmark sem við
ættum að stefna að í þessum
efnum er að hver einstaklingur
vakni með tilhlökkun til hvers
nýs dags." Svo farast Hrafni
Sæmundssyni orð í grein sinni
í blaðinu um málefni aldraðra.
Þetta eru vissulega orð í tíma
töluð, mikið skortir á að mál-
efnum eftirlaunaþega sé sinnt
sem vera ber og á það bæði
við um tómstundir og hús-
næðismál. Við verðum tölu-
vert vör við það að eldri félags-
menn eiga í verulegu basli
vegna húsnæðismála. Þeir
mundu vilja búa í hentugra
húsnæði þar sem kostur væri
á einhverri aðstoð.Höfundur
forsíðunnar er Sigurður Þórir
Sigurðsson.
2
PRENTARINN 4.2.'82