Fréttatíminn - 25.02.2011, Síða 20

NISSAN JUKE
Framhjóladrifinn, sjálfskiptur, 1.6 bensín,
eyðsla 6,3 l/100km, CO2 losun 145 g/km.
3.850.000 kr. / 44.221 kr. pr.mán.*
NISSAN QASHQAI
5 manna 4WD, sjálfskiptur, 2.0 bensín,
eyðsla 8,2 l/100km, CO2 losun 189 g/km
4.990.000 kr. / 57.227 kr. pr. mán.*
*Mán.greiðsla m.v. 30% útb. og bílasamning í 84 mán.
Nýr Nissan X-Trail er stærri og rúmbetri en flestir bílar í sama flokki. Þessi vinsæli
jeppi er nú fáanlegur í nýrri og uppfærðri útgáfu. Kraftmikil dísilvél, sjálfskipting,
eitt fullkomnasta fjórhjóladrif sem völ er á, þráðlaus símabúnaður, skriðstillir,
fullkomin hljómflutningstæki og aksturstölva er allt staðalbúnaður í Nissan X-Trail.
Kíktu til okkar og reynsluaktu nýjum Nissan X-Trail.
Allar nánari upplýsingar á www.nissan.is DÍSIL
Verð frá:
5.990.000
Eyðsla: 7.1 l/100 km
CO2 losun: 188 g/km
INGVAR HELGASON og B&L • Sævarhöfða 2, sími 525 8000 facebook.com/nissanvinir
E
N
N
E
M
M
/
S
ÍA
/
N
M
4
4
7
3
0
21 cm undir
lægsta punkt
NISSAN NOTE
1.4, eyðsla 5,9 l/100km, CO2 losun 139 g/km.
1.6, eyðsla 6,6 l/100km, CO2 losun 159 g/km.
Frá 2.490.000 kr. / 28.870 kr. pr. mán.*
Á standið á kvenlækningadeild Landspítala – háskólasjúkrahúss hefur farið versnandi á undan-
förnum árum þar sem sparnaður í rekstri,
helgarlokanir og úr sér gengin tæki hafa
komið niður á þjónustu við sjúklinga. Ekki
er gert ráð fyrir kvennadeild í nýrri Land-
spítalabyggingu en að mati Jens A. Guð-
mundssonar, yfirlæknis kvenlækninga á
Landspítala, er húsnæði starfseminnar
alltof þröngt og krefst verulegra úrbóta.
„Spítalinn leggur áherslu á aukna
göngudeildarþjónustu á kvennadeild en
því fylgir engan veginn viðunandi hús-
næði. Hér eru öll skoðunarherbergi yfir-
bókuð og löng bið á göngudeild. Einbýli á
legudeild eru fá fyrir veikt fólk og aðstaða
til að taka á móti aðstandendum óviðun-
andi.“
Húsnæði kvennadeildar var byggt árið
1974 fyrir fé úr landssöfnun kvenna en
sumarið 2009 var helmingur fæðingar-
deildar tekinn í gegn. Eftir stendur hálfur
gangur sem áður var vökudeild en hann
nýtist starfseminni illa, meðal annars
vegna þess að sjúklingarúm komast ekki
inn um dyrnar. Á kvenlækningadeild hafa
ekki verið gerðar endurbætur í mörg ár.
Ekki bara hagræðing
Kvenlækningadeildin veitir þjónustu við
konur á fyrstu þremur mánuðum með-
göngu og þær sem glíma við kvensjúk-
dóma og krabbamein í kvenlíffærum. Í
eitt og hálft ár hefur deildinni verið lokað
um helgar í sparnaðarskyni. „Afleiðing-
arnar eru miklu lakari þjónusta við konur
með bráðatilfelli, svo sem utanlegsfóstur,
eggjaleiðarabólgur eða sprungnar blöðrur
á eggjastokkum. Nú þurfa konur að bíða
lengur eftir þjónustunni nema um mjög
alvarlegt ástand sé að ræða. Áður var
hægt að veita hraðari og betri þjónustu
um helgar,“ segir Jens og bendir á að jafn-
vel þótt náðst hafi góður sparnaður með
helgarlokun hafi það líka valdið óhagræði.
„Þetta skapar vandamál fyrir sjúklinga
sem við þurfum þá að útskrifa fyrr en
ella eða flytja á aðrar deildir Landspítala.
Slíkt veldur miklu raski og skapar aukna
vinnu því best er auðvitað að hafa sam-
fellda þjónustu á sömu deild. En auðvitað
stefnum við fólki ekki í hættu.“
Verri nýting skurðstofa
Jens segir að með helgarlokun sé nýting
skurðstofa einnig takmörkuð. Flóknar
aðgerðir séu framkvæmdar fyrripart vik-
unnar svo að sjúklingarnir geti útskrifast
fyrir helgi. Seinnipart vikunnar sé hægt
að gera miklu færri aðgerðir. Á skurðstof-
um kvenlækninga eru gerðar yfir 2.000
kvenækningaaðgerðir á ári, en stór hluti
þeirra fer fram með kviðsjártækni sem
krefst dýrs tæknibúnaðar.
Einnig eru langflestar fóstureyðingar á
landinu gerðar á kvenlækningadeildinni.
Jens telur mesta þörf á endurnýjun
á mikilvægum tækjabúnaði, bæði fyrir
göngudeildarþjónustu og skurðstofur.
„Ómskoðunartækin hér eru af ódýrustu
gerð og þau eru orðin gömul. Við þurfum
nauðsynlega betri myndgæði til að geta
gert nákvæmari sjúkdómsgreiningar í
grindarholi kvenna. Þessi tæki eru eins og
hægri hönd læknisins í dag,“ segir Jens og
bendir á að enginn þrívíddarsónar sé til á
kvenlækningadeild en hann sé nauðsyn-
legur fyrir valin tilfelli þótt hann þurfi
ekki að vera í stöðugri notkun.
Á kvenlækningadeild sé brýn þörf á
að minnsta kosti tveimur nýjum óm-
skoðunartækjum sem samtals kosta um
13 milljónir króna. Einnig bráðvantar nýtt
leghálsspeglunartæki sem notað er við
greiningu og meðferð frumubreytinga
og krabbameins í leghálsi, en slíkt tæki
kostar um fimm milljónir króna.
Þóra Tómasdóttir
ritstjorn@frettatiminn.is
Bráðatilfelli þurfa
að bíða um helgar
Innanbúðarfólk á kvenlækningadeild Landspítala – háskólasjúkrahúss er ugg-
andi yfir erfiðum aðstæðum. Jens A. Guðmundsson yfirlæknir segir meðal
annars að brýnt sé að deildin fái nýrri og fullkomnari tæki til afnota.
Fyrrverandi og núverandi starfsmenn kvenna-
deildar Landspítalans stofnuðu styrktarfélagið
Líf í árslok 2009 en þá höfðu sængurlegudeild
og meðgöngudeild nýlega verið sameinaðar í
sparnaðarskyni. Aðstandendur félagsins telja
nauðsynlegt að ráðast í meiriháttar úrbætur,
meðal annars á loftræstingu, rafmagni og vatns-
lögnum í húsinu og standa fyrir landssöfnun til
að ljúka við ókláraðar framkvæmdir. Í sjón-
varpsútsendingu á Stöð 2 hinn 4. mars verður
safnað fyrir tækjakaupum og stórbættri aðstöðu
á kvennadeild Landspítala – háskólasjúkrahúss.
Safnað fyrir tækjum
Jens A. Guðmundsson, yfirlæknir kvenlækninga á Landspítalanum. Ljósmynd/Hari
20 fréttir Helgin 25.-27. febrúar 2011