Prentarinn - 01.10.2001, Blaðsíða 13

Upphitun fyrir útivist í Ólafsfirði.
Fréttir
af félagsstarfi
í Ásprenti/POB
á Akureyri
Brunað niður brekku á
ruslapokum.
Raddböndin þanin á árshátíð.
I félagsstarfinu hjá okkur er ým-
islegt á döfinni en hápunktur árs-
ins er að sjálfsögðu árshátíðin
okkar. Það er orðið að vana und-
anfarin ár að hún er haldin ein-
hvers staðar í nágrannabyggðar-
lögunum (Húsavík, Mývatnssveit
og nú síðast í Ólafsfirði). Flestir
fara með rútu frá Akureyri á
fostudagskvöld og gista tvær næt-
ur, nokkrir koma á laugardag á
einkabílum.
Síðasta árshátíð var haldin í
mars, í Ólafsfirði eins og áður
sagði. Gist var á hótelinu og í
bjálkahúsum sem tilheyra því. Var
vistin í húsunum held-
ur köld og vindasöm
en þó bætti úr skák að
þar voru heitir pottar
sem voru óspart notað-
ir. Veðurspá var ekki
sem best og aðfaranótt
laugardags var frekar
slæmt veður. Það rætt-
ist þó úr því með
morgninum og dagskrá
laugardagsins fór ekki
mikið úr skorðum. Hún hófst með
upphitunaræfingum fýrir utan
hótelið og síðan var gengið um
bæinn undir leiðsögn heima-
manns. Að því loknu renndi fólk
sér á ruslapokum og hélt síðan út
á Ólafsfjarðarvatn, þar sem reynt
var að dorga (með litlum árangri).
Einnig dró vélsleði fólk á slöng-
um við mikinn fognuð. Síðan var
dagskrá í íþróttahúsinu.
Um kvöldið var svo aðalhátíðin
með frábærum mat, heimatilbún-
um skemmtiatriðum og dansi og
söng fram eftir nóttu en úti geis-
aði norðlensk stórhríð. Daginn
eftir var svo haldið
heim.
En við gerum fleira
en að skemmta okkur.
Síðastliðið vor settust
12 manns úr bókbands-
deild fyrirtækisins á
skólabekk í Verk-
menntaskólanum, sóttu
þar tölvunámskeið í
þrjár vikur.
Erwn við ekki sœtar?
Veiðisögur sagðar með tilþrifum.
Skemmtinefndin að störfum.
Margir stunda líkamsrækt á
hinum ýmsu stöðvum í bænum.
Kostnaður er ekki mikill þar sem
atvinnurekandinn greiðir niður að
hluta til og að sjálfsögðu einnig
Félag bókagerðarntanna.
I fyrirtækinu er einnig æfð inn-
anhússknattspyrna einu sinni í
viku frammi á Hrafnagili. Þar er
heitur pottur sem farið er i eftir
æfingar og er mjög vinsæll. Liðið
okkar tók þátt í mótinu sem FBM
hélt í vetur en komst þó ekki á
verðlaunapall. Skrýtið, við vorum
viss um að þeir væru bestir!
Um miðjan ágúst héldum við
grillveislu inni í Kjarnaskógi.
Þátttaka var mjög góð, um 50
manns, börn og fúllorðnir sem
borðuðu og skemmtu sér saman.
Skralli trúður mætti á svæðið,
börnunum til óblandinnar ánægju.
Seinna um kvöldið var svo sungið
fullum hálsi við gítarundirleik.
F.h. Starfsmannafélags
Asprents/POB Akureyri
(skammstafað SÁPA),
Asdís Ivarsdóttir.
Tenórarnir þrír.
Fólk þurfti að hlýja sér
í pottunum.
PRENTARINN ■ 13