Prentarinn - 01.10.2001, Síða 14

Félag bókagerðarmanna
og Félag grafískra teikn-
ara gera með sér samning
um að Félag grafískra
teiknara sameinist Félagi
bókagerðarmanna.
1. gr. Sameining félaganna fari
fram 1. janúar 2002 og frá þeim
degi taki Félag bókagerðarmanna
við öllum eignum, réttindum og
skyldum Félags grafískra teiknara
eins og nánar er kveðið á um í
stofnsamningi þessum. FGT
verði frá þeim tíma sjálfstæð
deild innan FBM. Markmið sam-
einingarinnar er að tryggja öryggi
og réttindi félagsmanna í sam-
ræmi við tilgang félagsins sam-
kvæmt nýjum lögum þess.
2. gr. Sameiginleg skrifstofa fé-
lagsins taki til starfa 1. júní 2001
að Hverfisgötu 21, Reykjavík.
Skrifstofan mun annast alla inn-
heimtu félagsgjalda og annarra
gjalda og sér FBM um allar
skuldbindingar og útgjöld er
fylgja rekstrinum frá þeim tíma.
3. gr. Við sameiningu félag-
anna 1. janúar 2002 verða félags-
menn FGT fullgildir félagsmenn í
FBM og öðlast öll réttindi í sjóð-
um FBM, sjúkrasjóði, fræðslu-
sjóði, prenttæknisjóði og orlofs-
sjóði, eftir því sem kveðið er á
um í reglugerðum einstakra sjóða.
Við mat á réttindum félagsmanna
FGT í einstökum sjóðum FBM,
sé tekið mið af greiðslum félags-
gjalda til FBM frá 1. júní 2001,
sbr. 2. gr.
4. gr. Félagsmenn FGT fá við
inngöngu í FBM fulla aðild að or-
lofssjóði og orlofsaðstöðu FBM.
Félagsmönnum FGT verði reikn-
aðir 12 orlofspunktar íyrir hvert
félagsár þeirra í FGT, þó að há-
rnarki 120 punkta. FGT greiði
sérstakt framlag í orlofssjóð
vegna þessa, kr. 350.000.
5. gr. Stofnfundur hins samein-
aða félags verði haldinn 22. sept-
ember 2001. Hann verði opinn
öllum félagsmönnum eldri félag-
anna. Frá og með 1. janúar 2002
og þar til ný stjórn hefur verið
kosin fyrir hið sameinaða félag og
tekið við á aðalfundi sem haldinn
verði fyrir apríllok 2002, skal for-
maður og varaformaður FGT sitja
stjórnar- og trúnaðarráðsfundi
með málffelsi og tillögurétti.
6. gr. Frá og með 1. janúar
2002 beri hið sameinaða félag
kostnað af öllum rekstri FGT,
nema kostnaði skv. 7. gr.
7. gr. FGT geri ársreikning á
hefðbundinn hátt fyrir árið 2001.
Skulu reikningar liggja frammi
undirritaðir og frágengnir eigi
síðar en í apríllok 2002. Félagið
ber sjálft kosmað við uppgjör og
endurskoðun.
8. gr. Hið sameinaða félag skal
starfa á grundvelli laga sem nefnd
skipuð laganefndum beggja félag-
anna hefur samið. Á stofnfundi
verða afgreidd ný lög fyrir
félagið.
Hrói höttur
Sæll vertu, Hrói höttur. Ég dái þig,
þú hafðir ást á smælingjum þinna daga.
Þú reist gegn okinu eins og það lagði sig,
með örvum og boga varð stórkostleg öll þín saga.
Ég sé þig í anda stökkva um skógarstig
með staf þinn reiddan til höggs í klettaskoru.
Þú fordæmið lagðir fyrir strák einsog mig,
sem fellur á prófi í reikningi öðru hvoru.
En unglingar vorra daga eru dáðlaus flón,
sem drekka, falla, yrkja, í sjoppur þeytast.
Þú finnst ekki, Hrói, lengur, né litli Jón,
já, ljótt er að vita, hve tímarnir óðum breytast.
Því fógetar okkar ferðast í bílum um allt,
og fölir unglingar skelfdir á þá blína.
Svo gengi heims okkar, Hrói, er ósköp valt,
þeir hafa ekki tekið sem alvöru köllun þína.
Því skorum við báðir, Hrói höttur og ég
á hvem, sem fylgist af alúð með þessu ljóði:
Fáðu þér boga og farðu svo út á veg,
og fógetann skjóttu niður með köldu blóði!
Ljóðið er eftir Björn Braga og birtist í bók hans
Dögg i Grasi sem kom út árið 1958.
Björn Bragi Magnússon var prentari, rithöfundur og skáld.
Hann lést af slysforum aðeins 23 ára að aldri.
14 ■ PRENTARINN