Læknablaðið - 15.08.1980, Side 6

170
LÆKNABLADID
Stjórn L.í. skal sjá um, að kandidatar í læknisfræði frá Háskóla íslands, svo og íslenzkir eða
erlendir ríksborgarar, sem tekið hafa kandidatspróf erlendis, en fá læknaréttindi á íslandi, fái lög
og siðareglur L.Í., svo að þeim sé Ijós tilvera félagsins, tilgangur þess og reglur, og réttindi þeirra
og skyldur í því sambandi.
7. gr.
Stjórn félagsins fer með málefni þess milli aðalfunda.
Aðildarfélög kjósa fulltrúa og varafulltrúa á aðalfundi sínum og tilkynna L.í. nöfn þeirra strax
að kosningu lokinni. Skulu þau jafnan senda fulltrúa á aðalfund L.í.
Hamli forföll, sem stjórnin tekur gild, er aðildarfélagi heimilt að fela umboð sitt lækni eða
læknum, búsettum utan félagssvæðisins; þó fer sami maður einungis með eitt atkvæði.
Félög með 15 félaga eða færri kjósa einn fulltrúa, en stærri félög einn fulltrúa fyrir hverja 15
félaga. Átta félagar umfram 15 eða margfeldi af 15 veitir auk þess rétt til fulltrúa. Jafnmargir
fulltrúar skulu kosnir til vara. Pó má ekkert eitt aðildarfélag kjósa fleiri fulltrúa en hin öll til
samans.
8. gr.
Á aðalfundi eiga sæti með málfrelsi, tillögurétti og atkvæðisrétti kjörnir fulltrúar samkvæmt 7.
grein. Varafulltrúar eiga rétt til fundarsetu með málfrelsi og tillögurétti, svo og kjörinn fulltrúi
frá Félagi ungra lækna, óski það félag þess. Á fundinum eiga og sæti stjórnarmenn L.Í., þó að
þeir hafi ekki verið kosnir fulltrúar svæðafélags síns, og hafa þeir málfrelsi og tillögurétt.
Aðalfund skal halda ár hvert á tímabilinu júní-september. Stjórnin getur kvatt til aukafundar,
ef hún telur þess þörf.
Stjórnin boðar til aðalfundar með dagskrá með minnst tveggja mánaða fyrirvara. Eftirtalin
gögn skulu send aðildarfélögum minnst einum mánuði fyrir aðalfund:
1. Skýrsla stjórnar.
2. Tillögur til lagabreytinga.
3. Mál frá svæðafélögum, sem þau óska að leggja fyrir aðalfund.
4. Tillögur stjórnar um stjórnarkjör.
Formaður tilnefnir fundarstjóra og fundarritara. Fundur er lögmætur, ef hann er löglega
boðaður. Einfaldur meirihluti atkvæða ræður úrslitum, nema öðruvísi sé ákveðið í lögum
þessum.
Samþykktir aðalfundar eru bindandi fyrir aðildarfélögin. Skjóta skal úrslitum mála á
aðalfundi til skriflegrar atkvæðagreiðslu allra félagsmanna, ef 2/5 hlutar mættra fulltrúa óska
þess. Við slíka atkvæðagreiðslu ræður afl atkvæða. Úrslit hennar hnekkja því aðeins ályktun
aðalfundar, að a.m.k. 60 % félagsmanna hafi tekið þátt í atkvæðagreiðslunni.
Stjórninni er heimilt að veita öðrum félagsmönnum en fulltrúum og varafulltrúum leyfi til
fundarsetu með málfrelsi og tillögurétti. Henni er og heimilt að leyfa eða bjóða utanfélagsmönn-
um fundarsetu og þátttöku í umræðum, þegar sérstakar ástæður gera slíkt æskilegt.
9. gr.
Aðalfundur kýs fimm manna stjórn úr hópi félagsmanna til tveggja ára: Formann, ritara,
varaformann, féhirði og einn meðstjórnanda. Skulu þeir vera frá a.m.k. tveim svæðafélögum. t>á
skulu kosnir þrír varamenn og einn endurskoðandi úr hópi félagsmanna.
Stjórnarkosning er skrifleg, óski einhver fundarmanna þess, og skal hver stjórnarmaður
kosinn sérstaklega. Pó má kjósa alla varamenn í einu. Verði atkvæði jöfn við stjórnarkjör, skal
hlutkesti ráða.
10. gr.
Stjórn hvers aðildarfélags skal senda stjórn L.í. ársskýrslu sína ásamt skrá yfir félaga minnst
mánuði fyrir aðalfund L.í.
Lög aðildarfélaga eru því aðeins gild, að þau hafi verið samþykkt af stjórn L.í.
Nú óskar aðildarfélag þess, að aðalfundur L.í. taki taki eitthvert mál til meðferðar, og skal þá