Læknablaðið - 15.08.1980, Page 15
LÆKNABLADIÐ
177
heimild til slíkra verka, svo og við starfsfólk
á læknastofum og heilsugæzlustöðvum. Þó
gildir petta ákvæði ekki í óvæntum og
skyndilegum kringumstæðum, t.d. við slys.
Lækni er óheimilt að leyfa nokkrum, sem
ekki hefur tilskylda kunnáttu, að fram-
kvæma eiginleg læknisverk í sinn stað, (sbr.
þó lög nr. 47/1932 gr. 4). Ekki má hann
heldur liðsinna neinum í því að villa heim-
ildir á lækningakunnáttu sinni.
5. Lækni hlýðir ekki að eiga hlut að áskorun-
um frá amenningi varðandi veitingu lækn-
isembættis eða til að hafa áhrif á ákvörðun
læknis um að setjast að á tilteknum stað,
hvort sem um er að ræða hann sjálfan eða
aðra. Verði læknir þess var, að slík áskorun
sé á döfinni, skal hann, ef um hann sjálfan
er að ræða, beita sér fyrir því, að slíkt verði
látið niður falla.
6. Heimilt er embættislausum lækni að setjast
að, hvar sem hann kýs, nema öðruvísi verði
ákveðið í landslögum eða lögum Læknafé-
lags íslands.
7. Lækni, sem ræður sig til læknisstarfa, ber
að gæta þess, að ráðning hans sé sam-
kvæmt samningi eða samþykktum, sem
Læknafélag íslands viðurkennir.
8. Læknir má ekki gefa kost á sér til stöðu, ef
stjórn Læknafélags íslands hefur ráðið
félagsmönnum frá að sækja um hana.
IV. Akvæði um Gerðardóm Codex Ethicus
Gerðardómur Codex Ethicus Læknafélags ís-
lands er áfrýjunardómstóll. Han tekur til
meðferðar ágreiningsmál, sem rísa milli lækna
og læknafélaga innbyrðis eða milli læknis/-
lækna og læknafélags, þar með talið Læknafé-
lag íslands, hafi slík mál gengið til siðanefndar
Læknafélags íslands (sbr. 20. gr. laga L. í.) og
úrskurði hennar sé síðan skotið til Gerðar-
dóms.
Öll erindi til Gerðardóms skal senda stjórn
Læknafélags íslands, sem kemur þeim á fram-
færi við formann Gerðardóms.
í Gerðardómi Codex Ethicus sitja fimm
menn. Þess skal óskað, að læknadeild Háskóla
íslands kjósi einn mann í dóminn til 4 ára í
senn, og sé hann formaður dómsins. Skorist
læknadeild uridan að tilnefna mann, skal hann
tilnefndur af stjórn Læknafélags íslands og
vera eftir sem áður formaður dómsins. Tvo
menn í dóminn kýs Læknafélag íslands á
hverjum aðalfundi til 2ja ára í senn, sinn hvort
árið, og skal annar þeirra vera héraðslæknir.
Þessir þrír menn nefnast »fastir dómarar«.
Auk þess kýs hvor málsaðili hverju sinni einn
lækni í dóminn, og skulu þeir vera félagar
Læknafélags íslands.
Varamenn skulu kosnir jafnmargir, með
sömu skilyrðum, af sömu aðilum.
Fari málsaðili fram á, að einum hinna föstu
dómara sé rutt úr dómnum, á hann rétt á, að
það sé gert. Skal þá varamaður þess dómara,
sem rutt var, taka sæti hans.
Nú lætur annar málsaðili eða báðir undir
höfuð leggjast að nefna mann í dóm, og skulu
þá hinir föstu dómarar tilnefna dómara fyrir
hans eða þeirra hönd.
Úrskurðum Gerðardóms verður ekki áfrýj-
að, en hann getur vísað frá sér þeim málum,
sem hann álítur sér óviðkomandi eða hann
telur, að vísa beri til almennra dómstóla.
Málsaðilar geta óskað, að mál sé tekið uþp að
nýju fyrir Gerðardómi, hafi þeir, eftir að
úrskurður Gerðardóms var kveðinn upp, feng-
ið upplýsingar eða heimildir, sem þeir telja, að
mundu hafa breytt þeim úrskurði, ef þær hefðu
legið fyrir, áður en hann var kveðinn upp.
Gerðardómur úrskurðar, hvort þessar nýju
upplýsingar séu þess eðlis, að þær séu grund-
völlur endurupptöku málsins.
Skylt er Gerðardómi að tryggja óvilhalla
úrskurði, svo sem framast er unnt. Hann skal
tryggja málsaðilum jafnræði til að leggja fram
gögn og túlka málstað sinn, svo og til að
kynna sér allt, sem varðar málavexti og
málsmeðferð. Ekki mega dómarar afla sér
gagna, sem máli skipta, nema þeir láti báðum
aðilum í té vitneskju um þau og gefi þeim
tækifæri til að tjá sig um þau, áður en dómur
gengur. Gerðardómur hefur rétt til að stefna
málsaðilum fyrir sig, enda geta þeir og krafizt
þess. Ferðir sínar í því sambandi kosta þeir
sjálfir, svo og annan málskostnað sinn, en
annan kostnað við dóminn, m.a. ferðakostnað
dómara, sem þurfa að takast ferð á hendur
vegna starfa í dómnum, greiðir Læknafélag
íslands.
Starfsreglur Gerðardóms Codex Ethicus
1. Formaður kallar saman dóm og stjórnar
fundum. Hann sér um, að málsaðilum séu