Dagblaðið Vísir - DV - 28.03.2007, Blaðsíða 11

DV Fréttir miðvikudagur 28. mars 2007 11
StórSkaðar heyrnina
að tengja hávaða á leikskólum beint
við ýmis hegðunarvandamál barna.
Hann segir mikilvægt að gera nauð-
synlegar úrbætur á aðbúnaði leik-
skóla hið allra fyrsta. „Rannsóknir
hafa ítrekað sýnt fram á samband há-
vaða og hegðunarvandamála. Nem-
endum sem líður illa, þeir eru ekki að
læra mikið. Við lítum of oft á börnin
sem vandamál og gefum þeim rital-
in og geðlyf í meira magni en þekkist
á byggðu bóli, í stað þess að byrja á
því að bæta allsendis ófullnægjandi
kennsluumhverfi,“ segir Ólafur.
Ingibjörg segir mikilvægt að dreg-
ið sé sem mest úr hávaða í kring-
um börn því hann geti skapað ýmis
vandamál. „Hávaði hefur áhrif á
hegðun og athygli barna. Hann get-
ur valdið streitu- og einbeitingarörð-
ugleikum og losun á streituvaldandi
hormónum hjá börnum. Einnig get-
ur hávaði valdið svefntruflunum og
jafnvel vaxtarseinkun barna,“ segir
Ingibjörg.
Mögulegar
afleiðingar hávaða:
n Hátíðniheyrnartap
n Erfitt að greina samhljóða í tali
n Suð fyrir eyrum
n Svefntruflanir
n Vaxtarseinkun
n Hegðunarvandamál
n Námsörðugleikar
n Streita
n Einbeitingaleysi
n Aukinn hjartsláttur
n Æðasamdráttur
n Útvíkkun augasteina
n Höfuðverkur
n Vöðvarsamdráttur
n Myndun adrenalins
500 búnir að
kjóSa um álver
Mikil aðsókn hefur verið í atkvæðagreiðslu utan kjörfundar í
Hafnarfirði vegna kosninganna um stækkun álversins. Útlit er
fyrir að kjörsóknin utan kjörfundar verði litlu minni en fyrir bæj-
arstjórnarkosningar í fyrra.
„Það hafa um fimm hundruð manns
nú þegar kosið utan kjörfundar í
Hafnarfirði,“ sagði Auður Þorkels-
dóttir, ritari bæjarstjóra Hafnar-
fjarðarbæjar, í samtali við DV í gær.
Að sögn Auðar er búist við að um
þúsund manns muni nýta sér utan-
kjörfundaratkvæðagreiðslu. Kosið
er á bæjarskrifstofunni við Strand-
götu og er hún opin frá níu til fjög-
ur í dag miðvikudag og föstudag, auk
þess sem opið verður frá níu til sjö á
fimmtudag.
Á annað þúsund manns greiddu
atkvæði utan kjörfundar fyrir bæjar-
stjórnarkosningarnar í Hafnarfirði á
síðasta ári. Því er útlit fyrir að aðsókn
í atkvæðagreiðsluna utan kjörfundar
nú verði litlu minni en þá.
Nær 17 þúsund á kjörskrá
Almenn kosning hefst á laugar-
daginn kemur og mun standa frá
klukkan tíu til sjö. Kosning fer fram
á þremur kjörstöðum, Víðistaða-
skóla, Áslandsskóla og íþróttahúsinu
við Strandgötu. Kosið verður með
venjulegum atkvæðaseðlum þar
sem kjósandi velur á milli þess að
vera fylgjandi eða andvígur stækk-
unar álversins í Straumsvík. Þeir sem
vilja ganga úr skugga um hvort þeir
séu á kjörskrá geta farið á heimasíðu
Hafnarfjarðarbæjar, www.hafnar-
fjordur.is, og slegið þar inn kennitölu
sinni og séð hvort hún sé á kjörskrá.
Í almennu kosningunni mun kjör-
skráin verða rafræn sem gerir það
að verkum að Hafnfirðingum býðst
að kjósa á þeim kjörstað sem þeim
hentar óháð búsetu. Að sögn Rutar
eru 16.648 manns á kjörskrá og vildi
hún nota tækifærið og benda fólki á
að taka með sér skilríki á kjörstað.
Töluverð spenna
Töluverðrar spennu gætir í Hafn-
arfirði fyrir komandi kosningar og
hafa skoðanakannanir sýnt að bærinn
er meira og minna klofinn í afstöðu
sinni hvort leyfa skuli stækkun álvers-
ins. DV fór á stúfana í miðbænum og
spurði fólk með kosningarétt á öll-
um aldri um afstöðu sína. Niðurstöð-
urnar styðja fyrri kannanir. Tíu voru
spurðir, fjórir voru fylgjandi stækkun,
fjórir á móti og tveir voru óákveðnir.
Mikil harka er í kosningabaráttunni.
Þannig mátti lesa í DV í gær lýsing-
ar Inga B. Rútssonar, formanns Hags
Hafnarfjarðar, á því hvernig and-
stæðingar stækkunar hefðu veist að
sjálfboðaliðum sem hvetja fólk til að
greiða atkvæði með stækkun. Þá hafa
fánaborgir sem Hagur Hafnarfjarð-
ar settu upp verið kærðar til lögreglu.
Ástæðan er sú að ekki fékkst leyfi frá
bæjaryfirvöldum áður en fánaborg-
irnar voru settar upp.
blaðamaður skrifar: skorri@dv.is
Skorri GíSlASoN
Utankjörfundar-
kosning á bæjar-
skrifstofunni 16.648
Hafnfirðingar eru á
kjörskrá
Hvað kýst þú
á laugardaginn?
„Ég mun kjósa
gegn álveri, alveg
á hreinu“.
Björn Benedikt
Guðnason,
þroskaþjálfi.
„Ég hef enn ekki
ákveðið mig.“
Berglind
Guðjónsdóttir,
nemi.
„Ég vill álverið,
það er ekki um
annað að ræða.“
Guðmundur
Árnason,
fyrrverandi
bankamaður.
„algerlega
á móti álveri.“
íris Huld
Christersdóttir,
háskólanemi.
„Ég styð álver“.
kristján
Ólafsson,
leigubílstjóri.
„Ég verð að kjósa
með álveri. maður-
inn minn vinnur hjá
fyrirtæki sem vinn-
ur fyrir álverið.“
Eva Strizowa,
píanókennari.
„Ég er ekki búinn
að ákveða hvað ég
ætla að kjósa.“
Jóhann
Harðarson,
smiður.
„Ég er á móti
stækkun.“
Guðrún
ragnarsdóttir,
bókhaldari.
„Töluverðrar spennu
gætir í Hafnarfirði
fyrir komandi kosn-
ingar og hafa skoð-
anakannanir sýnt
að bærinn er meira
og minna klofinn í
afstöðu sinni hvort
leyfa skuli stækkun
álversins.“