Kópavogur - 24.05.2013, Page 4
4 24. maí 2013
Smáralind í Kópavogi – stöðugt vaxandi straumur viðskiptavina eftir hrun:
Um 600 í manns í vinnu á hverjum tíma
-áætlanir gera ráð fyrir að á fimmtu milljón heimsókna á þessu ári
Þegar verslunarmiðstöðin Smára-lind í Kópavogi var í byggingu spurðu margir sig að því hvort
þörf væri á öllu þessu verslunarrými
á höfuðborgarsvæðinu til viðbótar
við það sem fyrir var. Kringlan var
þá risin, opnaði 13. ágúst 1987 og var
tæplega 50. 000 fermetar og var fyrsta
verslunarmiðstöð sinnar tegundar á
Íslandi. Síðar sameinaðist hún Borg-
arkringlunni og telur Kringlan því
samtals í dag um 53 þúsund fermetra
með um 170 verslanir.
Smáralind, sem opnaði með eftir-
minnilegum hætti 10:10 10. 10. ́ 01, er
enn stærri eða um 63. 000 fermetrar og
hugmyndafræðin er e. t. v. ekki alveg
sú sama. Kringlan keyrir á smærri og
fleiri verslunum, Smáralindin á stærri
en heldur færri verslunum en auk þess
er rými fyrir allskyns uppákomur.
Bæjarblaðið KÓPAVOGUR ræddi á
dögunum við Sturla Gunnar Eðvarðs-
son framkvæmdastjóra Smáralindar
um stöðu verslunar í dag, eftir allt það
sem á undan er gengið. Það er að segja
efnahagshrun, skuldavanda heim-
ila, lágt gengi krónunnar, samdrátt í
einkaneyslu og fleira í þessum dúr. Það
er engan bilbug á Sturlu að finna.
Talning gesta
á hverjum degi
„Auðvitað fundum við fyrir hruninu
eins og aðrir en hér hefur ekki verið
afskrifuð ein króna af þessari verslun-
armiðstöð eins og svo víða hefur verið
gert“ segir hann ákveðinn og vill meina
að nú sé klárlega viðsnúningur að verða
í versluninni og hann sé jafnvel þegar
orðinn. „Það er talið inn í Smáralind
daglega og í þeim talningum kemur
bersýnilega í ljós að það hefur verið
jafn og góður stígandi í aukningu gesta
inn í Smáralind frá hruni. Ef við lesum
í þróunina frá hruni má ætla að í ár
komi að líkindum um 4,2 milljónir
gesta í Smáralind sem er auðvitað
ánægjuefni“. Sturla segir staðsetn-
ingu Smáralindar gefa henni sérstaka
stöðu á öllu höfuðborgarsvæðinu, en
Smáralindarsvæðið sé miðdepill höf-
uðborgarsvæðisins.
„Staðan hjá okkur er sú að vissulega
hafa orðið breytingar í verslunarflór-
unni, margar verslanir hafa horfið á
braut en aðrar komið í staðinn. Til-
fellið er að það eru engin verslunar- eða
veitingarými laus í húsinu um þessar
mundir og eftispurn eftir lausum
rýmum er mikil. En þegar og ef losnar
þarf alltaf að fara gætilega og velja vel.
Við gerum miklar kröfur, allra vegna
ekki síst þegar horft er til viðskiptavin-
anna“ segir Sturla.
Opnunartími og vöruverð
Nokkur umræða hefur verið um opn-
unartíma verslana og tengsl þess við
vöruverð. Sturla segir að opnunartím-
inn helgist ekki síst af því hvenær fólk
vilji versla.
„Það er ekkert nema eðlilegt að
menn velti þessu fyrir sér“ segir Sturla.
Hann bendir þó á að markaðurinn ráði
og menn verði að vera samkeppnisfærir
annars gangi ekki vel. „Helgarnar hafa
alltaf verið mjög sterkar í heimsóknum
frá opnun Smáralindar og það liggur
nærri að frá föstudegi til sunnudags
komi um 60% af heildargestafjölda vik-
unnar, sem er stærð sem skiptir máli.
Og í þessu sambandi er nauðsynlegt að
að halda því til haga að Smáralind veitir
að jafnaði milli 5-600 manns vinnu
og ef verslunarfólk þarf eða vill frí um
helgar er það almennt ekki vandamál.
Fjöldinn allur af frambærilegu ungu
skólafólki sækist eftir að fá helgar- og
kvöldvinnu og það léttir auðvitað á
fastafólkinu“.
Verslunarferðir til útlanda
alltaf vinsælar og verða
það áfram
En lítandi á það að oft heyrir maður
fréttir af fólki leita til útlanda í inn-
kaupaferðir. Er verslun á Íslandi
samkeppnisfær við útlönd eða hvað
skýrir þessa sókn í verslunarferðir til
annara landa?
„Fyrir það fyrsta leggjum við
áherslu á að menn versli í heimabyggð.
Allt annað grefur undan versluninni
hér heima. Verslunarferðir til útlanda
hafa á hinn bóginn reyndar alltaf verið
mjög vinsælar hjá Íslendingum og þá
sérstaklega á haustin. Fólk verður að
átta sig á því að það er ólíku saman að
jafna í verðlagningu á fatnaði bæði í
tollum og virðisaukaskatti ekki síst ef
við berum okkur saman við t. d Banda-
ríkin og við það ráðum við ekki og
þannig er það einfaldlega og ég vona
að fólk átti sig á þeim staðreyndum“
segir Sturla.
Verslanir á Laugavegi
vilja í Smáralind
En er það tilfinning Sturla að Ís-
lendingar sækist í vaxandi mæli eftir
að versla í stórum verslunarkjörnum
frekar en t. d. á Laugaveginum? Eða
eru e. t. v. þessir stóru verslunarkjarnar
hrein viðbót við verslunina í landinu?
„Það hefur sýnt sig og ég hef fundið
fyrir því að það hefur verið vaxandi
áhugi á að versla í Smáralind. Okkur
berast reglulega óskir frá rekstaraðilum
að fá leigt verslunarpláss í Smáralind og
oft á tíðum eru það verslanir á Laugar-
vegi eða af jaðarverslunarsvæðum höf-
uðborgarsvæðisins. Þetta segir e. t. v
einhverja sögu um hvernig verslun er
að breytast smátt og smátt. Í Smáralind
geta menn gert öll sín innkaup á einum
stað. Hún er miðlæg, veður skiptir
minna máli og bílastæði eru rúmgóð
og ávallt næg sem menn greiða ekki
sérstaklega fyrir. Allt eru þetta þættir
sem án efa skipta máli þegar horft er til
þess hvar menn vilja versla“ segir Sturla
Gunnar Eðvarðsson framkvæmdastjóri
Smáralindar að lokum.
Kópavogur
4. TBL. 1. ÁrgaNgur 2013
Útgefandi: Fótspor ehf. Ábyrgðarmaður: Ámundi Ámundason, sími: 824 2466, netfang:
amundi@fotspor.is. framkvæmdastjóri: Ámundi Steinar Ámundason, netfang: as@fotspor.is.
auglýsingastjóri: Ámundi Ámundason, Suðurlandsbraut 54, 108 Reykjavík. Auglýsingasími
578 1190, netfang: auglysingar@fotspor.is. Ritstjórar: Hólmfríður Þórisdóttir, sími 699
0450, netfang: holmfridur@vedurehf.is, Sigurður Þ Ragnarsson netfang: sigurdur@vedurehf.
is, Ljósmyndari: Þórir Snær Sigurðarson, sími 615 2049 og Þórður Ingi Bjarnason, sími 822
0068. Blaðamenn: Linda Hrönn Þórisdóttir, Þórir Snær Sigurðarson. Veffang: fotspor.is,
Umbrot: Prentsnið, Prentun: Ísafoldarprentsmiðja, 11.000 eintök. dreifing: Póstdreifing.
Fríblaðinu er dreiFt í 11.000 e intökum í allar íbúðir í kópavogi
Ný ríkisstjórn tók við völdum á fimmtudag. Nýir forystumenn þjóðar-innar boða nýja tíma og nýjar aðferðir. Þorri almennings er þeirrar skoðunar að vinnubrögð þau sem stunduð hafa verið á Alþingi séu
ekki boðleg, auka þurfi skilvirkni og samvinnu í stað andófs og átaka. Það sýna
skoðanakannanir berlega. Það hlýtur að leiða til betri árangurs að vinna að
lausnum saman en menn séu ekki að plotta hver í sínu reykfyllta bakherbergi
og vonandi verða þau kynslóðaskipti sem nú eru að verða í stjórnmálum til
þess að þau vinnubrögð verði ofaná.
Stjórnin nýja hefur ekki langan tíma til að sanna það fyrir þjóðinni að hún
ætli sannarlega að vinna að hag almennings. Þeim nýju herrum hlýtur að
vera ljóst að miklar væntingar eru til hennar gerðar, almenningi voru gefin
loforð í aðdraganda kosninga sem verður að efna hvað sem tautar og raular.
Þau loforð eru ástæðan fyrir því að Bjarni og Sigmundur standa í þessum
sporum í dag. Eftir allt talið um skjaldborgina sem brást og brostnar vonir
landsmanna um aðstoð frá stjórnvöldum til að rétta samfélagið úr kútnum á
ný þá er gríðarleg óþreyja eftir því að nú verði staðið við stóru orðin. Því er
það óskandi að gripið verði til aðgerða strax á sumarþingi í næsta mánuði og
tíminn nýttur vel til að koma nauðsynlegum bráðaaðgerðum í gang.
Þeir hafa 100 daga til að sanna sig og gangi þeim sem best að vinna að
markmiðum sínum.
Bæjarblaðið Kópavogur hefur hafið samstarf við Sögufélag Kópavogs um
birtingu á sögutengdum fróðleik um Kópavog. Þeir sem telja að svo ungt
sveitarfélag eigi sér enga eða ómerkilega sögu hafa heldur betur rangt fyrir
sér. Sagan er allt í kringum okkur en það þarf kraft og áhuga til að halda henni
á lofti og ekki síst að miðla henni til almennings. Þetta ætlum við að gera á
næstu vikum og mánuðum og byrjum á því að kynna félagið, starfsemi þess
og segjum einnig frá fyrsta skólanum í Kópavogi, Svarta skóla.
Lifið heil
Hólmfríður Þórisdóttir.
Þeir hafa 100 daga
Leiðari
Húðlæknastöðin með nýtt lasertæki
Húðlæknastöðin hefur tekið í notkun nýjan laser, „Vectus™
Laser“. Þetta lasertæki er viðbót við
þau sex lasertæki sem þegar eru fyrir
hjá Húðlæknastöðinni. Þau tæki eru
notuð við meðferð á ýmsum húð-
sjúkdómum, svo sem rósroða, örum,
óeðlilegum æðum í húð, æðaæxlum,
psoriasis, slæmu exemi, við skurð-
aðgerðir auk þess að vera nýtt til að
fjarlægja óæskileg líkamshár.
Nýja lasertækið er sérhannað til þess
að fjarlægja óæskileg líkamshár. Kostir
tækisins eru margir sé tækið borið
saman við eldri tæki. Árangur er betri
en þekktist með eldri tækjum. Einnig
er tækið mun hraðvirkara og er t. d.
hægt að meðhöndla bak hjá stórum
karlmanni í á nokkrum mínútum.
Tækið byggir á nýrri tækni þar sem
húðgerð einstaklingsins er mæld með
sérstöku tæki sem síðan sendir þráð-
laust allar stillingar beint í lasertækið.
Með þessu er tryggt að bestu stillingar
sem henta húð hvers einstaklings sem
hefur í för með sér hámarksárangur
auk þess sem öryggi er meira.
Hvað veistu um bæinn þinn eru laufléttar
spurningar um Kópavog og sögu hans. Ein
spurning birtist í hverju blaði og er svarið að
finna á blaðsíðu 12 í blaðinu.
Spurningin í þessu blaði er:
Af hverju er bæjarheitið Kópavogur dregið?
Hvað veiStu um bæinn þinn?
alltaf er vinsælt að slaka aðeins á og fá sér kaffitár í verslunarferðum.
Framkvæmdastjóri Smáralindar segir að opnunatíminn helgist af því hvenær fólk vill gera innkaup sín.