Selfoss - 11.04.2013, Blaðsíða 4

4 11. apríl 2013
Tilnefnið konur
Það verður ekki auðvelt verk að velja úr glæsilegum hópi ef Sunnlendingar taka sig til
og tilnefna í bókina góðu einhverj-
ar þeirra 1153 kvenna sem búa á
Suðurlandi í dag. Selfoss-Suðurland
hvetur lesendur til að senda upplýs-
ingar um konur af erlendum upp-
runa sem hafa opnað augu okkar
allra fyrir „ólíkum hugsunarhætti
og menningu“ og þannig auðgað
samfélagið. Munið að senda inn
tilkynningar fyrir 26. apríl nk.
Taflan sýnir hvar þessar 1153
konur búa og heildarfjölda kvenna
eftir sveitarfélögum á Suðurlandi:
Krónuskattur og skuldaskil
-leiðin að upptöku evru
Brýnustu úrlausnarefni stjórn-málanna snúa að skuldamál-um heimilanna og gjaldmið-
ilsmálum. Mestu skiptir að finna leið
til að mæta þeim sem keyptu í þensl-
unni miklu eftir 90% lánasprengj-
una og innrás bankanna á húsnæð-
islánamarkaðinn. Þessi hópur varð
fyrir forsendubresti og þarf að finna
færar leiðir til að koma til móts við
hann með sértækum aðgerðum sem
eru kostaðar með einskiptis skatti á
bankagróða og í gegnum samninga
við kröfuhafa.
Þrefalt hærri vextir af
húsnæðislánum á Íslandi
Hitt stóra málið lítur að lausn á því
tröllaukna vandamáli sem verðlítill,
verðtryggður gjaldmiðill í höftum er.
En með Íslandsálagi krónunnar borg-
um við tvær og hálfa íbúð á lánstíma
á meðan húsnæðiskaupendur á evru-
svæðinu borga rúmlega eina.
Í skýrslu Viðskiptaráðs kemur fram
að lántökukostnaður íslenska ríkisins
er að meðaltali 4,5% hærri en í sam-
anburðarríkjum árin 1995 til 2012.
Þetta er hið svonefnda »Íslandsálag«
sem við þurfum að borga umfram
aðrar þjóðir með gjaldmiðlinum okk-
ar á skuldir allra heimila, fyrirtækja og
hins opinbera. Viðskiptaráð mat það
svo, að »Íslandsálagið« gæti numið á
bilinu 130 til 230 milljörðum króna
á hverju einasta ári.
Líklega er neðri talan afar varlega
áætluð því bara ríkið eitt og sér borgar
um 90 milljarða króna á ári í vexti af
erlendum lánum. Þá eru eftir vaxta-
greiðslur sveitarfélaganna sjötíu og
sjö, fyrirtækjanna okkar og tugþús-
unda heimila. Sérhvert prósentustig
í lægri vexti einungis af skuldum
ríkissjóðs getur skilað okkur 14-15
milljörðum á ári. Ef Ísland fengi að
borga Evrópuvexti myndi það spara
ríkissjóði um 60 milljarða króna á
ári. Það eru raunverulegir fjármunir.
Alþýðusamband Íslands kemst að
svipaðri niðurstöðu varðandi »Ís-
landsálagið«. Þeirra útreikningar frá
því fyrir rúmu ári sýndu að vextir af
nýjum húsnæðislánum hér á Íslandi
hafa verið tæplega þrefalt hærri en
að meðaltali á evrusvæðinu. - Þrefalt
hærri!
Strax í upphafi
aðildarferlisins að EB
munum við njóta ávinnings
ASÍ segir að ef Íslendingar fengju að
borga meðaltalsvexti á evrusvæðinu
myndi það spara íslenskum heimilum
um 117 milljarða króna á ári. Það
jafngildir að meðaltali 17% hækkun
ráðstöfunartekna. Þetta undirstrikar
enn frekar að skuldamál heimilanna
eru nátengd gjaldmiðilsmálunum.
Staðreyndin er sú, að krónan er
þyngsti skatturinn.
Hver er því raunhæfa leiðin að
upptöku evru og þar með varanlegri
lausn á þeirri ógn við efnahagslegt
fullveldi landsins sem agnarsmár
gjaldmiðillinn er? Þetta er það sem
kosningarnar í vor þurfa einnig að
snúast um og svör við því í stað blekk-
ingarleiks og yfirboða sem ekki er
hægt að standa við.
Í aðdraganda kosninganna 2009
boðaði Sjálfstæðisflokkurinn“ leið að
upptöku evru" með stuðningi AGS
og ESB. Hjáleið að myntbandalaginu
án aðildar að Evrópusambandinu
sjálfu. Hugmyndin var ein margra
óraunhæfra um þægilega skyndilausn
á gjaldmiðilsmálum okkar, enda hef-
ur ekkert heyrst af henni síðan.
Upptaka evru í gegnum aðild að
ESB er eini valkosturinn við verð-
litla, verðtryggða krónu í höftum.
Það hefur ítrekað verið staðfest. Það
merkir hins vegar ekki að við þurfum
að bíða í mörg ár frá aðild þar til við
getum notið kosta myntbandalagsins.
Strax í upphafi aðildarferlisins
munum við njóta ávinnings. Því
er það blekking að við njótum ekki
ávinnings að evrunni fyrr en mörgum
árum eftir aðild. Staðreyndin er sú að
við gerum það strax.
Um leið og við tökum skýra
ákvörðun í þjóðaratkvæðagreiðslu
um aðild breytist staða okkar og
staða krónunnar. Skyndilega munu
erlendir krónueigendur vilja halda
í krónurnar sínar, því þær munu í
fyllingu tímans breytast í evrur. Sá
mikli þrýstingur sem nú er á gengi
krónunnar vegna vilja útlendinga
til að skipta krónum fyrir gjaldeyri
mun minnka og afnám hafta verða
auðveldara.
Að tryggja íslensku launafólki
öruggt umhverfi
Næsta skref verður svo að Ísland
kemst inn í myntsamstarf aðildarríkj-
anna, ERM II. Um leið og það gerist
mun krónan njóta stuðningsum-
gjarðar af hálfu Seðlabanka Evrópu
og enn frekari ávinningur peningalegs
stöðugleika koma í ljós. Verðbólgan
verður þá minni og við getum hafist
handa um að létta verðtryggingaroki
húsnæðislánanna af landsmönnum.
Sú skipti yrðu möguleg með
skiptiútboði þar sem útistandandi
skuldabréfum Íbúðalánasjóðs og
annarra lánveitenda yrði skipt fyr-
ir evrubréf með föstum vöxtum án
verðtryggingar. Í kjölfarið væri hægt
að breyta lánskjörum almennings til
samræmis við það.
Mikið liggur við að stöðva verð-
bólguna og aftengja vítahring verð-
tryggingarinnar. Veik staða krónunn-
ar, verðbólgan og verðtryggingin eru
að fara langt með að eyða eignum
heimilanna. Hægt er, með aðildinni
að EMRII, að losa lántakendur við
verðtrygginguna strax á fyrsta ári
ESB-aðildar og lenda varanlegri lausn
á þeirri ógn við efnahagslegt sjálf-
stæði landsins sem felst í veikburða
peningakerfi.
Þetta er raunhæf leið að upptöku
evru, afnámi verðtryggingar og við-
varandi lágum vöxtum sem er eitt
brýnasta verkefni jafnaðarmanna,
að tryggja íslensku launafólki öruggt
umhverfi og lífskjör á pari við það
sem best gerist.
Björgvin G. Sigurðsson, þingmað-
ur Samfylkingarinnar.
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. auglýsingastjóri: Ámundi Ámundason, Suðurlandsbraut
54, 108 Reykjavík. Auglýsingasími 578 1190, netfang: auglysingar@fotspor.is. Ritstjóri:
Þorlákur Helgi Helgason, netfang: torlakur@fotspor.is Myndir: ÞHH og ýmsir aðrir.
Umbrot: Prentsnið, Prentun: Ísafoldarprentsmiðja, 9.500 eintök. dreifing: Íslandspóstur
Fríblaðinu er dreiFt í 9.500 eintökum á öll heimili á suðurlandi.
SELFOSS
7. TBL. 2. ÁRGANGUR 2013
Selfoss inn á hvert heimili!
Innflytjendur eftir kyni og sveitarfélagi 1. janúar 2013
Konur á Suðurlandi Inn-flytjendur Alls
Sveitarfélagið Hornafjörður 86 1027
Vestmannaeyjar 116 2031
Sveitarfélagið Árborg 239 3860
Mýrdalshreppur 24 211
Skaftárhreppur 9 213
Ásahreppur 8 100
Rangárþing eystra 124 830
Rangárþing ytra 96 761
Hrunamannahreppur 62 369
Hveragerði 73 1115
Sveitarfélagið Ölfus 175 904
Grímsnes- og Grafningshreppur 31 199
Skeiða- og Gnúpverjahreppur 29 247
Bláskógabyggð 50 450
Flóahreppur 31 301
Alls 1153 12618
Innflytjendur, fyrsta og önnur kynslóð (Heimild: Hagstofa Íslands)
„Þær auðga íslenska
menningu og samfélag“
1153 konur af erlendum uppruna eru búsettar á Suðurlandi
„Framlag þeirra fjölmörgu kvenna sem hafa af ýmsum ástæðum kosið að gera Ísland
að heimili sínu er ómetanlegt. Bú-
seta kvenna af erlendum uppruna á
Íslandi auðgar íslenska menningu
og samfélag, opnar augu fólks fyrir
ólíkum hugsunarhætti og menningu
og skapar nýja möguleika í annars
nokkuð einsleitu samfélagi,“ segir
Kristín R. Vilhjálmsdóttir, sem er
ein af þeim konum sem standa að
baki verkefninu. Auk hennar eru
þrjár konur af íslenskum og er-
lendum uppruna Ania Wozniczka,
Kristín Viðarsdóttir og Letetia B.
Jónsson. Þær eru í samvinnu við
Söguhring kvenna, sem er samstarfs-
verkefni Borgarbókasafns Reykjavík-
ur og Samtaka kvenna af erlendum
uppruna.
Skorað er á fólk að tilnefna konur
af erlendum uppruna sem hafa lagt
sitt að mörkum til íslensks samfélags.
Með framlagi til íslensks samfélags
er átt við hvers konar jákvæð áhrif á
umhverfi sitt, hvort sem er nánasta
umhverfi (svo sem á vinnustað, í
tilteknum hópi eða nærumhverfi),
eða í stærra samhengi.
Verkefnið miðar að því að gera
framlag kvenna af erlendum upp-
runa til íslenskrar menningar og
samfélags sýnilegt. Gefin verður út
viðtalsbók um þátttöku fjölda er-
lendra kvenna í íslensku samfélagi
og samhliða útgáfu hennar verður
sett upp ljósmyndasýning og vefur.
Tilnefna þarf konurnar fyrir 26.
apríl. Hægt er að nálgast eyðublöð
á vef Borgarbókasafns Reykjavíkur,
www.borgarbokasafn.is
Einnig geta konur sem áhuga hafa
á að koma í viðtal boðið sig fram á
sama stað.
Upplýsingar og eyðublað á
íslensku: http://borgarboka-
safn. is/desktopdefault .aspx/
tabid-2880/4650_read-35309
Upplýsingar og eyðiblað á ensku:
http://borgarbokasafn.is/desktop-
default.aspx/tabid-3170/5093_read-
35311/
„Verkefnastjórnin fer yfir allar til-
nefningar og velur konur til viðtals,
meðal annars með tilliti til þess að
gefa sem breiðasta mynd. Það verður
því litið til aldurs, búsetu á Íslandi,
upprunalands og fleiri þátta. Við
munum einnig leita til nokkurra
kvenna sem hafa sérstaka þekkingu
á þessu málefni og fá þær til að fara
yfir tilnefningarnar með okkur til að
fá fleiri sjónarhorn,“ segir Kristín R.
Vilhjálmsdóttir.
Björgvin G. Sigurðsson.