Selfoss - 11.04.2013, Qupperneq 8

8 11. apríl 2013
Baráttan um Ísland
Slagurinn um íslensk heimili og lífskjör þjóðarinnar er hafinn. Síðustu vikurnar hafa verið
fréttir þess efnis að vogunarsjóðirnir
séu að reyna að koma gróða sínum
í skjól í boði Framtakssjóðs lífeyris-
sjóðanna og Landsbankans. Lífeyri-
sjóða landsmanna og heimila þeirra.
Samkvæmt þessum fréttum stefnir
í að heimilin verði skilin eftir með
stökkbreytt lán og atvinnulífið verði
áfram í lamasessi. Hver hefði trúað
því að ríkisstjórn á sínum síðustu
dögum, sama stjórn og samdi gjald-
þrot yfir þjóðina í Icesave málinu, sé
að vinna að því að færa skuldsettan
gjaldeyrisvarasjóð þjóðarinnar til
hrægammasjóðanna? Færa vogunar-
sjóðunum ofurhagnað sinn sem þeir
fengu með að innheimta 100% af
kröfum sem þeir keyptu á nokkur
prósent?
Tilfærslan
Á síðustu fjórum árum hafa yfir 400
milljarðar verið færðir frá heimil-
um landsmanna og til fjármálafyr-
irtækjanna. Hagnaður bankanna á
sömu árum hleypur á hundruðum
milljarða. Það er bæði sanngirn-
is- og réttlætismál að hluti þeirra
fjármuna verði – með einum eða
öðrum hætti - færður til baka til
fólksins í landinu – til heimilanna.
Það er stórkostlega varasamt að
nota framtíðar lífeyri landsmanna
til kaupa á bönkum sem að margra
mati eru alltof hátt verðmetnir. Að
færa heim erlendar eignir lífeyris-
sjóðanna til þess eins að færa vog-
unarsjóðunum dýrmætan gjaldeyri
sem átti að standa undir framtíðar
lífeyri landsmanna er glapræði.
Þetta verður að stöðva.
Hvernig á þjóð að endurheimta
krafta sína, byggja upp samfélagið
að nýju þegar stjórnvöld koma æ
ofan í æ í bakið á landsmönnum?
Nú þegar fullnaðarsigri er náð í
Icesave þá er reynt aftur að koma
fjármunum landsmanna úr landi
og skilja heimilin eftir með sín
stökkbreyttu lán. Sama fólkið og
var tilbúið að setja Icesaveklafann á
þjóðina stendur nú fyrir samskonar
verknaði.
Fyrir hverja er unnið
Samspil lífeyrissjóðanna, Lands-
bankans og ríkisvaldsins í gegnum
eignarhald á Landsbankanum með
aðstoð Seðlabankans eru þessa dag-
ana að setja sambærilegar byrðar
og Icesave-klyfjarnar á heimili og
landsmenn alla. Afleiðingin verður
að tækifæri til nauðsynlegra afskrifta
við nauðungarsamninga við vog-
unarsjóðina glatast. Hrægamma-
sjóðirnir með aðstoð þessara aðila
ná að koma ofurgróða sínum í skjól
– afleiðingin mun leiða til lakari
lífskjara almennings næstu áratugi.
Og fyrir þessu stendur umboðslaus
ríkisstjórn – korteri fyrir kosningar.
Í kjölfar fréttanna hafa ýmsir stigið
fram og varað við þessu ráðslagi.
Lífeyrissjóðirnir hafa sagt að þetta
sé ekki að þeirra frumkvæði. Þá
stendur eftir sú spurning hvort það
sé ríkisstjórn Samfylkingar og VG
sem sé að vinna að þessu á fullu –
rúinn öllu trausti á elleftu stundu.
Og fyrir hverja er hún að vinna?
Við Framsóknarmenn munum berj-
ast af alefli gegn þessu. Almenning-
ur í landinu verður að rísa upp og
mótmæla – lokaorustan um hverjir
eiga Ísland er hafin.
Sigurður Ingi Jóhannsson,
oddviti Framsóknarflokksins
í Suðurkjördæmi
Margir valkostir
– tryggjum endurnýjun á Alþingi
Það er eitthvað sem seg-ir mér að þú og ég getum verið sammála um töluvert
af mjög stórum hagsmunamálum
þjóðarinnar. Ég veit það nefnilega
að mikill meirihluti þjóðarinnar
vill afnema verðtrygginguna, auð-
lindirnar í þjóðareigu og vilja nýja
stjórnarskrá í anda frumvarps stjórn-
lagaráðs. Þess vegna valdi ég að bjóða
mig fram fyrir Dögun þegar ég var
hvött til þess að íhuga alvarlega að
sækja um vinnu hjá þjóðinni á ein-
um skemmtilegasta, kurteisasta og
traustasta vinnustað sem völ er á.
Dögun vill vinna í þjónustu og
vera farvegur fyrir vilja þjóðarinnar
í þessum stóru hagsmunamálum
hennar. Í kosningum í vor gefst
landsmönnum einstakt tækifæri til
að velja á milli nokkurra nýrra afla
og hvet ég alla til að líta það jákvæð-
um augum og skoða þá vel sem vilja
vinna að ofangreindum málum. Ég
óska mér að allir velji sér einn nýjan
flokk og það verði um 80% endur-
nýjun á Alþingi, einungis þannig
náum við fram vilja þjóðarinnar.
Fjórflokkurinn og viðhengið:
XB vill raunverulegar aðgerðir í
þágu heimilanna en tryggja kvótann
í einkaeigu og henda stjórnarskrá
fólksins í ruslið.
XD vill auma skattaafslætti í
leiðréttingar lána sem lenda þá á
ríkissjóði og talar um “samnings-
frelsi” þegar kemur að afnámi
verðtryggingar. XD vill líka tryggja
kvótann í einkaeigu og henda stjórn-
arskránni.
XS vill bara ESB eða ESB.
XV klórar sér í hausnum núna
og “hefði viljað gera eitt og annað”.
XA Björt framtíð – vill líka ESB
eða ESB – en langar að segja þennan
brandara oftar með að aðgerðir fyrir
heimilin séu piss í skóinn og brosa
út í annað á meðan þrjár fjölskyldur
eru bornar út á degi hverjum.
Nýju öflin:
Nokkur ný öfl koma til greina hvað
ofangreind stórhagsmunamál varðar.
XI – Flokkur heimilanna vill
leiðréttingar lána sem lenda á bönk-
unum ... en síðan eiga allir að vera
frjálsir að því að starfa samkvæmt
samvisku sinni í öðrum málum.
XL – Lýðræðisvaktin vill vinna
að ofangreindum málum, en þegar
kemur að verðtryggingunni þá er
Þorvaldur Gylfason búinn að föndra
nýja verðtryggingu sem á að taka
mið af launavísitölu og vísitölu
neysluverðs til skiptis.
XG – Hægri grænir eru með
raunhæfa leið til leiðréttingar, en
mér virðist sem þeir ætli að kaupa
lánasöfn af vogunarsjóðunum á fullu
verði og tryggja þeim þannig allan
gróðann fyrir afsláttinn frá gömlu
bönkunum og svo ætla þeir að
hækka vextina og lengja í lánunum.
Þetta er alveg hægt – en mig langar
að fara aðra leið. Mér skilst að HG
ætli að tryggja kvótann í einkaeigu
og gefa líka spjaldtölvur í alla skóla.
XJ – Regnboginn vill leiðréttingar
lána og afnám verðtryggingar og
virðist vilja færa kvótann út í byggðir
landsins –eitt er víst og það er að
þeir vilja alls alls ekki að Ísland gangi
inn í ESB.
XT.is – Dögun vill tryggja farveg
fyrir vilja þjóðarinnar í öllum þeim
málum sem nefnd voru í upphafi
greinar. Leiðrétta lánin t.d. með
99% skatti af hagnaði bankanna
og endurheimta ríkisaðstoðina sem
þeim var veitt. Við erum líka skot-
in í skiptigengisleiðinni þar sem
tekin yrði upp ný króna og gerð
allsherjartiltekt í hagkerfinu með
losun snjóhengjunnar og niðurfær-
slu bæði skulda og eigna - líkt og
Þjóðverjar gerðu í þýska efnahags-
undrinu. Við viljum tryggja afnám
verðtryggingar og nýtt lánakerfi með
vaxtaþaki. Dögun vill tryggja auð-
lindir í þjóðareigu og arð af þeim í
ríkiskassann svo hægt sé að hækka
persónuafslátt og lækka skatta. Eins
viljum við fá nýja stjórnarskrá fólks-
ins með beinu lýðræði sem veitir
Alþingi nauðsynlegt aðhald. Minn
draumur er að fólk í ofangreindum
nýju öflum vinni saman að þessum
brýnu hagsmunamálum þjóðarinnar
á þingi.
Andrea Jóhanna Ólafsdóttir,
oddviti Dögunar í Suðurkjördæmi
Varðstaða fyrir
Suðurkjördæmi
Árið 2007 tókst okkur sem þá vorum þingmenn Suðurkjördæmis að af-
stýra því að ráðist yrði í byggingu
fangelsis á Hólmsheiði. Það var
mikilvægur áfangasigur en um
leið var ljóst að þingmenn og ráða-
menn í héraði yrðu að fylgja þeirri
ákvörðun eftir með málefnalegum
hætti.
Það tókst ekki og er mjög mið-
ur. Nú er hafin uppbygging á
stóru Hólmsheiðarfangelsi sem
setur myndarlega stofnun á Litla
Hrauni í mjög erfiða og tvísýna
stöðu. Fyrir nokkrum misserum
var Réttargeðdeildinni á Sogni
stolið af okkur og færð til Reykja-
víkur. Málið allt vekur okkur til
umhugsunar um það hversu vel
sé haldið á kjördæmishagsmunum
Suðurlands.
Reykjavík togar
Einhverjum kann að þykja ómál-
efnalegt að setja skipulag fangels-
ismála í slíkt samhengi að þetta
snúist bara um hagsmuni héraða og
má rétt vera. En staðreynd málsins
er sú að það er yfirgangur Reykja-
víkurstofnana sem setur málið í þá
stöðu en ekki varnarbarátta okkar
á landsbyggðinni. Á yfirstandandi
kjörtímabili hefur fjöldi opinberra
starfa verið færður af landsbyggð-
inni til Reykjavíkur. Ekki vegna
þess að það sé faglega nauðsynlegt
eða sérstakur sparnaður af því að
svo sé gert heldur einfaldlega vegna
þess að það er bitist um störfin.
Í landinu er nú slíkt byggðalegt
ójafnvægi að tveir þriðju hlutar
þjóðarinnar búa á einu og sama
svæðinu og í baráttu við þann
skriðþunga dugar landsbyggðinni
engin hálfvelgja. Við verðum að
spyrna við fótum af fullum krafti
í hvert sinn sem Reykjavíkurstofn-
anirnar heimta að taka stofnanir og
störf af okkur. Tepruskapur þing-
manna í þeirri baráttu hefur því
einu skilað að embættisaðallinn fer
sínu óhikað fram.
Í öllum öðrum löndum yrði það
talinn hlægilegur málflutningur að
halda að fangelsi og réttargeðdeild
mættu ekki vera í klukkustund-
ar akstursfjarlægð frá höfuðborg.
Þegar borið er við að langt sé að
fara með menn til dómara og lækn-
is er því til að svara að á Selfossi er
bæði dómshús og sjúkrahús og full
þörf á að efla þær stofnanir.
Hagsmunir þjóðar
Það eru ekki þröngir kjör-
dæmahagsmunir að halda landinu
í byggð og skapa öflugan hagvöxt
um land allt. Það eru einfaldlega
hagsmunir allrar þjóðarinnar. Vel-
megun á Íslandi byggir á því að við
nýtum landið og mið þess af þekk-
ingu og nærfærni. Til þess þurfum
við að byggja það.
Austurkantur Suðurkjördæmis er
eitt af þeim svæðum landsins sem
eru í dag í stórri hættu að leggjast
í eyði, allt frá Vík til Hafnar. Þar
eru engu að síður gríðarlegar auð-
lindir í formi ræktarlands, orku,
menningu og síðast en ekki síst
einum fegurstu ferðamannaleið-
um þessa lands. Verði ekki spyrnt
við fótum verða hér um 300 km
af hringveginum akstur um eyði-
byggðir. Þegar ríkisstjórnin stofn-
aði til Vatnajökulsþjóðgarðs fyrir
fáeinum árum var höfuðstöðvum
hans valinn staður í Reykjavíkur!
Suðurkjördæmi allt þarf á ein-
arðri málsvörn að halda á komandi
árum.
Bjarni Harðarson er bóksali og
skipar fyrsta sæti Regnbogans
í Suðurkjördæmi.
andrea Jóhanna Ólafsdóttir.
Bjarni Harðarson.
Sigurður Ingi Jóhannsson.