Reykjanes - 24.01.2013, Blaðsíða 4

4 24. janúar 2013
Sóknaráætlanir landSHluta
–ábyrGð oG völd til landSHluta
Markmiðið með sóknaráætl-anum landshluta er að færa aukin völd og aukna
ábyrgð til landshlutanna við forgangs-
röðun og skiptingu almannafjár til
verkefna á sviði byggða- og samfé-
lagsþróunar. Tilgangurinn er að ná
fram betri nýtingu fjármuna og færa
ákvarðanatöku nær heimamönnum
sem þekkja best til aðstæðna. Lands-
hlutarnir átta skila allir sóknaráætlun-
um um miðjan febrúar. Stofnað hefur
verið til samráðsvettvangs á hverju
svæði þar sem saman koma fulltrúar
sveitarstjórna og hagsmunaaðila, und-
ir forystu stjórnar landshlutasamtaka
sveitarfélaga. Þarna er vettvangur til
að móta framtíðarsýn og stefnu og for-
gangsraða markmiðum og verkefnum.
Í fyrstu verða verkefni á víðu sviði
atvinnumála og nýsköpunar, markaðs-
mála og mennta- og menningarmála
fjármögnuð í gegnum sóknaráætlun.
Í kjölfarið er gert ráð fyrir að aðrir
þættir byggðamála s. s. velferðarmál
og þróun innviða, falli undir sama
verklag.
Sóknaráætlanir landshluta er sam-
eiginlegt þróunarverkefni ráðuneyta
og sveitarfélaga og byggir á sam-
vinnu. Ráðuneytin skipa öll fulltrúa
í hóp sem myndar stýrinet af hálfu
Stjórnarráðsins. Samband íslenskra
sveitarfélaga á aðild að stýrinetinu.
Á milli þess og landshlutasamtaka
sveitarfélaga er samskiptaás sem sókn-
aráætlirnar og samskiptin fylgja. Með
þessum hætti er tryggð góð samvinna
stjórnsýslustiganna tveggja. Þetta
verklag er nýsköpun í íslenskri stjórn-
sýslu og vinnur Stjórnarráðið sem ein
heild með einn málaflokk, byggðamál.
Ný aðferð við
skiptingu fjár
Í dag renna um 5,7 milljarðar króna
milli ríkis og sveitarfélaga samkvæmt
192 samningum. Að mestu er þetta fé í
formi styrkja og samninga til einstakra
verkefna.
Það er skýr vilji stjórnvalda að reyna
nýtt verklag til þess að einfalda þessi
samskipti og í því skyni hefur ríkis-
stjórnin samþykkt að setja 400 milljón-
ir króna í sóknaráætlanaverkefni árið
2013 sem skiptast á milli landshlutanna
átta eftir gagnsæjum viðmiðum. Hug-
myndin er svo að færa hluta þess fjár
sem bundið er samningunum 192 í
þennan nýja farveg.
Árið 2013 er reynsluár þar sem
hverjum landshluta er falið að ákveða, á
grundvelli sóknaráætlana, hvernig 400
milljónum króna verður varið. Því er
það formið sjálft frekar en fjármagnið
sem þarf að standast prófið þetta árið.
Fjárupphæðin er þó engu að síður mik-
ilvæg, en með því gefst gott tækifæri til
að reyna verklagið.
Til lengri tíma litið er markmiðið
að fjármunir sem Alþingi ráðstafar
af fjárlögum til verkefna í einstökum
landshlutum á sviði atvinnumála og
byggða- og samfélagsþróunar byggi á
svæðisbundnum áherslum og mark-
miðum sem koma fram í sóknaráætl-
unum landshlutans. Þá er framtíðar-
sýnin sú að sóknaráætlanir verði
hafðar til hliðsjónar þegar kemur að
stefnumótun og áætlanagerð ríkisins
og hafi gagnvirk áhrif á fjárlagagerð.
Ögrandi viðfangsefni
Til að ná settu markmiði, að færa aukin
völd og aukna ábyrgð til heimamanna
í hverjum landshluta, þarf að koma
til breytt verklag stefnumótunar og
áætlanagerðar, bæði í landshlutunum
sjálfum og innan Stjórnarráðsins. Við
sjáum nú þegar talsverðan árangur
hvað þetta varðar með skipan stýrinets
Stjórnarráðsins og samráðsvettvanga í
hverjum landshluta. Við sjáum einnig
bætta og markvissari nýtingu fjármuna
með aukinni aðkomu og bættu samráði
heimamanna.
Sóknaráætlanir landshluta fara vel af
stað en það er ljóst að verkefnið er ögr-
andi bæði fyrir ríki og sveitarfélög og
reynir á samvinnu innan landshlutanna
og milli þeirra og ríkisins. Það er mín
trú að ef vel tekst til með sóknaráætl-
anir og þetta nýja skipulag hafi verið
stigið eitt stærsta skref sem stigið hefur
verið í byggðamálum síðustu áratugi.
Jóhanna Sigurðardóttir, forsætis-
ráðherra
Magnús B. Jóhannesson, Sjálfstæðisflokki.
nýta verður tækifærin betur
Prófkjör Sjálfstæðisflokksins í Suðurkjördæmi fer fram á laugardaginn 26. janúar. Einn af
Suðurnesjamönnunum sem gefa kost
á sér er Magnús B. Jóhannesson. Hann
gefur kost á sér í 3. sæti. Reykjanes lagði
nokkrar spurngingar fyrir Magnús, svo
kjósendur geti betur áttað sig á hver
verða hans baráttumál.
1. Hvers vegna hefur þú áhuga á þing-
mennsku?
Stefna stjórnvalda þarf að taka umtals-
verðum breytingum svo hægt verði að
skapa mannsæmandi lífskjör í þessu
landi. Ég hef ákveðið að gefa kost á
mér til þessa verkefnis og vil leggja mitt
af mörkum til að svo megi verða með
frelsi, ábyrgð, heiðarleika og réttlæti að
leiðarljósi. Leiðrétta þarf nokkur rétt-
lætismál, s. s. að afnema verðtryggingu,
að fólk sé ekki í ábyrgðum fyrir húsnæð-
islán með öllum eigum sínum heldur
einungis þeim eignum sem veð er tekið
í. Nýta verður tækifærin betur og því
stefnubreytingar þörf. Annars glutrum
við niður öðrum fjórum árum í stöðnun
og aðgerðaleysi.
2. Hver er helstu hagsmunamál
Suðurnesja í þínum huga?
Helstu hagsmunamál Suðurnesja eru
þau sömu í nær öllum tilfellum og allra
landsmanna, þ. e. að skapa atvinnu,
lækka skatta, afnema verðtrygginguna,
skuldaleiðrétting og lyklalög, greiða nið-
ur skuldir ríkissjóðs, vernda borgarana
gegn skuldasöfnun og hallarekstri hins
opinbera og að draga ESB umsókn til
baka.
Suðurnesjamenn eru sérstaklega illa
staddir þegar kemur að atvinnuleysi og
afar mikilvægt er að stjórnvöld hætti
árásum á atvinnulífið s. s. með hækk-
un skatta og meiriháttar breytingum
á lagaumhverfi fyrirtækja því í slíku
umhverfi munu stjórnendur halda að
sér höndum, bíða og sjá hvað setur,
og á meðan skapa þeir ekki ný störf.
Hagnaður hefur verið tortryggður af
stjórnvöldum og viðhorfið virðist vera
að hann verði að uppræta. Án hagnað-
ar skapa fyrirtæki þessa lands ekki ný
störf. Síðast en ekki síst er mikilvægt að
koma umhverfisöfgafólki frá völdum
því skynsamleg nýting auðlindanna til
atvinnusköpunar hefur liðið fyrir öfgar
þessa fólks. Rök eins og geyma skuli
orkuauðlindir fyrir komandi kynslóðir
eru notuð í umræðunni en á meðan
renna allar ár landsins til sjávar og orkan
fer til spillis.
Á Suðurnesjum eru um og yfir 1000
manns atvinnulausir um þessar mundir
og við verðum að gera allt sem í okkar
valdi stendur til að hjálpa þessu fólki að
bjarga sér. Það er ekki ásættanlegt að
fólk hafi ekki um annað að velja en að
sætta sig við að fá skammtað úr hnefa
atvinnuleysisbætur sem varla er hægt
að lifa af.
3. Fáum við álver í Helguvík?
Ég vona svo sannarlega að við fáum
álver í Helguvík. Það er nauðsyn-
leg viðbót inn á atvinnumarkaðinn á
Suðurnesjum. Hins vegar er ljóst að
stefnubreyting Landsvirkjunar í verð-
lagningu orkunnar hefur haft hér mikil
áhrif. Landsvirkjun hefur breytt skil-
greiningunni á markaði sínum, þ. e. telja
sig ekki lengur í samkeppni við aðrar
þjóðir um stóriðjuverkefni. Þetta hefur
haft þau áhrif að verðlagning orkunnar
hefur hækkað sem hefur gert það að
verkum að samkeppnishæfni Landvirkj-
unar hefur skerst í samanburði við aðrar
þjóðir s. s. Kanada og Bandaríkin. Það
eru ekki margir mánuðir síðan að við
sáum dæmi um þetta þegar félagið Fuji
Chemicals, sem hugðist setja upp starf-
semi hér sem hefði skapað fjölda starfa,
fluttist til Bandaríkjanna því orkuverð
þar var hagstæðara. Verðbreytingin
hefur haft þau áhrif að nær engin orka
hefur selst eftir þessa breytingu.
Stjórnvöld verða að skapa hagstætt
umhverfi fyrir atvinnulífið svo það
þrífist.
4. Hver er afstaða þín til ESB umsóknar?
Eftir að hafa vegið og metið kosti og
galla ESB inngöngu þá er ég þeirrar
skoðunar að Ísland eigi ekki erindi inn
í ESB því eru gallarnir eru alvarlegri
og vega þyngra en kostirnir. Í stað þess
að leggja málið upp með þeim hætti
hafa stjórnvöld beitt blekkingum, dregið
fólk áfram með þeim rökum að sjá hvað
kemur úr pakkanum og ýjað að því að
Ísland geti náð góðum samningi. Hið
sanna er að Ísland er í aðlögunarferli
en ekki samningsferli þar sem tveir
jafnréttháir aðilar takast á og niðurstað-
an getur fallið á hvorn veginn sem er.
Ferlið er mjög fastmótað og í raun ekki
margt sem hægt er að semja um nema
helst hversu langan tíma þjóðin fær
til aðlögunar. Máli mínu til stuðnings
nefni ég að Ísland fær engar varanlegar
undanþágur til dæmis í sjávarútvegi
eins og utanríkisráðherra viðurkenndi
í ræðu á 137. löggjafarþingi,45. fundi,38
mál,16 júlí 2009, kl: 10.01.
Ísland er í samkeppni við aðrar þjóðir
um sölu á vörum og þjónustu. Inngöngu
í ESB mun fylgja upptaka Evru. Ég er
þeirrar skoðunar að Evran muni auka
á vandamál landsins því mun erfiðara
verður að leiðrétta samkeppnishæfni
þjóðarinnar með Evru heldur en með
krónunni. Neikvæð samkeppnishæfni
þjóðarinnar getur valdið miklum og
langtíma viðskiptahalla hjá aðildarríkj-
um sem getur endað með gjaldþroti,
samaber Grikkland og Spánn. Hægt
er að leiðrétta samkeppnishæfni þjóða
einkum með tveimur leiðum, annars
vegar með leiðréttingu í gegnum gengið
og hins vegar með handafli.
Leiðrétting á samkeppnishæfni í
gegnum gengisbreytingar lækkar fram-
leiðslukostnað með jafnri skerðingu á
alla landsmenn sem að öðrum kosti yrði
að gerast með handafli líkt og reynt hef-
ur verið að gera í ríkjum Evrópu undan-
farið. Þar hefur verkalýðshreyfingin
brugðist hart við enda býður handa-
flsleiðin upp á misræmi í skerðingu milli
starfshópa, t. d. að hafnaverkamenn,
vegna lélegrar samningsstöðu þurfi
að taka á sig meiri skerðingu en flug-
umferðastjórar sem hafa betri samn-
ingsstöðu. Þannig má færa fyrir því rök
að gengisleiðrétting sé sanngjarnari og
jafnframt auðveldari leið en leiðrétting
með handafli og þess vegna mikilvægt
fyrir þjóðina að halda krónunni.
Ein af stærstu neikvæðu hliðunum
á slæmri samkeppnishæfni er hátt
atvinnuleysi. Fyrirtæki í þeim Evru-
löndum sem standa höllum fæti í
samkeppninni við aðrar Evrópuþjóðir
hafa brugðist við háum framleiðslu-
kostnaði með því að fækka starfsfólki
eins og kostur er, sem hefur skapað
gífurlegt atvinnuleysi. Þrátt fyrir ýmsa
galla krónunnar höfum við íslendingar í
gegnum tíðina verið blessunarlega lausir
við hátt atvinnuleysi sem er böl sem ég
óska engum manni. Ég óttast að ef við
höldum umsóknarferlinu til streitu og
göngum inn í ESB þá séum við að kalla
yfir okkur vandamál sem nú fyrirfinnst
víða í Evru ríkunum, hátt atvinnuleysi
með þeim félagslegu vandamálum sem
því fylgir.
Niðurstaða mín er því sú að Ísland á
ekki samleið að svo komnu máli með
ESB.
Garður.
allt Samþykkt SamHljóða
Ró og friður virðist nú vera alls ráðandi í störfum Bæj-arstjórnar Garðs. Á síðasta
fundi bæjarstjórnar 9. janúar s. l. voru
öll 8 málin sem greitt var atkvæði um
samþykkt samhljóða og ekkert að gera
hjá fundarritara, þar sem engar bók-
anir voru lagðar fram. Já, nú er það
lognið sem ræður ríkjum í Garðinum.