Baldur - 23.12.1953, Side 3

SáLllJl
XIX. ÁRG.
Isafjörður, jólin 1953.
15.—17. tölublað.

SÉRA JÓHANNES PALMASON:
Jólahugleiðing.
Á hverju einasta ári berast þessi orð á
hundruðum tungumála til milljóna manna:
„Yður er í dag frelsari fæddur“.
Væri kannske ekki orðin ástæða til, að
menn væru orðnir leiðir á þeim og tækju í
þeirra stað einhver önnur orð til upplestrar
á vetrarhátíð sinni, eitthvað, sem skáldin, vís-
indamennirnir eða stjórnmálamennirnir hafa
hrópað í eyru samtíðar sinnar? Allir þessir
aðilar telja sig líka hafa brýnan boðskap að
flytja, sem verði að ná tii fjöldans með mót-
unaráhrif sín. Og ekki er þess að dyljast, að
stundum kann okkur mönnunum að finnast,
að á vettvangi þeirra finni mannkynið það,
sem það þarfnast mest. En þó sýnist ekki
hverjum tveimur hið sama. Einn vill byggja
veröldina upp á stefnu þessa leiðtogans, ann-
ar á stefnu hins. En reynslan sýnir., að það
líður alltaf svo undra stuttur tími þar til þessi
mannlegu tilbeiðslugoð falla úr tignarsessi
sínum og gleymast. I orðum þeirra og lífi
finnum við ekkert, sem við getum hugsað okk-
ur að flétta hátíð um — ekkert, sem vakið geti
mannkyninu hátíðahug í meira en nítján aldir
og ófyrirsjáanlega framtíð að auk.
Þetta, sem jólaboðskapurinn vekur athygli
á, er annars eðlis. Við getum ekki litið á það
sem hvern annan atburð sögunnar, sem að
vísu sé merkilegur, hafi gripið inn í rás lífs-
ins og breytt henni allt til þessa dags og eigi
enn eftir að hafa áhrif um óákveðinn tíma —
með sídofnandi krafti þó — unz hann standi
aðeins skráður meðal annara hliðstæðra í ár-
bókum framtíðarinnar. Það stendur í per-
sónulegra sambandi við hverja kynslóð en
svo. Það er nátengdara lífi mínu og þínu en
svo, að þannig geti farið. Því að þótt fæðing
Jesú Krists sé skráð meðal annara söguvið-
burða, þá heyrir hún í rauninni ekki aðeins
til liðna tímanum, heldur jafnt líðandi stund
og ókomnum árurn. Hann fæddist fyrir meira
en nítján öldum. I dag er hann enn að koma
til mannanna, og við vitum, að einnig hinn
ókomni dagur á eftir að verða upphafsdagur
hans í þúsundum og milljónum hjartna. Því
að hér er það sjálfur Guð, sem talar sitt hjálp-
ræðisorð til mannheims, og orð Guðs fellur
aldrei úr gildi. En jólin bera þá spurningu til
okkar, hvort við höfum opin eyru til að heyra
hið guðlega orð. Fær sjálfur Jesús Kristur
rúm meðal okkar? Leyfum við honum að
koma í fátækt sinni til að auðga líf okkar og
umskapa þennan skuggalega heim? Á svar-
inu við því veltur allt.
Gegnum allt — gegnum allan ysinn og háv-
aðann, sem við gerum í kringum okkur og
verður stundum að aðalatriði hátíðahaldsins,
á boðskapur jólanna að Ijóma í heilagri tign
sinni: „Yður er í dag frelsari fæddur“. og við
dauðlegir menn hljótum að fagna og lúta
höfði í bæn: Kom þú, Drottinn Guð, á heilagri
stund og opna hjörtu okkar fyrir návist jóla-
barnsins. Lát þú Jesúm fæðast í hjörtum okk-
ar á þessari hátíð. Gef þú okkur öllum heilög
og gleðileg jól.
Amen.