Dagblaðið Vísir - DV - 02.08.2007, Blaðsíða 38
Á fundi framkvæmdastjórn-ar ÍSÍ í síðustu viku var samþykkt einróma að ráða Líneyju Rut Halldórsdótt-
ur sem framkvæmdastjóra ÍSÍ. Hún
er fyrsta konan til að gegna því starfi
og tekur við af Stefáni Konráðssyni.
Rúmlega fimmtíu manns sóttu um
starfið.
Líney Rut er 46 ára og fædd og
uppalin á Siglufirði. Hún á ættir sín-
ar að rekja í Fljótin í Skagafirði. Lín-
ey Rut er í sambúð með Oddnýju
Sigsteinsdóttur. Þær hafa búið sam-
an í fjórtán ár og staðfestu sambúð
sína árið 2004.
Líney Rut stundaði nám við
Menntaskólann á Akureyri. Það-
an lá leið hennar til Bandaríkjanna
þar hún nam íþróttafræði við fram-
haldsskólann í Rockford í Illinois-
fylki og síðar í Norður-Illinois-há-
skólanum á árunum 1983 til 1990.
Líney Rut hefur komið víða við
á starfsferli sínum. Eftir komuna til
Íslands árið 1990 hóf hún störf hjá
Íslandsbanka fram til ársins 1992.
Næstu fimm árin starfaði Líney Rut
sem framkvæmdastjóri Leiknis í
Breiðholtinu. Árið 1997 færði Lín-
ey Rut sig um set og tók við starfi
skrifstofustjóra hjá Ólympíunefnd
Íslands, þar sem hún vann meðal
annars að undirbúningi Smáþjóða-
leikanna sem fram fóru hér á landi
sama ár.
Þegar Ólympíunefnd Íslands og
Íþróttasamband Íslands sameinuð-
ust í Íþrótta- og Ólympíusamband
Íslands, ÍSÍ, árið 1997 tók Líney
Rut við starfi sviðsstjóra afrekssviðs
hjá ÍSÍ. Síðustu ár hefur Líney Rut
starfað sem deildarstjóri íþrótta-
og æskulýðsdeildar menntamála-
ráðuneytisins. Enn á eftir að ganga
frá starfslokum Líneyjar í mennta-
málaráðuneytinu en búist er við
að hún hefji störf hjá ÍSÍ í kringum
næstu mánaðamót.
Líney Rut segir það heillandi að
starfa í íþróttahreyfingunni. „Það er
sjarmi við að starfa bæði í opinbera
geiranum og með íþróttahreyfing-
unni sjálfri. Það heillar mig. Þetta er
það sem hlýtur að vera toppurinn í
þessum geira. Fólk lítur stórt á það
að starfa hjá ríkinu og lít ég ekki síð-
ur á þetta sem stórt starf,“ segir Lín-
ey Rut.
Spilaði hafnabolta
Líney Rut hefur lagt stund-
ir á ýmsar íþróttagreinar í gegnum
tíðina. „Ég keppti meðal annars í
skíðastökki á mínum yngri árum og
var Siglufjarðarmeistari. Það voru
reyndar ekki margar stelpur sem
kepptu þá,“ segir Líney Rut og hlær.
„Úti í Bandaríkjunum keppti ég
með skólaliðinu í blaki og körfu-
bolta. Og síðustu tvö árin keppti ég
í hafnabolta. Það gekk bara nokkuð
vel. Þær sáu að ég gat kastað og grip-
ið. Þegar ég var í Menntaskólanum
á Akureyri keppti ég í fótbolta. Þá
var nú kvennaknattspyrnan komin
aðeins skemmra á veg, allavega fyr-
ir norðan. Ég spilaði þar með KA.“
Líney Rut segir að það hafi enga
sérstaka þýðingu fyrir sig persónu-
lega að hún sé fyrsta konan sem
gegnir starfi framkvæmdastjóra
ÍSÍ. „Ég er að fara að starfa þarna
og mun gera mitt besta. Vonandi
verð ég mér og mínum til sóma. Ég
kem bara þarna inn sem persóna.
En sannarlega skiptir það máli fyrir
konur og fyrir jafnrétti að kona komi
þarna til starfa líka,“ segir Líney Rut
og bætir við að nú sé rétti tíminn til
að skipa konu í þetta starf.
„Stefán er búinn að gegna þessu
starfi lengi. Þannig að það hefur svo
sem ekki verið tækifæri fyrir hvorki
konu né karl að koma þarna inn fyrr
en núna,“ segir Líney Rut en Stefán
Konráðsson hefur gengt starfi fram-
kvæmdastjóra ÍSÍ undanfarin tólf
ár.
Líney og segist taka við góðu búi
úr höndum Stefáns. „Stefán hefur
unnið gott og mikið starf fyrir ÍSÍ og
fyrir íþróttahreyfinguna. Þannig að
ég geng inn í mjög gott og vel rekið
bú hjá íþróttahreyfingunni. Ég þekki
íþróttahreyfinguna ansi vel, þá sér-
staklega alþjóðastarfið. Alþjóðlegu
samskiptin eru alltaf að aukast.
Ég kem ekkert að neinu sem er
í einhverju niðurbroti. Hreyfingin
hefur verið á siglingu fram á við og
ég vona bara að við náum að sigla
henni lengra og halda áfram með
uppbyggingu og framþróun. Ég er
bjartsýn, það eru mikil sóknarfæri og
það er mikið búið að gera en það má
alltaf gera betur,“ segir Líney Rut.
„Starfið er mjög fjölbreytt. Fólk
gleymir stundum að framkvæmda-
stjóri vinnur með stórri stjórn og
framkvæmdaráði í umboði íþrótta-
þings, sem er æðsti aðili íþrótta-
hreyfingarinnar. Starf stjórnarinn-
ar er að framfylgja ákvörðunum
sem voru teknar og samþykktar á
íþróttaþingi og þeim stefnum og
ákvörðunum sem framkvæmda-
stjórnin tekur. Starf mitt felur einn-
ig í sér að hafa daglegan rekstur í
góður skorðum og á réttu róli,“ segir
Líney Rut.
Mörg verkefni framundan
Hún segir að von sé á einhverj-
um áherslubreytingum með komu
hennar í starfið. „Það er örugglega
besta að tjá sig sem minnst um það
hvað það verður. Það kemur alltaf
eitthvað nýtt með nýju fólki,“ seg-
ir Líney Rut og bætir við að mörg
verkefni bíði hennar í nýja starf-
inu.
„Það var gengið frá því í vor að
ríkið veitti peninga í ferðasjóð
íþróttafélaga. Það er eitt af því sem
þarf að klára hvað varðar reglu-
gerð og úthlutunarreglur. Svo er
undirbúningur fyrir Ólympíuleik-
ana, hann er á fullu skriði. Lýð-
heilsa er æ stærri pakki í okkar
tilveru. Almenningsíþróttir eru
eitt af stóru verkefnunum. Mótor-
sportið og skipulag varðandi lyfja-
eftirlit, þetta eru mál sem eru mjög
stór. Síðan fæ ég væntanlega frek-
ari upplýsingar um það hvað ligg-
ur á borðinu hjá ÍSÍ, þá fer maður
að beita sér fyrir því,“ segir Líney
Rut.
Hún er full tilhlökkunar að tak-
ast á við starfið og segist fá góðan
stuðning. „Ég á yndislega foreldra
og yndisleg systkini og fjölskyldu.
Það skiptir miklu máli. Það er góð
stjórn og hæft og gott starfsfólk
sem gerir það að verkum að maður
hræðist ekki að takast á við þetta,“
segir Líney Rut að lokum.
dagur@dv.is
fimmtudagur 2. ágúst 200738 Sport DV
„Ég á yndislega for-
eldra og yndisleg syst-
kini og fjölskyldu. Það
skiptir miklu máli. Það
er góð stjórn og hæft
og gott starfsfólk sem
gerir það að verkum
að maður hræðist ekki
að takast á við þetta.“
Fyrsta konan Líney rut verður
fyrsta konan til að gegna starfi
framkvæmdastjóra ÍsÍ.
Líney Rut Halldórsdóttir verður
fyrsta konan til að gegna starfi
framkvæmdastjóra ÍSÍ þegar hún
tekur við starfinu um næstu mán-
aðamót. Dagur Sveinn Dagbjarts-
son ræddi við Líneyju Rut meðal
annars um fyrri störf hennar og
afrek á íþróttavellinum.
SIGLUFJARÐARMEISTARI
Í SKÍÐASTÖKKI