Árbók skálda - 01.12.1954, Page 87

JÓN ÚR VÖR
Og næsta morgun var blár steinbítur
á héluðum hlaðvarpasteini,
og sól sindraði í silfri ýsuhreisturs, —
og hamingja í htisi fátæks manns.
Faðir minn
Faðir minn hefur setið í fimmtíu ár
við skóaraborðið sitt og sólað fyrir þorpið,
frá þeirri tíð er bæði hans börn og annarra gengu á
roðskóm, sem brunnu f sundur í sjávarseltunni,
og fram á þennan dag.
Og hendur föður míns urðu svo svartar og harðar,
að hann varð að hafa þær í vösunum,
þegar hann fór til kirkju með konu sína og barnaskara.
Hann þekkir alla skó þorpsins
og veit hvernig það treður.
85