Sveitarstjórnarmál - 01.05.2003, Qupperneq 22

Hann afhenti Sturlu Böðvarssyni sam-
gönguráðherra skóflu fyrir hönd áhuga-
hópsins þann 11. janúar árið 2001 til þess
að taka fyrstu skóflustunguna að tvöföldun
Reykjanesbrautar. Þann 11. janúar síðast-
liðinn, nákvæmlega tveimur árum síðar,
afhenti Sturla áhugahópnum skófluna aft-
ur til varðveislu eftir að hafa tekið fyrstu
skóflustunguna að breikkun brautarinnar.
Steinþór segir að hluta þeirra umferðar-
slysa sem verða hér á landi megi rekja til
ófullnægjandi ástands vega og því sé mik-
ilvægt að nýta þann kraft sem myndast
hafi vegna baráttunnar fyrir tvöföldun
Reykjanesbrautarinnar til annarra að-
kallandi verkefna í öryggis- og samgöngu-
málum á landinu öllu, til dæmis í sam-
starfi við tryggingafélögin.
Skýr framtíðarstefna
Steinþór kveðst hafa mikla trú á Reykja-
nesbæ og hefur skýra framtíðarstefnu hvað
bæjarfélagið varðar. Hann kveðst telja
ástæður þess að kallað var eftir honum til
starfa að bæjarstjórnarmálum sprottnar af
einlægum áhuga hans og störfum fyrir vel-
ferð og framtíð bæjarfélagsins. Hann segir
bæjarmálin leggjast vel í sig og að hann
hafi gaman af þátttöku í umræðum sem
snerta eitt af áhugamálum hans, það er
framtíð Reykjanesbæjar. „Ég tel að þótt
maður sé kominn í bæjarstjórn sé maður
áfram að vinna að sömu málefnunum og
áður þó ramminn sé skýrari," segir Stein-
þór. Þar vísar hann meðal annars til útgef-
innar framtíðarstefnu og meginverkefna
Reykjanesbæjar til ársins 2006, sem ný-
lega var samþykkt í bæjarstjórn. Sjálfstæð-
ismenn eru einir í meirihluta bæjarstjórnar
í Reykjanesbæ og er Steinþór ánægður
með fyrstu skref sinna manna. Hann segist
ánægður með félaga sína, enda sé hópur-
inn sérlega samstilltur og tilbúinn að
takast á við aðkallandi verkefni fyrir bæj-
arfélagið.
Eigum inni hjá ríkinu
Eins og aðrir sveitarstjórnarmenn horfir
Steinþór á skiptingu fjármuna á milli ríkis-
valdsins og sveitarfélaga og segir það sína
tilfinningu að sveitarfélögin eigi inni hjá
ríkinu. Þau hafi verið að taka við auknum
verkefnum á undanförnum árum án þess
að nauðsynlegir fjármunir hafi fylgt að
fullu. „Auðvitað munum við berjast fyrir
þessu á vettvangi Sambands íslenskra
sveitarfélaga eins og önnur sveitarfélög.
Hitt er annað að sveitarstjórnarmenn á
hverjum stað verða að sýna ábyrgð f
rekstri síns sveitarfélags og tryggja þannig
velsæld til framtíðar."
Sveitarstjórn hefur
ákvörðunarvald um
ráðstöfun skólahúsnæðis
Ótvírætt er samkvæmt grunnskólalögum
að sveitarstjórn hefur úrskurðar- og
ákvörðunarvald um nýtingu skólahús-
næðis. Öðru hverju hefur komið upp
ágreiningur um valdsvið til ákvarðana
um notkun íþróttahúsnæðis eða annars
húsnæðis grunnskóla sveitarfélaganna. í
því sambandi má minna á úrskurð
menntamálaráðuneytisins frá því í júní í
fyrra. Úrskurðurinn var svar við fyrir-
spurn um það hvaða reglur gildi ef
ágreiningur kemur upp milli skólastjóra
og sveitarstjórnar um notkun á íþrótta-
mannvirkjum eða öðru húsnæði sem
nýtt er til kennslu grunnskólabarna.
Raunar kom afstaða ráðuneytisins
skýrt fram í svari við almennri fyrirspurn
árið 1996 þar sem leitað var svara um
umráð skólahúsnæðis og vísar ráðuneyt-
ið meðal annars til þess svars. Um þessi
mál gilda ákvæði grunnskólalaga og vís-
ar ráðuneytið meðal annars í 22. grein
þeirra laga (66/1995). Þar segir að dag-
leg umsjón með skólahúsnæði sé f
höndum skólastjóra í umboði sveitar-
stjórnar. í greinargerð er tekið fram að
dagleg umsjón og umráð skólamann-
virkja sé í höndum skólastjóra með þeim
takmörkunum sem sveitarstjórn kann að
ákveða.
Má ekki raska skólahaldi
Atriði sem líklegt er að hafi valdið óá-
nægju eða ágreiningi er hvernig notkun
skólahúsnæðis til annarra nota en skóla-
halds samrýmist skólahaldinu sjálfu. í
úrskurði menntamálaráðuneytisins er
bent á að í 22. grein áðurnefndra laga sé
tekið fram að ráðstöfun skólahúsnæðis í
þágu íbúa byggðarlagsins til annarra
nota en skólahalds megi í engu raska
skólahaldi, félagslífi nemenda eða
annarri lögboðinni starfsemi. Þá er sveit-
arstjórn gert skylt að leita umsagnar
skólanefndar ef til stendur að nota skóla-
húsnæði utan skólatíma til gistingar eða
veitingareksturs.
í úrskurði ráðuneytisins frá því í júní
2002 segir einnig: „Til þess er ætlast að
greitt sé úr ágreiningi sem rísa kann
vegna nýtingar skólahúsnæðis meðan á
skólatíma stendur og utan hans, með
góðu samkomulagi hlutaðeigandi sveit-
arstjórnar, skólanefndar og skólastjóra.
Takist ekki að leysa ágreining milli
skólastjóra annars vegar og sveitarstjórn-
ar hins vegar um notkun á skólahúsnæði
er Ijóst að samkvæmt grunnskólalögum
hefur sveitarstjórn úrskurðar- og ákvörð-
unarvald í þeim efnum svo fremi sem
ákvæði 22. greinar grunnskólalaga séu
ekki brotin."
22