Sveitarstjórnarmál - 01.05.2003, Page 24

Orkuveita Reykjavíkur
Milljarða uppbygging framundan
Milljarða uppbygging er framundan hjá Orkuveitu Reykjavíkur við hefðbundin verkefni í orku-
málum og dreifingu, auk þess sem fyrirtækið vinnur að ýmsum nýjungum á sviði orku- og at-
vinnumála.
Orkuveita Reykjavíkur er sjálfstætt þjón-
ustufyrirtæki, að mestu í eigu Reykjavíkur-
borgar. Borgin á 92,655% í fyrirtækinu,
Akraneskaupstaður á 5,476%, Hafnar-
fjarðarkaupstaður 0,944%, Borgarbyggð
0,754% og Borgarfjarðarsveit 0,171%.
Meira en helmingur íslensku þjóðarinnar
býr á þjónustusvæði fyrirtækisins. Orku-
veitan annast dreifingu á raforku til not-
enda í Reykjavík, Kópavogi, Garðabæ,
Seltjarnarnesi, Mosfellsbæ og Akranesi.
Hún annast einnig dreifingu á heitu vatni
til notenda í Reykjavík, Kópavogi, Garða-
bæ, Hafnarfirði, Bessastaðahreppi, Akra-
nesi og Borgarbyggð, en auk þess selur
hún Mosfellsbæ heitt vatn í heildsölu.
Orkuveitan dreifir köldu vatni til notenda í
Reykjavík og á Akranesi og selur Kópa-
vogsbæ, Seltjarnarneskaupstað og Mos-
fellsbæ kalt vatn í heildsölu.
Ný gufuafIsvirkjun á Hellisheiði
Guðmundur Þóroddsson forstjóri segir að
stærsta einstaka verkefnið framundan sé
bygging nýrrar jarðvarmaveitu á Hellis-
heiði. Áætlað er að raforkuframleiðsla
virkjunarinnar muni nema 120 MW og
varmaframleiðsla allt að 400 MW. Gert er
ráð fyrir að virkjuninni verði áfangaskipt.
Lokið hefur verið við fyrsta og annan
áfanga rannsóknaborana á svæðinu og út-
boðsferli gæti hafist í haust. Kostnaður við
fullbúna virkjun á Hellisheiði er áætlaður
um tuttugu milljarðar króna. Jafnframt
þessu er unnið að stækkun raf-
stöðvar Nesjavallavirkjunar um
30 MW. Guðmundur segir
samning um sölu á raforku í
burðarliðnum, en fyrir liggur
að stækka á verksmiðju Norð-
uráls í Hvalfirði og áform eru
einnig um stækkun álversins í Straumsvík.
Um 7.600 nýjar íbúðir
Gert er ráð fyrir að Orkuveita Reykjavíkur
muni verja allt að fimm milljörðum króna
í stofnkostnað vegna nýrra dreifikerfa á
Hópur starísmanna Orkuveitu Reykjavíkur.
næstu árum. Ástæður þess eru áætlanir
um nýjar íbúðabyggðir á þjónustusvæði
veitunnar. Skipulagsyfirvöld áætla að
byggðar verði um 7.600 nýjar íbúðir og á
bilinu 24 til 25 þúsund manns muni búa á
hinum nýju svæðum þegar uppbyggingu
þar lýkur. Stærstu íbúðahverfin, sem nú
eru á undirbúningsstigi, eru Norðlinga-
holtið við Rauðavatn, þar sem gert er ráð
fyrir um ellefu hundruð íbúðum með um
þrjú þúsund íbúum, og tvö ný íbúðahverfi
í Garðabæ; annað í Arnarneslandi, þar
sem byggja á rúmlega fjögur hundruð
íbúðir, og bryggjuhverfi við Arnarnesvog,
með um sjö hundruð og sextíu íbúðum.
Einnig er gert ráð fyrir að reistar verði um
þrjú þúsurid íbúðir í suðurhlíðum Úlfars-
fells á næstu árum og að hverfi fyrir um
átta þúsund fbúa rísi á Garðaholti á sunn-
anverðu Álftanesi í náinni framtíð.
Um 2,3 milljarðar í
dreifikerfi á árinu
í samtali við Guðmund Þór-
oddsson kom fram að s^m-
kvæmt framkvæmdaáætlun
veitunnar er fyrirhugað að fjárfestingar í
dreifikerfum fyrir heitt og kalt vatn og raf-
magn verði um 1.700 milljónir króna á
þessu ári. Áætlað er að rekstur dreifikerfis
veitunnar muni kosta um 1.160 milljónir
króna og fjárfestingar og rekstur í dreifi-
kerfi á öllu veitusvæðinu verði um 2,3
Framvegis verður eitt samhæft inntak í hverju húsi
og allar veitur settar saman í einn skurð frá lóðar-
mörkum og tengdar samtímis í inntakskassa.
24