Sveitarstjórnarmál - 01.06.2003, Síða 34

Vefsetur sveitarfélaga
Verulegur munur á þjónustu
Flest stærri sveitarfélaganna hafa unnið að endurbótum á vefsetrum sínum undanfarið ár. Vefsetur
minni sveitarfélaganna hafa hins vegar tekið minni breytingum. Þetta er meðal þess sem kemur fram
í úttekt Jóns Heiðars Þorsteinssonar, ráðgjafa í vefþróun og MA í almannatengslum, sem hefur nú
öðru sinni gert samanburð á vefsetrum 20 fjölmennustu sveitarfélaga landsins.
Sveitarfélögin í landinu hafa í vaxandi
mæli notfært sér Netið til þess að
koma upplýsingum á framfæri við al-
menning enda nota íslendingar Netið
mikið og hafa greiðan aðgang að því.
Kannanir á notkun Islendinga á þjón-
ustuvefjum hins opinbera benda til
þess að um helmingur þeirra hafi not-
að Netið til samskipta við stjórnvöld
en að þeir vantreysti nokkuð Netinu
fyrir persónulegum upplýsingum.
Byggð á skipuritum
sveitarfélaganna
Samkvæmt könnun Jóns Heiðars er
misjafnt að hve miklu leyti sveitarfé-
lögin gera borgurunum kleift að fylla
út og senda umsóknir með rafrænum
hætti. Þessi þjónusta stendur fremur til
boða á vefsetrum fjölmennari sveitar-
félaga en þeirra fámennari. Nokkuð
áberandi er að fjölmennari sveitarfé-
lögin hafa eflt rafræna þjónustu sína
meira en þau fámennari þó ekki sé
það alveg einhlítt. Jón Heiðar segir að
þótt mörg vefsetrana hafi fengið and-
litslyftingu á þessum tíma þá séu flest
þeirra enn byggð á skipuriti sveitarfé-
laganna fremur en að miðað sé við
ákveðna markhópa eða þá þjónustu sem veitt er á vefjunum. Hann segir
að til dæmis megi nefna að einungis á einum vef, sem hann hafi skoðað,
hafi verið hægt að fylla út og senda flokkaða fyrirspurn eftir efni hennar
þegar könnunin var gerð.
Kjörnir fulltrúar á 7
vefsetrum af hverjum 10
Jón Heiðar segir að flest vefsetrin
birti fréttir af starfi sveitarfélaganna
og einnig fundargerðir sveitarstjórna
og fastra nefnda. Ein þeirra breytinga
sem orðið hafi vart sé að fleiri sveit-
arfélög birti nú atburðadagatöl. Hann
segir að nú heyri til undantekninga að upplýsingar um símanúmer, fax-
númer og póstföng sveitarfélaga vanti á forsíðu vefjanna en nokkur mis-
brestur var á því fyrir rúmu ári. Að sögn Jóns Heiðars birta nú sjö af
hverjum 10 vefsetrum upplýsingar um kjörna fulltrúa og netföng þeirra.
Þetta auðveldar samskipti fulltrúa og
kjósenda og Jón Heiðar veltir þeirri
spurningu fyrir sér hvort slíkar sam-
skiptaleiðir á milli stjórnmálamanna
og umbjóðenda þeirra verði mikilvæg-
ari eftir því sem sveitarfélögin verði
færri og landfræðilega stærri.
Þriðjungur birtir efni
fyrir ferðamenn
Jón Heiðar segir það hafa vakið at-
hygli sína að einungis þriðjungur vef-
setra sveitarfélaganna birti efni sem er
sérstaklega ætlað ferðamönnum. Hann
kveðst ekki hafa skoðað þennan þátt í
könnun sinni fyrir rúmu ári og því
ekki hafa samanburð. Eitthvert efni á
enskri tungu sé að finna á um 40%
vefsetranna og sé það nánast óbreytt
frá síðustu könnun. Efni á öðrum
tungumálum en íslensku og ensku sé
aðeins að finna á um 15% vefjanna
sem skoðaðir voru.
Er aukin samræming
nauðsynleg?
Færri vefsetur bjóða nú umræðusvæði
en fyrir rúmu ári. Jón Heiðar kveðst
ekki hafa kynnt sér ástæður þess að
dregið hafi verið úr þessari þjónustu. Ef til vill hafi umræðusvæðin verið
lítið notuð eða erfiðleikar hafi komið fram við að halda utan um þau. Þá
sé ekkert vefsetur með lið sem flokkast geti undir „spurt og svarað" en
slíkan þátt hafi mátt finna á
tveimur vefsetrum fyrir ári.
Jón Heiðar veltir þeirri
spurningu fyrir sér hvort nauð-
synlegt geti verið að samræma
betur það efni og þá þjónustu
sem veitt er á vefsetrum sveitar-
félaganna. Hann segir að vel
komi fram þegar vefsetrin séu
skoðuð að mikið skorti á að
samræmi sé í þeirri upplýsingagjöf og þjónustu sem vefsetur sveitarfélag-
anna veita. Þetta endurómi ef til vill þann mun sem er á þjónustu sveitar-
félaga landsins almennt.
Jón Heiðar Þorsteinsson hefur nú öðru sinni gert samanburð á vefsetrum
20 fjölmennustu sveitarfélaga landsins.
Jón Heiðar segir að þótt mörg vefsetranna hafi
fengið andlitslyftingu á þessum tíma þá séu flest
þeirra enn byggð á skipuriti sveitarfélaganna
fremur en að miðað sé við ákveðna markhópa eða
þá þjónustu sem veitt er á vefjunum.
34