Morgunblaðið - 03.11.2011, Side 2

2 FRÉTTIRInnlent
MORGUNBLAÐIÐ FIMMTUDAGUR 3. NÓVEMBER 2011
VIÐ ERUM 50 ÁRA
FAGNAÐU MEÐ OKKUR
3.–5. NÓVEMBER FRÁ
KLUKKAN 8:50–21:50
Gleraugnasalan | Laugarvegi 65 | 551 8780 | gleraugnasalan.is
AFSLÁTTUR AF ÖLLU
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is Víðir Sigurðsson,
vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Marta María Jónasdóttir fréttastjóri dægurmála martamaria@mbl.is Prentun Landsprent ehf.
Snarræði slökkviliðsins á Tálkna-
firði kom í veg fyrir að einbýlishús
á staðnum brynni til kaldra kola í
fyrrakvöld. Það var mætt á staðinn
um sjö mínútum eftir útkall en Dav-
íð Rúnar Gunnarsson, slökkviliðs-
stjóri í Vesturbyggð og á Tálkna-
firði, segir að hefði slökkviliðið
komið nokkrum mínútum síðar
hefði húsið verið alelda og ekki
hefði ráðist við neitt.
Anton Halldór Jónsson var heima
ásamt móður sinni, þegar rafmagn-
ið sló út um stundarfjórðungi fyrir
átta í fyrrakvöld. Hann segir að
hann hafi farið að leita orsaka og
séð eld í rafmagnsboxi sem tengt
var við rafmagnsofn. Hann segir
augljóst að eldurinn hafi kraumað í
þónokkurn tíma. „Við vorum ótrú-
lega heppin,“ segir hann og vísar til
þess að þau hafi verið vakandi og
því getað tilkynnt eldinn og forðað
sér. „Við fórum út með það sama,“
segir hann og hrósar slökkviliðinu.
„Þeir voru ótrúlega fljótir á staðinn
og gengu í verkið eins og atvinnu-
menn.“
Eldurinn var í vegg og þurfti að
rífa hann sem og klæðningu á ris-
lofti auk þess sem reykræsta þurfti
húsið. Anton segir að tjónið hlaupi
á milljónum króna en hann sé
tryggður og enginn hafi slasast.
Einhverjar vikur taki að gera við
skemmdirnar. „Það verður ekki
flutt inn fyrr en búið verður að
gera við,“ segir hann og bætir við
að þau eigi góða að og hafi því
húsaskjól. Anton segir að hann hafi
strax opnað vegginn, þar sem hafi
logað. „Það brann allt á milli þilja
og ef ég hefði ekki gert þetta fyrr
en fimm til tíu mínútum seinna er
ég viss um að kofinn hefði brunnið
allur.“ steinthor@mbl.is
Mátti ekki tæpara
standa í brunan-
um á Tálknafirði
 Snarræði slökkviliðsins kom í veg
fyrir að húsið brynni til kaldra kola
Ljósmynd/Davíð Rúnar Gunnarsson
Björgun Slökkviliðið að störfum.
Ingibjörgu H.
Bjarnason, fyrsta
alþingismanni Ís-
lendinga úr hópi
kvenna, verður
reist minnis-
merki á áberandi
stað í Reykjavík,
jafnvel á horni
Vallarstrætis og
Thorvaldsens-
strætis. Borgar-
fulltrúar Sjálfstæðisflokksins báru
upp tillögu þess efnis á fundi borg-
arráðs í gær og var hún samþykkt
einróma. 30. október sl. voru 70 ár
liðin frá andláti Ingibjargar. Hún
barðist ötullega fyrir réttindum
kvenna og öðrum framfaramálum.
Ingibjörg fær minn-
ismerki í borginni
Ingibjörg H.
Bjarnason
Ingveldur Geirsdóttir
ingveldur@mbl.is
Þeir sem eiga miða á tónleika Sinfón-
íuhljómsveitar Íslands í Hörpu í
kvöld og annað kvöld geta nú andað
léttar, tónleikarnir munu fara fram.
Fyrirhuguðu verkfalli hljómsveitar-
meðlima var frestað á áttunda tím-
anum í gærkvöldi þegar samninga-
nefnd Starfsmannafélags Sinfóníu-
hljómsveitar Íslands (SMFSÍ) og
samninganefnd ríkisins skrifuðu
undir kjarasamning. Þá höfðu nefnd-
dag um lögmæti verkfalls SMFSÍ en
samninganefnd ríkisins taldi að ólög-
lega hefði verið staðið að verkfalls-
boðuninni.
Arnfríður Einarsdóttir, forseti
Félagsdóms, sagði í gærkvöldi að
þau myndu fara yfir stöðu mála í
dag. Hún telur þó að ekki sé lengur
þörf á þessum úrskurði.
Á dagskrá tónleika Sinfóníunnar í
kvöld og annað kvöld eru Pláneturn-
ar eftir Gustav Holst og píanókon-
sert nr. 2 eftir Rakhmaninoff.
Stjórnandi er Rumon Gamba.
Loks samið hjá Sinfóníunni
 Fyrirhuguðu verkfalli meðlima Sinfóníuhljómsveitar Íslands hefur verið frestað
 Formaður samninganefndar er sáttur  Tónleikar verða í Hörpu í kvöld
irnar setið á fundi frá því klukkan
níu um morguninn.
Rúnar Óskarsson, formaður
samninganefndar SMFSÍ, segist
sáttur við niðurstöðuna.
„Ég get ekki tjáð mig um hana
fyrr en búið er að kynna félagsmönn-
um samninginn. Það er eftir að finna
út úr því hvenær það verður gert,
tónleikarnir eru í forgangi svo það
verður kannski í byrjun næstu viku,“
segir Rúnar. Hann á ekki von á öðru
en samningurinn verði samþykktur.
Félagsdómur átti að úrskurða í
Morgunblaðið/Ómar
Samið Tónarnir fá að flæða hjá Sin-
fóníunni í Hörpu í kvöld.
Hólmfríður Gísladóttir
holmfridur@mbl.is
Þann 10. nóvember næstkomandi
verður hundaleikskólanum Voffa-
borg lokað fyrir fullt og allt og eig-
endur ferfættra nemenda skólans
tilneyddir til að finna önnur dagvist-
unarúrræði. Það gæti þó reynst
þrautin þyngri, því skólinn er sá eini
sinnar tegundar á höfuðborgarsvæð-
inu og þó víðar væri leitað. „Þetta er
virkilega leiðinlegt og eiginlega bara
sorglegt,“ segir Gunnar Ísdal, stofn-
andi og eigandi leikskólans. Þrátt
fyrir mikla aðsókn standi reksturinn
því miður ekki lengur undir sér.
Voffaborg var opnuð árið 2004 og
er til húsa í gamla dýraspítalanum í
Víðidal en þar hefur hundaeigendum
staðið til boða að vista hundana dag-
langt, í stað þess að láta þá húka
heima á meðan heimilisfólk sinnir
námi eða starfi. Fyrstu árin leigði
leikskólinn húsnæðið en þegar eig-
endum hans bauðst árið 2007 að
kaupa það ákváðu þeir að láta slag
standa. Þeir gerðu þó ekki frekar en
aðrir ráð fyrir því að hrun væri rétt
handan við hornið.
„Lánin eru orðin tvöfalt hærri og
greiðslubyrðin langt umfram það
sem reksturinn stendur undir og þá
er þetta bara búið,“ útskýrir
Gunnar. „Maður er búinn að
vinna að þessu dag og nótt
síðustu átta ár og að þurfa að labba
frá þessu er virkilega súrt,“ segir
hann.
Þurfa að fá að rasa út
Allt að þrjátíu hundar hafa dvalið
á leikskólanum á hverjum degi,
flestir koma tvisvar til þrisvar í viku,
aðrir allt að fimm sinnum og sumir
einn og einn dag.
„Þetta er búið að vera rosalega
vinsælt og það á eftir að koma mörg-
um illa þegar lokar,“ segir Gunnar.
„Hundarnir eru mikið einir heima og
þeir þurfa að fá smá félagsskap, það
þarf að leyfa þeim aðeins að rasa út
og leika sér, þetta styttir vikuna fyr-
ir þá,“ segir hann.
Gunnar segir reksturinn hafa ver-
ið stórskemmtilegan og það verði
erfitt að sjá á eftir kúnnunum, sem
margir hafi verið fastagestir á Voffa-
borg frá upphafi. „Manni finnst
þetta mjög leiðinlegt. Sumir hafa
verið að koma til okkar í sex, sjö ár
og margir hundanna byrjað hjá okk-
ur kannski fimm mánaða gamlir og
orðnir fimm ára í dag, búnir að vera
hjá okkur allt sitt líf,“ segir hann.
Bæði aðstandendum og við-
skiptavinum Voffaborgar þyki lok-
unin afar dapurleg.
Leikskólinn Voffa-
borg farinn í hundana
 Lokað 10. nóvember  Mikil þörf á dagvistunarúrræðum
„Við skoðuðum marga staði áður en við keyptum þetta húsnæði en það var
voða lítið sem kom til greina,“ segir Gunnar en hann er efins um að
áhugasamir fengju leyfi til að reka hundaleikskóla innan
borgarmarkanna. „Það fylgir þessu gelt og læti og fjör,“ út-
skýrir hann og því sé starfsemin ekki endilega sérlega ná-
grannavæn. Þó sé tvímælalaust þörf fyrir þessa
þjónustu og hún þurfi að vera sæmilega mið-
svæðis.
Þau svör fengust frá Ráðhúsinu að
bærust leyfisumsóknir um starfsemi
af þessu tagi yrðu þær teknar til
skoðunar með jákvæðum hug.
Erfitt að finna staðsetningu
HUNDALEIKSKÓLAR
Gunnar Ísdal
Morgunblaðið/Árni Sæberg
Hundaleikskóli Á Voffaborg er dagurinn í föstum skorðum eins og á öðrum leikskólum borgarinnar. Er ljósmynd-
ara Morgunblaðsins bar að garði í gær var mikið fjör á skólalóðinni. Um 30 hundar hafa verið á Voffaborg.