Morgunblaðið - 06.12.2011, Síða 18

18 FRÉTTIRInnlent
MORGUNBLAÐIÐ ÞRIÐJUDAGUR 6. DESEMBER 2011
BAKSVIÐ
Ómar Friðriksson
omfr@mbl.is
Breytingar á fjárlagafrumvarpi
næsta árs, sem meirihluti fjárlaga-
nefndar hefur samþykkt fyrir þriðju
og síðustu umræðu, fela í sér 522
milljóna kr. hækkun útgjalda frá því
sem áður var lagt til.
Gengur meirihluti nefndarinnar
nú út frá breyttri tekjuáætlun og
gerir ráð fyrir að tekjur ríkisins
verði 1,5 milljörðum kr. meiri á kom-
andi en ráð var fyrir gert í fjárlaga-
frumvarpinu. Þar vegur þyngst
áætlun um 900 milljóna kr. auknar
tekjur vegna úttektar séreignar-
sparnaðar á árinu 2012.
Skv. heimildum blaðsins er einnig
í þessum áætlunum reiknað með að
gistináttagjaldið sem tekur gildi um
áramót skili 35 milljónum til viðbótar
og eftirlitsgjald vegna raforku skili
50 milljóna kr. auknum tekjum á
næsta ári.
Verði fjárlögin afgreidd með þess-
um breytingum er stefnt að 20,7
milljarða halla á árinu 2012.
50 milljónir til Landspítala
Eins og fram kom í Morgun-
blaðinu í gær verður 548 milljónum
bætt við fjárútgjöld Fjármálaeftir-
litsins, en sækja á það fjármagn allt
með hækkun á eftirlitsgjaldi fjár-
málastofnana.
Meirihluti fjárlagnanefndar legg-
ur til fjölmargar tillögur um viðbót-
arútgjöld frá því sem áður var gert
ráð fyrir. Dregið verður úr áður boð-
uðum niðurskurði á heilbrigðisstofn-
unum og er lögð til 77 milljóna kr.
tímabundin hækkun á framlagi til
þeirra. Auk þess verði rekstrarfram-
lag til Landspítalans hækkað um 50
milljónir og um 5 milljónum verði
bætt við útgjöld Sjúkrahússins á Ak-
ureyri. Auk þessa leggur meirihluti
fjárlaganefndar til 150 milljóna kr.
framlag vegna samninga um sjúkra-
flutninga á næsta ári.
Á sviði mennta- og menningar-
málaráðuneytisins eru lagðar til
hækkanir nokkurra útgjaldaliða.
Háskólinn á Akureyri fær 30 millj-
óna hækkun vegna kjarasamninga
og Listaháskólinn 20 milljónir vegna
meistaranáms í myndlist og hönnun
frá og með næsta hausti.
Lögð er til 10 milljóna hækkun
framlags til fornleifanefndar og
sama viðbótarfjárhæð til fjölmiðla-
nefndar. Ýmsir útgjaldaliðir sem
heyra undir innanríkisráðuneytið
eru hækkaðir. Þannig er nú gert ráð
fyrir 190 milljóna kr. tímabundnu
framlagi vegna smíði nýs fangelsis. Í
greinargerð er þetta útskýrt þannig
að um verði að ræða hönnun á nýju
gæsluvarðhalds-, móttöku- og
kvennafangelsi. Heildarkostnaður
við hönnunina er áætlaður 220 millj.
og reiknað er með að þar af verði 30
millj. kr. varið til samkeppni arki-
tekta um hönnun og er miðað við að
sá kostnaður verði fjármagnaður
með yfirfærðum afgangsheimildum
liðarins, eins og það er orðað. Gert er
ráð fyrir að í framhaldinu muni
hönnun byggingarinnar kosta 170
milljónir og að skipting þess kostn-
aðar verði til helminga milli arki-
tekta og verkfræðinga.
Í nefndaráliti kemur fram að inn-
anríkisráðherra muni leggja fram
þingsályktunartillögu um heildar-
stefnumörkun í afplánun dóma og
fangelsisvistun fyrir 1. febrúar 2012.
Nefndarmeirihlutinn leggur einn-
ig til að veitt verði 55 milljóna kr.
framlag til öryggismála í fangelsum.
90 milljóna hækkun sókn-
argjalda þjóðkirkjunnar
Gerð er tillaga um 90 milljóna kr.
hækkun á sóknargjöldum sem skipt
er á ýmsa liði og er það m.a. rökstutt
með því að þjóðkirkjan hafi bent á að
framlög til sóknargjalda hafi lækkað
mun meira en sem nemur hagræð-
ingarkröfu á almennan rekstur.
Framlögin verða því hækkuð um 5%
frá því sem var í frumvarpi til fjár-
laga verði tillagan samþykkt við af-
greiðslu frumvarpsins.
Lögð er til útgjaldaheimild upp á
60 milljónir kr. sem er til komin
vegna hækkunar á tekjuskerðingar-
mörkum húsaleigubóta í 2.250.000
kr. Kostnaður við þessa hækkun er
áætlaður 100 millj. kr. og er framlag
ríkissjóðs 60% af þeirri fjárhæð á
móti 40% framlagi sveitarfélaganna.
Af öðrum breytingum sem meiri-
hluti fjárlaganefndar hefur gert á
fjárlagafrumvarpinu er tillaga um að
framlag til Neyðarlínunnar hækki
tímabundið til eins árs um 20 millj-
ónir til að ljúka vinnu við útkallskerfi
sem ætlað er að vara ferðamenn og
aðra sem eru með gsm-síma á
hættuslóð við tafarlausri hættu.
Minnka niðurskurð sjúkrastofnana
 Meirihluti fjárlaganefndar gengur út frá aukinni tekjuöflun upp á rúmlega 1,5 milljarða kr.  548 millj-
ónum bætt í útgjöldin  190 milljónir í nýtt fangelsi  Hækkun tekna af séreignarsparnaði 900 milljónir
Lokakaflinn Þriðja umræða um fjárlagafrumvarpið verður á Alþingi í dag.
Morgunblaðið/Ómar
Í tillögum meirihluta fjár-
laganefndar kemur fram að
hækka þurfi fjárheimild Lána-
sjóðs íslenskra námsmanna
tímabundið um 270 milljónir
kr.
Þetta á að gera vegna endur-
mats á útgjöldum í tengslum
við átak á sviði vinnumarkaðs-
aðgerða. Stefnt var að því að
skapa námstækifæri fyrir allt
að 1.000 atvinnuleitendur sl.
haust og næstu tvö skólaár á
eftir. Í fjárlagafrumvarpinu var
gert ráð fyrir að 250 manns
færu af atvinnuleysisbótum og
í lánshæft nám. Gert var ráð
fyrir að útlán sjóðsins mundu
aukast tímabundið um 300
milljónir kr. vegna þessa.
„Miðað við upplýsingar
Vinnumálastofnunar í nóv-
ember um stöðu átaksins hafa
um 990 einstaklingar sótt um
þátttöku en þar af er gert ráð
fyrir að um 700 einstaklingar
fari í lánshæft nám hjá LÍN en
um 300 einstaklingar fái fram-
færslustyrk frá Atvinnuleysis-
tryggingasjóði. Áætlað heildar-
framlag ríkissjóðs til LÍN vegna
þessa átaks er því samtals 420
[milljónir],“ segir í nefndaráliti
meirihlutans.
420 milljónir
króna til LÍN
ÁTAK FYRIR ATVINNULAUSA
Morgunblaðið gefur út
glæsilegt sérblað um
Heilsu og hreyfingu
þriðjudaginn 3. janúar 2012.
MEÐAL EFNIS:
Hreyfing og líkamsrækt.
Vinsælar æfingar.
Íþróttafatnaður.
Ný og spennandi námskeið.
Bætt mataræði .
Heilsusamlegar uppskriftir.
Andleg vellíðan.
Bætt heilsa.
Ráð næringarráðgjafa.
Jurtir og heilsa.
Hollir safar.
Bækur um heilsurækt.
Skaðsemi reykinga.
Ásamt fullt af fróðleiksmolum
og spennandi viðtölum.
–– Meira fyrir lesendur
PÖNTUNARTÍMI AUGLÝSINGA:
Fyrir kl. 16, miðvikudaginn 21. des.
NÁNARI UPPLÝSINGAR GEFUR:
Katrín Theódórsdóttir
kata@mbl.is
Sími: 569-1105
Heilsa & hreyfing
SÉRBLAÐ
Heilsa & hreyfing
Þetta er tíminn til að huga
að heilsu sinni og lífstíl og
taka nýja stefnu.
Anna Lilja Þórisdóttir
Hjörtur J. Guðmundsson
Fangelsismálastjóri fagnar tillögu
meirihluta fjárlaganefndar um aukn-
ar fjárveitingar til öryggismála í
fangelsum. Alls er um 55 milljóna
framlag að ræða, 5 milljónir til Hegn-
ingarhússins og fangelsisins í Kópa-
vogi og 50 milljónir til fangelsisins á
Litla-Hrauni. Þetta yrði þá fyrsti lið-
urinn í áætlun um endurbætur og
uppbyggingu öryggisfangelsis þar í
samræmi við skýrslu nefndar um
framtíðarrekstur fangelsisins frá
október 2007.
„Þetta er nákvæmlega það sem
þurfti,“ segir Páll Winkel fangelsis-
málastjóri. „Við tókum nýlega saman
lista yfir helstu atriði sem þurfti að
bæta á Litla-Hrauni og áætlað var að
umbæturnar kostuðu um 50 milljón-
ir.“
Að sögn Páls er þörf á ýmsum bún-
aði og að auki mun margt vera orðið
úrelt. Hann segir að vel hafi verið far-
ið með fjármagn og reynt hafi verið
eftir megni að endurnýja tæki, en það
hafi ekki dugað sem skyldi. „Við þurf-
um að fá leitarskanna, leitarhlið og
aðstöðu til að leita á gestum og í far-
angri. Við þurfum líka aðstöðu fyrir
fíkniefnaleitarhund. Svo þarf að gera
við girðingar og ýmis öryggistæki
eins og myndavélar. Þetta þarf allt
saman að endurnýja, það var orðið
tímabært og frábært að fjárlaga-
nefnd sýni þessum málaflokki svona
mikinn skilning.“
Að sögn Páls verður líklega komið
upp bæði málmleitar- og fíkniefna-
leitarhliði á Litla-Hrauni. Hugsan-
lega verði eitthvað byggt við fangels-
ið. „Það getur verið að byggð verði
lítil viðbygging til að leita á fólki.“
Páll segir að lengi hafi verið barist
fyrir auknum öryggisútbúnaði á Litla
Hrauni. „Við höfum bent á þetta í
meira en tíu ár.“
Framkvæmt fyrir ríkisfé
„Ég er mjög sáttur við þessa nið-
urstöðu,“ segir Ögmundur Jónasson
innanríkisráðherra í um tillögu meiri-
hluta fjárlaganefndar Alþingis. Hann
segist fagna niðurstöðunni enda sé
hún í samræmi við þá stefnu sem
hann hafi lagt áherslu á að fylgt
verði. „Það er að segja nýtt fangelsi á
Hólmsheiði og svo verði aðstaðan á
Litla-Hrauni efld enda sé ég fangels-
ið þar fyrir mér sem þungamiðjuna í
íslensku fangelsiskerfi.“
Aðspurður hvort nýtt fangelsi á
Hólmsheiði verði reist í einkafram-
kvæmd eða fyrir opinbert fé segir
Ögmundur að það sé ekki endanlega
ljóst en hins vegar liggi fyrir að veg-
ferðin verði í það minnsta hafin með
opinberu fé. „Ég hef lagt mjög ríka
áherslu á að framhaldið verði einnig á
slíkum forsendum. En hitt eru samt
ekki neinar deilur um hvort fangelsið
rís á Hólmsheiði og þessi fram-
kvæmd verður ekki stöðvuð.“
Fagna fé til
fangelsismála
 Fíkniefnaleitarhlið og bætt öryggi
Páll
Winkel
Ögmundur
Jónasson