Morgunblaðið - 30.04.2012, Blaðsíða 3

GARÐABÆRINN
Stefán Stefánsson
ste@mbl.is
Mosfellingar fögnuðu gríðarlega í
Garðabænum í gærkvöldi þegar
þeim tókst að tryggja sæti sitt í
efstu deild karla í handbolta með
32:27 sigri á Stjörnunni og fagn-
aðarlætin voru enn villtari eftir að
þeir höfðu verið í miklu basli fram
eftir leik, allt þar til kviknaði í lið-
inu í lokin. Þar sem þetta var annar
sigur þeirra tókst þeim að hrista 1.
deildarlið Stjörnunnar af sér alveg
eins og gerðist í fyrra.
Framan af leik var ekki að sjá að
gestirnir úr Mosfellsbæ gætu nokk-
uð gert í því að Garðbæingum tæk-
ist að knýja fram oddaleik því
Stjörnumenn voru kraftmeiri og oft
kjarkmeiri enda fengu þeir fram í
miðjan síðari hálfleik nokkur tæki-
færi til að ná nokkurra marka for-
ystu. En skjótt skipast veður í lofti
og þegar Garðbæingar gerðust of
æstir í sigur fylgdu því mistök, sem
Mosfellingar nýttu sér. Þegar gest-
irnir misstu leikmann af velli með
rautt spjald og fengu á sig víti var
útlitið ekki gott. Hinsvegar gerði
Davíð Svansson sér lítið fyrir og
varði það. Það sló Garðbæinga al-
veg út laginu svo með 8 mörkum
gegn einu, sem skapaði 7 marka
mun, var ballið búið.
Höfum lært mikið og ári eldri
Davíð fór á kostum í marki Aft-
ureldingar, varði ágætlega framan
af en hrökk svo í gang svo um mun-
aði og eftir að hann varði víti hrökk
liðið alveg í gang. Engu að síður
var markvörðurinn ekki alveg
ánægður með liðið. „Ef ég á að
skoða leikinn handboltalega þá var
þetta hrikalega lélegt hjá okkur og
fyrstu fjörtíu og fimm mínútur voru
lélegar hjá okkur enda gekk
Stjarnan lagið með því að spila
mjög góðan handbolta. Við vorum
engan veginn mættir til leiks en svo
gerist eins og svo oft hjá okkur í
vetur, enda erum við stemmnings-
lið, að um leið og við náum góðum
mörkum, minnkum muninn þar til
við jöfnum og þegar við verjum síð-
an víti kemur krafturinn í leik okk-
ar. Áhorfendur okkar voru líka frá-
bær komnir á útivöll og það
hljómaði „Afturelding“ allan leik-
inn, sem hjálpaði rosalega mikið,“
sagði Davíð eftir leikinn og var
brattur varðandi framtíðina. „Við
höfum lært mikið á þessum vetri,
eins og gamla sagan segir þá erum
við líka einu ári eldri og flottir. Það
hefur allt snúist um hvernig um-
spilið gengi svo það hefur ekkert
verið rætt um framhaldið svo ég
reikna með að nú fari allt í gang
varðandi leikmenn og slíkt“.
Stjörnuliðið, sem hafnaði í þriðja
sæti 1. deildar, sló út Víkinga til að
komast í úrslitarimmuna við Aftur-
eldingu og átti greinilega erindi
þangað fram af en Kristján Svan
Kristjánsson, sem skoraði 4 mörk,
sagði mistökin hafa orðið liðinu að
falli. „Fyrir leikinn voru menn með
rétt hugarfar ákveðnir í að ná úr-
slitaleik en þegar einn fer að leyfa
sér að taka áhættuna gengur það
ekki og ef allir í liðinu fara í það er-
um komin sjö mistök en síðustu tíu
mínúturnar voru allir farnir að
leyfa sér það í stað þess að halda
okkar striki. Við gerðum það í um-
spilinu við Víkinga og unnum báða
leikina,“ sagði Kristján Svan eftir
leikinn.
Morgunblaðið/Kristinn
Fögnuður Leikmenn Aftureldingar fagna sigrinum gegn Stjörnunni í Mýrinni í gærkvöld. Mosfellingar unnu einvígið, 2:0, og halda sæti sínu í efstu deild.
ÍÞRÓTTIR 3
MORGUNBLAÐIÐ MÁNUDAGUR 30. APRÍL 2012
Ólafur Már Þórisson
omt@mbl.is
Breytingatillögu Víkinga var vísað frá á
ársþingi Handknattleikssambands Íslands
sem fram fór um helgina. Hún gerði ráð
fyrir því að leikið yrði í einni 14 liða deild
næsta vetur í stað tveggja deilda eins og
undanfarin ár.
Knútur G. Hauksson sem var endurkjör-
inn formaður sambandsins sagði að tillaga
félagsins væri ekki ný af nálinni. „Svipuð
tillaga og þessi hefur komið fram á síðustu
þremur ársþingum sambandsins. Allir þeir
sem koma að þinginu eru sammála um að
þetta snýst um meiri útbreiðslu. Menn hins-
vegar greinir á um leiðir að því markmiði.
Ég er sannfærður um að þessi tillaga er
ekki besta leiðin til þess. Við teljum að frek-
ar þurfi að fjölga liðum í 1. deildinni en
þessi tillaga hefði að mörgu leyti útilokað
að fá ný félög inn,“ sagði Knútur og benti á
að Þróttur R. ætlaði sér að taka þátt á
næsta ári.
„Tillagan var illa útfærð að því leyti að
hún gerði aðeins ráð fyrir 14 liða deild.
Hvað átti svo að gera þegar fimmtánda liðið
bættist við, eins og raunin er með Þrótt?
Mikilvægast er því að fjölga í 1. deildinni
áður en fjölgað er í efstu deild.“
Knútur sagði að HSÍ væri búið að ráða
nýjan starfsmann sem kemur til með að sjá
um fræðslu- og útbreiðslustarf sambandsins.
Hann bindur miklar vonir við að það eigi
eftir að hjálpa íþróttinni en Árni Stef-
ánsson, fyrrverandi þjálfari hjá ÍBV, HK og
KA, var ráðinn til starfans. Þá segir hann
að unnið verði meira en áður með 1. deild-
inni næsta vetur.
Stærsta breytingin sem var samþykkt við-
kemur lánssamningum. Nú verður félögum
leyft að lána leikmenn allt niður í einn mán-
uð. Þau geta svo kallað leikmenn úr láni
með aðeins 7 daga fyrirvara. Aðeins verður
lokað fyrir lánasamninga frá mars svo það
hafi ekki áhrif á úrslitakeppnir. Þetta ætti
að hjálpa bæði minni liðum sem og yngri
leikmönnum að mati Knúts.
Halda áfram að finna lausnir
Jón Hjaltalín Magnússon, fyrrum formað-
ur HSÍ, sem var fulltrúi Víkings á árs-
þinginu og mælti fyrir breytingartillögunni,
sagði við Morgunblaðið að því miður hefði
meirihluti þingfulltrúa ekki verið tilbúinn
til að styðja tillöguna.
„Félögin eru þó almennt sammála um
nauðsyn þess að fjölga liðum í efstu deild.
Við í Víkingi og fulltrúar annarra 1. deildar
félaga munum nú bara halda áfram að
vinna í endurskipulagningu keppnisfyr-
irkomulags Íslandsmótsins í samstarfi við
öll handboltafélögin og stjórn HSÍ og móta-
nefnd til að finna ásættanlega og varanlega
lausn, handboltanum á landsvísu til heilla,
og leggja fyrir næsta ársþing HSÍ að ári,“
sagði Jón Hjaltalín Magnússon.
Rekstraráætlun HSÍ fyrir 2012 er nei-
kvæð um 25 milljónir króna en Knútur seg-
ir Ólympíuleikana og fleira, vera stóra
áhrifavalda á árinu. Þá segir hann stuðning
frá ÍSÍ, ríkisvaldinu og bakjörlum sam-
bandsins verða að koma til svo ekki komi til
væntanlegs taps sambandsins á árinu. Þrátt
fyrir mikil umsvif á síðasta ári var rekstr-
artapið aðeins um 800 þúsund krónur.
Formaður HSÍ segir tillögu Víkinga ekki bestu leiðina
Þórey RósaStefáns-
dóttir skoraði 3 af
mörkum Team
Tvis Holstebro
þegar liðið sigraði
Randers á heima-
velli, 35:29, í úr-
slitakeppni
dönsku úrvals-
deildarinnar í handknattleik á laug-
ardag. Rut Jónsdóttir leikur einnig
með Holstebro en hún náði ekki að
skora. Holstebro varð efst í sínum
riðli í úrslitakeppninni og mætir Vi-
borg í undanúrslitum en í hinni und-
anúrslitaviðureigninni mætast Midt-
jylland og Randers.
  
Aron Jóhannsson skoraði eitt afmörkum AGF þegar liðið tapaði
fyrir Nordsjælland, 4:3, á útivelli í
dönsku úrvalsdeildinni um helgina.
Aron skoraði þriðja mark sinna
manna og kom þeim í 3:2 undir lok
fyrri hálfleiks en heimamenn
tryggðu sér sigurinn með tveimur
mörkum í seinni hálfleik. Aron lék
allan tímann en þetta var þriðja mark
hans í deildinni. AGF er í 5. sæti
deildarinnar en Nordsjælland er í
öðru sæti.
  
HólmfríðurMagn-
úsdóttir og Krist-
ín Ýr Bjarnadótt-
ir skoruðu sitt
markið hvor fyrir
Avaldsnes þegar
liðið lagði Med-
kila, 2:0, á útivelli
í norsku B-
deildinni í knattspyrnu í fyrradag.
Hólmfríður skoraði fyrra markið á
47. mínútu og 20 mínútum síðar inn-
siglaði Kristín sigur liðsins. Avalds-
nes hefur 6 stig eftir þrjá leiki í deild-
inni.
  
Matthías Vilhjálmsson lagði uppmark Start þegar liðið gerði
1:1 jafntefli við topplið Ranheim í
norsku B-deildinni í knattspyrnu.
Þetta var þriðja jafntefli Start í fjór-
um leikjum. Matthías og Guðmundur
Kristjánsson, sem komu til liðsins
fyrir tímabilið, léku báðir allan tím-
ann fyrir Start sem er í 7. sæti deild-
arinnar með 6 stig eftir fjóra leiki.
  
Íslandsmeistarinn í borðtennis,Guðmundur E. Stephensen, átti
góðan leik með liði sínu Zoetermeer
gegn liði TTV Scyedam frá Amst-
erdam í fyrri undanúrslitaleiknum
um hollenska meistaratitilinn í borð-
tennis en Guðmundur og félagar
unnu, 5:2. Guðmundur byrjaði á því
að sigra Rajko Gommers, 3:0 (11:3,
11:9 og 11: 2), síðan sigraði hann Mic-
hel De Boer, 3:0 (11:7, 11:7 og 11:9).
Guðmundur lék síðan tvíliðaleikinn
með liðsfélaga sinum, Boiris De
Vries, og sigruðu þeir örruglega 3:0
(12:10, 11:3 og 12:10).
Fólk sport@mbl.is
Mýrin, umspil í sæti í N1-deildinni,
sunnudaginn 29. apríl 2012.
Gangur leiksins: 0:1, 2.1, 3.4, 6:5, 7:8,
10:8, 11:11, 13:11, 13:13, 15:13, 17:15,
17:17, 21:19, 21:22, 23:23, 23:28,
24:31, 27:31, 27:32.
Mörk Stjörnunnar: Eyþór Magnússon
7/2, Kristján Svan Kristjánsson 4,
Arnar Jón Agnarsson 4, Víglundur Jarl
Þórsson 4, Haraldur Þorvarðarson
4/1, Sverrir Eyjólfsson 2, Bjarni Jón-
asson 1, Guðmundur Guðmundsson 1.
Varin skot: Björn Viðar Björnsson 12
(þar af 4 til mótherja), Svavar Már
Ólafsson 1 (þar af 1 til mótherja).
Utan vallar: 6 mínútur.
Mörk Aftureldingar: Jóhann Jó-
hannsson 8, Sverrir Hermannsson 6,
Hilmar Stefánsson 5, Einar Héðinsson
5, Jón Andri Helgason 4, Helgi Héð-
insson 2, Pétur Júníusson 1, Fannar
Helgi Rúnarsson 1.
Varin skot: Davíð Svansson 19/1 (þar
af 1 til mótherja).
Utan vallar: 8 mínútur. Þar af fékk
Elvar Magnússon rautt spjald fyrir
brot.
Dómarar: Arnar Sigurjónsson og
Svavar Ó. Pétursson.
Áhorfendur: 300.
Stjarnan – Afturelding 27:32
 Afturelding áfram í efstu deild eftir 32:27 sigur á Stjörnunni í öðrum leik
Eftir basl kviknaði loks
í Mosfellingum eftir hlé