Morgunblaðið - 30.04.2012, Blaðsíða 8

ENGLAND
Sindri Sverrisson
sindris@mbl.is
Ekki er langt síðan margir töldu
Manchester City eiga Englands-
meistaratitilinn vísan. Enn styttra er
síðan flestir höfðu bókað að titillinn
yrði áfram í vörslu Manchester Unit-
ed. Í dag, þegar hvort lið á aðeins þrjá
leiki eftir, einkennist umræðan hins
vegar af mikilli óvissu. Hvort liðið er
líklegra til að verða meistari? Því er
ekki auðsvarað en rimma Manchest-
erliðanna á Etihad-vellinum í kvöld
kl. 19 gæti svo sannarlega ráðið úr-
slitum um það.
„Það er út af svona leikjum sem
maður er ennþá í fótbolta. Leikjunum
sem ráða úrslitum um titla. Aðeins
bikarúrslitaleikir eru stærri. Sem
United-maður er maður vanur svona
leikjum,“ sagði reynsluboltinn Ryan
Giggs sem tekur þátt í slag Man-
chesterliðanna í 36. sinn spili hann í
kvöld. Giggs æfði hjá Manchester
City sem táningur og er vel meðvit-
aður um mikilvægi leiksins.
„Komið að úrslitastund“
„Þetta eru án nokkurs vafa tvö
bestu liðin. City var óstöðvandi fyrir
jól og við máttum hafa okkur alla við
að halda í við þá, en svo höfum við
komist á meira flug í seinni hluta
mótsins. Núna er komið að úrslita-
stund. Liðin eru nánast hnífjöfn og
þetta snýst bara um hvort þeirra
stendur sig betur,“ sagði Giggs.
Þó flestir séu eflaust meðvitaðir
um stöðu mála er best að reifa hana.
Fyrir leikinn hefur United þriggja
stiga forskot en sex mörkum lakari
markatölu. Í lokaumferðunum sækir
City lið Newcastle heim og fær svo
QPR í heimsókn, en United fær
Swansea í heimsókn og sækir svo
Sunderland heim. Vinni United nær
liðið sex stiga forystu og á titilinn vís-
an, og jafntefli skilar liðinu einnig
langt þó að allt geti gerst gegn Swan-
sea og Sunderland. Vinni City hins
vegar í kvöld kemst liðið á toppinn og
hefur þar að minnsta kosti 8 mörkum
betri markatölu.
Leikið til sigurs í kvöld
„Já, þessi leikur er gríðarlega mik-
ilvægur. City hefur beðið eftir svona
leik síðan árið 1968,“ sagði Roberto
Mancini stjóri City og vísaði til þess
þegar liðið varð Englandsmeistari
síðast. Mancini stýrði City til sigurs í
enska bikarnum í fyrra, þess fyrsta í
42 ár, þar sem liðið sló United út í
undanúrslitum. Liðið vann svo hinn
ótrúlega 6:1 sigur á Old Trafford í
haust sem þeir rauðklæddu vilja ef-
laust hefna enn frekar fyrir en með
sigrinum í bikarnum í janúar.
Stjórar liðanna virðast sammála
um það að liðið sem tapi leiknum í
kvöld verði ekki meistari. Sir Alex
Ferguson vildi þó undirstrika að liðið
myndi ekki mæta til leiks með því
hugarfari að ná jafntefli. Það verður
því barist til sigurs á Etihad-vellinum
í kvöld.
„Við erum komnir með reynslu af
svona leikjum. En þetta er náttúrlega
algjör bilun. Maður vill ekki hugsa til
þess að það séu 400 milljónir manns
að fylgjast með. Svo koma símtöl líka,
ekki bara héðan heldur frá Kína,
Bandaríkjunum og fleiri löndum. Það
er ótrúlegt hvað margir fylgjast með
þessum leik,“ sagði Vincent Komp-
any fyrirliði City sem telur að í deild-
arkeppnum heimsins sé það aðeins El
Clásico sem jafnist á við Manchest-
ereinvígin nú um stundir.
Stelur Tévez senunni?
Búast má við að augu margra bein-
ist að hinum umdeilda Carlos Tévez
verði hann í liði City í kvöld. Tévez
hefur byrjað síðustu þrjá leiki liðsins
og skorað í þeim fjögur mörk auk
þess að leggja upp tvö. Argent-
ínumaðurinn er hataður af mörgum
United-mönnum og eflaust þónokkr-
um City-mönnum einnig eftir allt sem
á undan er gengið, en ekki kæmi á
óvart að hann gerði sínum gömlu fé-
lögum grikk í kvöld.
„Carlos er ekki 100% enda er það
ómögulegt eftir að hafa verið án fót-
bolta í hálft ár. En hann hefur reynsl-
una og er snjall leikmaður,“ sagði
Mancini um kappann.
Til gamans má sjá líkleg byrj-
unarlið að mati Morgunblaðsins í
kassanum hér að ofan.
Reuters
Umdeildur Carlos Tévez gæti átt eftir að stela sviðsljósinu á Etihad-vellinum í Manchesterslagnum mikla í kvöld.
„Þetta er algjör bilun“
 Englandsmeistaratitill að veði á Etihad-vellinum í kvöld
 Man. City-menn hafa beðið eftir svona leik í 44 ár
Líkleg byrjunarlið
» Man. City: Hart – Richards,
Kompany, Lescott, Clichy –
Silva, Yaya Touré, Barry, Nasri
– Tévez, Agüero.
» Enginn leikmanna City er í
banni og aðeins Owen Har-
greaves er á meiðslalistanum.
» Man. Utd: De Gea – Small-
ing, Evans, Ferdinand, Evra,
Valencia, Carrick, Scholes,
Young – Rooney, Welbeck.
» Enginn leikmanna United er
í banni en Nemanja Vidic, Dar-
ren Fletcher, Anderson, Andr-
eas Lindegaard og Paul Pogba
eru á meiðslalistanum.
8 ÍÞRÓTTIR
MORGUNBLAÐIÐ MÁNUDAGUR 30. APRÍL 2012
Smiðjuvegi 7 - 200 Kópavogi - Sími: 54 54 300
Opnunartími: 08:00 - 17:00 alla virka daga
www.ispan.is - ispan@ispan.is
CE-VOTTUN ER
OKKAR GÆÐAMERKI
Sérfræðingar í gleri
… og okkur er nánast ekkert ómögulegt
HERT GLER:
Í sturtuklefa • Í handrið • Í skjólveggi
„Menn vilja minnka vægi erlendra
leikmanna svo að þeir íslensku njóti
sín betur. Íslendingarnir fá núna
meira vægi en undanfarin ár. Það
var stór meirihluti fundarins á
þeirri skoðun að fara þessa leið,“
sagði Hannes S. Jónsson formaður
stjórnar Körfuknattleikssambands
Íslands við Morgunblaðið. Á for-
mannafundi KKÍ um helgina, þar
sem fulltrúar 23 félaga voru mætt-
ir, voru samþykktar tillögur sem
gætu haft mikil áhrif á landslagið í
körfuboltanum hérlendis.
Samþykkt var að lið í úrvalsdeild
karla mættu aðeins hafa tvo er-
lenda leikmenn inni á vellinum í
einu, hvort sem væri úr Evrópu eða
utan hennar, og að lið í úrvalsdeild
kvenna og 1. deild karla mættu að-
eins hafa einn erlendan leikmann á
vellinum í einu. Semja má þó við
fleiri erlenda leikmenn.
„Við eigum svo eftir að útfæra
allar þessar reglur og það er flókið.
Stjórnin og starfsmenn sambands-
ins munu liggja vel yfir þessu í maí
svo að í júní verði þessar reglur
klárar,“ sagði Hannes en mörg
tæknileg atriði þarf að útfæra í
sambandi við reglurnar. Þannig
þarf til dæmis að ákveða hvað ger-
ist ef of margir erlendir leikmenn
eru inná á sama tíma, og hvernig
brugðist verður við því í bikar-
keppnum að misræmi sé á milli
reglna í úrvalsdeild og 1. deild
karla. Því er hugsanlegt að í bik-
arleikjum verði aðeins einn erlend-
ur leikmaður inná í hvoru liði.
Athygli vekur misræmi í reglum
fyrir úrvalsdeildir karla og kvenna.
Hannes segir ástæður fyrir því.
„Það var reyndar kosið um 4+1
regluna í úrvalsdeild karla líka en
sú ákvörðun var felld með einu at-
kvæði. Við erum því miður í dag
með færri konur í körfubolta en
karla. Menn vilja gefa íslensku
stelpunum meiri tækifæri en telja
að strákarnir þurfi ekki eins mikið
á því að halda.“
Helstu rökin sem nefnd hafa ver-
ið gegn reglubreytingunum lúta að
stöðu liða á landsbyggðinni sem
hafa átt erfiðara en áður með að fá
til sín íslenska leikmenn undanfarin
ár. Hannes tekur undir þessi rök en
telur breytingarnar íslenskum
körfubolta til framdráttar.
Félagaskiptaglugganum verður
einnig breytt, en dæmi eru um að
félög fái til sín bandaríska leik-
menn jafnvel á seinni stigum úr-
slitakeppni. Núna verður „glugg-
inn“ opinn frá 1. júní til 15.
nóvember, og svo aftur frá 1. jan-
úar til 31. janúar. sindris@mbl.is
„Íslendingarnir fá
núna meira vægi“
 Ólíkar reglur í úrvalsdeild karla og kvenna