Morgunblaðið - 14.05.2012, Blaðsíða 3

Í KÓPAVOGI
Kristján Jónsson
kris@mbl.is
Enginn skortur var á óvæntum úr-
slitum í 1. umferð Pepsí-deildar
kvenna í knattspyrnu sem lauk í
gærkvöldi. Forráðamenn félaganna
spáðu Breiðabliki Íslandsmeist-
aratitlinum í árlegri spá á dögunum
en Fylki var hins vegar spáð 6.
sætinu. Breiðablik undirstrikaði
einnig að reikna má með þeim í
baráttunni um titilinn þegar liðið
sigraði í Lengjubikarnum í vor.
Leikmenn Fylkis voru hins vegar
ekki uppteknir af slíkum vangavelt-
um á Kópavogsvellinum í gær-
kvöldi og leyfðu Breiðabliki aldrei
að ná undirtökunum. Markalaust
var að loknum fyrri hálfleik og
þegar upp var staðið hafði hvort lið
skorað eitt mark og fá sitt hvort
stigið.
Vindurinn hafði sín áhrif
Þar sem Lengjubikarinn er inn-
anhússmót þá voru aðstæðurnar í
gærkvöldi ágæt áminning um það
að innanhúss- og utanhússfótbolti
eru sín hvor útgáfan af íþróttinni. Í
húsunum er hlýtt og notalegt og
hægt að treysta á þægilegt logn. Í
gærkvöldi þurftu liðin hins vegar að
takast á við mjög sterkan vind og
mikinn vindkulda. Ekki sérstaklega
öfundsvert að spila við þessar að-
stæður en svo sem ekki í fyrsta
skipti sem Íslandsmótið hefst í leið-
indaveðri. Umræddar aðstæður
höfðu sjálfsagt talsvert með það að
gera að leikurinn var fremur dauf-
ur á köflum.
Blikar meira með boltann
Fylkir spilaði agað og lék með
fimm manna varnarlínu. Aftasta
línan lenti nokkrum sinnum í vand-
ræðum án þess að Breiðabliki tæk-
ist að nýta sér það. Á heildina litið
varðist Fylkisliðið hins vegar vel en
gaf Blikum eftir að vera með bolt-
ann. Markadrottningin Anna Björg
Björnsdóttir var ein í framlínunni
en tókst engu að síður að gera
varnarmönnum Breiðabliks lífið
leitt. Hún fékk tvö dauðafæri í
leiknum og í síðara skiptið skaut
hún í slána.
Glæsilegt mark Rakelar
Tveimur mínútum eftir sláar-
skotið skoraði Breiðablik glæsilegt
mark. Fanndís Friðriksdóttir tók
hornspyrnu frá hægri á 55. mínútu
og sendi beint á Rakel Hönnudótt-
tur sem klippti boltann í netið með
vinstri fæti utarlega úr teignum.
Mikill stíll yfir þessu marki. Leik-
menn Fylkis hættu þó ekki að berj-
ast og uppskáru jöfnunarmark á 76.
mínútu. Fyrirliðinn Hrafnhildur
Hekla Eiríksdóttir stýrði boltanum
í netið eftir hornspyrnu Margrétar
B. Ástvaldsdóttur.
Blikaliðið spilaði ekki eins og
meistaraefni í gærkvöldi en liðið
vantaði aðallega að búa til fleiri
færi. Björk Gunnarsdóttir fékk til
að mynda úr litlu að moða í fram-
línunni. Rakel Hönnudóttur er hins
vegar komin á blað hjá Breiðabliki
og var mjög áberandi í leiknum.
 Á mbl.is/sport eru myndband-
sviðtöl við Hlyn Eiríksson þjálfara
Breiðabliks og Jón Pál Pálmason
þjálfara Fylkis.
Morgunblaðið/Eggert
Fyrsti Rakel Hönnudóttir lék sinn fyrsta leik með Breiðabliki á Íslandsmóti, skoraði flott mark, og skallar hér boltann af krafti í áttina að marki Fylkis.
Góð byrjun Fylkiskvenna
 Náðu stigi gegn Breiðabliki á útivelli  Rakel Hönnudóttir komin á blað hjá
Blikum  Erfiðar aðstæður á Kópavogsvelli  Fylkisliðið varðist vel
ÍÞRÓTTIR 3
MORGUNBLAÐIÐ MÁNUDAGUR 14. MAÍ 2012
Eyjakonur sýndu
og sönnuðu að
þær eru til alls
líklegar í fótbolt-
anum í sumar
þegar þær lögðu
bikarmeistara
Vals að velli í
Vestmanna-
eyjum í gær, 4:2,
í fyrstu umferð
Pepsi-deildar-
innar.
Valur virtist þó stefna í þægileg-
an sigur því staðan var orðin 2:0
fyrir Hlíðarendaliðið eftir aðeins
fimm mínútur. Dóra María Lár-
usdóttir, nýkomin heim frá Bras-
ilíu, skoraði fyrst þegar hún fylgdi
eftir sláarskoti og síðan Dagný
Brynjarsdóttir.
Það var ekki fyrr en hálftími var
eftir af leiknum sem Danka Podo-
vac náði að minnka muninn fyrir
ÍBV með glæsilegu marki, beint úr
aukaspyrnu. Vesna Smiljkovic jafn-
aði, 2:2, þegar Brett Maron í marki
Vals hélt ekki boltanum eftir fyr-
irgjöf.
Shaneka Gordon, sem skoraði 12
mörk fyrir Grindavík í deildinni í
fyrra, kom inná sem varamaður og
bætti við þriðja markinu skömmu
fyrir leikslok og Kristín Erna Sig-
urlásdóttir innsiglaði sigurinn í blá-
lokin. Tvö síðari mörkin komu bæði
eftir stungusendingar innfyrir
Valsvörnina.
Kristín jafnaði í lokin
Nýliðar FH virtust ætla að leggja
Aftureldingu í Mosfellsbænum í
gærkvöld en Guðrún Bentína Frí-
mannsdóttir skoraði úr vítaspyrnu
strax á 5. mínútu eftir að brotið var
á Anítu Lísu Svansdóttur. En í upp-
bótartíma jafnaði Kristín Tryggva-
dóttir, 1:1, eftir að Carla Lee sendi
boltann til hennar.
Sviptingar á Selfossi
Nýliðar Selfoss gerðu jafntefli,
3:3, við KR í sínum fyrsta leik í
efstu deild, eftir að hafa komist í
2:0 og misst það niður í 2:3. Valerie
O’Brien skoraði tvö fyrri mörk Sel-
fyssinga og það var síðan Eva Lind
Elíasdóttir sem jafnaði seint í leikn-
um. Í millitíðinni skoruðu Ólöf G.
Ísberg, Freyja Viðarsdóttir og
Anna Garðarsdóttir fyrir KR-inga.
vs@mbl.is
ÍBV tilbú-
ið í topp-
slaginn?
Kristín Erna
Sigurlásdóttir
Víðir Sigurðsson
vs@mbl.is
„Ég flýg bara á milli Reykjavíkur og
Akureyrar því ég er í miðjum stúd-
entsprófum og að búa mig undir líf-
fræðipróf á þriðjudag,“ sagði Katrín
Ásbjörnsdóttir, hetja Þórs/KA í gær,
en hún skoraði tvö mörk og lagði upp
það þriðja þegar Akureyrarliðið skellti
Íslandsmeisturum Stjörnunnar, 3:1, í
fyrstu umferð Íslandsmóts kvenna í
fótbolta í Boganum á Akureyri.
Stjarnan komst yfir snemma þegar
Ásgerður Stefanía Baldursdóttir skor-
aði úr vítaspyrnu. Katrín svaraði því
með tveimur mörkum og það þriðja
kom þegar Sandra Sigurðardóttir
varði skot hennar en Sandra María
Jessen fylgdi á eftir og innsiglaði
frekar óvæntan sigur Akureyrarliðs-
ins.
„Ég held að það hafi engir reiknað
neitt sérstaklega með okkur. Það er
ágætt því við komum alveg stress-
lausar í þennan leik. Liðið er mikið
breytt en við erum tilbúnar í allt og
mórallinn er mjög góður, sem er
lykilatriði. Það var gaman að byrja
gegn Íslandsmeisturunum og virki-
lega sætt að vinna þá,“ sagði Katrín,
sem kom til liðs við Þór/KA frá KR
í vetur.
Hún var komin í A-landsliðshóp-
inn sem fór til Algarve í lok febrúar
en meiddist þar á æfingu og spilaði
ekkert. „Þetta er búið að vera
skrýtið undirbúningstímabil því ég
fór í aðgerð í nóvember, meiddist á
hné á Algarve og hef síðan aðeins
náð að æfa fótbolta í mánuð fyrir
mótið. Svo flyt ég ekki norður fyrr
en í júní vegna prófanna. Það er nóg
að gera en það gerir þetta bara
skemmtilegra,“ sagði Katrín Ás-
björnsdóttir sem er á náttúru-
fræðibraut í MR.
Ljósmynd/Þórhallur Jónsson
Aðalhlutverk Katrín Ásbjörnsdóttir byrjaði vel með Þór/KA í gær, skoraði tvö mörk og lagði eitt upp. Hér á
hún í höggi við Eddu Maríu Birgisdóttur í leiknum í Boganum.
Stórleikur í miðjum
stúdentsprófum
 Katrín hetja Þórs/KA í sigri á Stjörnunni