Morgunblaðið - 22.08.2012, Qupperneq 2

Áslaug Arna Sigurbjörnsdóttir
aslaug@mbl.is
Tvímælalaust væri um stór skref
afturábak að ræða ef lokað yrði fyrir
aðgang lögreglu á Íslandi að SIS,
upplýsingakerfi Schengen, en það
myndi gerast ef Ísland segði sig úr
Schengen-samstarfinu. Þetta er
meðal þess sem kemur fram í nýrri
skýrslu innanríkisráðherra um
Schengen.
Í skýrslunni segir að SIS-kerfið
sé eitt mesta afrek á vettvangi evr-
ópskrar samvinnu í baráttunni gegn
skipulagðri glæpastarfsemi, en með
kerfinu er m.a. hægt að sjá hvaða
einstaklingar eru eftirlýstir á svæð-
inu. Án kerfisins þyrfti að styðjast
eingöngu við gagnabanka Interpol
sem sé mun takmarkaðri.
Skýrslan var unnin að beiðni
Bjarna Benediktssonar, formanns
Sjálfstæðisflokksins, og fleiri þing-
manna. Skýrslan fjallar um Schen-
gen-samstarfið, markmið þess, kosti
og galla.
Vandi utan Schengen einnig
Einnig kemur fram í skýrslunni að
kjósi Ísland að eiga áfram aðild að
Schengen-samstarfinu yrði helsta
áskorunin að halda í við samstarfið
og aukinn vöxt þess. Aukinn vöxtur
samstarfsins felst m.a. í fjölgun
landa innan samstarfsins og nýjum
möguleikum sem opnast hafa með
þróun á tækni til landamæraeftirlits.
Í skýrslunni er sagt að ekki sé
hægt að greina bein tengsl milli inn-
göngu Íslands í Schengen-samstarf-
ið og þeirrar aukningar í skipulagðri
brotastarfsemi sem orðið hefur hér á
landi undanfarin ár. Tekið er dæmi
um að í Bretlandi hafi slík glæpa-
starfsemi færst í vöxt og útlending-
um þar fjölgað en Bretland standi
samt sem áður fyrir utan Schengen.
Geta hafið eftirlit
Ísland hefur nokkrum sinnum nýtt
heimild til að taka upp tímabundið
eftirlit á innri landamærum sínum. Í
skýrslunni segir að áhættumat eða
sérstök ástæða hafi ávallt legið til
grundvallar ákvörðun um tíma-
bundna endurupptöku eftirlits á
innri landamærum. Ísland nýtti
þetta meðal annars vegna komu
Hells Angels meðlima hingað til
lands.
Þá segir í skýrslunni að sjálfsagt
sé að vega og meta hvort ágóðinn af
þátttöku í Schengen-samstarfinu
vegi þyngra en ókostirnir sem stafa
af hinni frjálsri för.
Vissu ekki hverjir væru eftirlýstir
 Aðgangur að upplýsingakerfi Schen-
gen mikilvægur  Innra eftirlit heimilt
Morgunblaðið/Sverrir
Eftirlit Tímabundið landamæraeftirlit var tekið upp þegar Vítisenglar
komu til landsins, sumir þeirra voru frá Norðurlöndunum.
2 FRÉTTIRInnlent
MORGUNBLAÐIÐ MIÐVIKUDAGUR 22. ÁGÚST 2012
Til Sölu.
Jörðin Knappsstaðir í Fljótum Skagafirði.
Tilboð óskast í jörðina.
Allar nánari upplýsingar,
Ágúst - fasteignasala Sauðárkróks
s. 453 5900 og Dagur s. 822 8032
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Reykjavík Dance Festival hófst í gær og stendur
til 31. ágúst. Þrjátíu dansarar taka þátt í sýning-
unni, en dagskráin er virkilega fjölbreytt og
fjörug. Í dag geta meðal annars allir dansað sem
vilja í hádeginu í Hörpunni og í kvöld er sýnt
verk á Dansverkstæðinu við Skúlagötu 30. »30
Morgunblaðið/Sigurgeir S.
Allir geta dansað sem vilja
Úrsögn úr Schengen myndi
einnig þýða upptöku landa-
mæraeftirlits gagnvart Norð-
urlöndum og þar með vænt-
anlega úrsögn úr Norræna
vegabréfasamningnum.
„Spurning er hvaða önnur
áhrif fylgdu í kjölfarið varðandi
samstarf við Norðurlönd en það
hefur verið afar náið um langa
hríð. Þá myndi úrsögn úr Schen-
gen-samstarfinu loka á þá
greiðu og skilvirku lögreglu-
samvinnu sem Ísland hefur nú
aðgengi að, auk þess sem EES-
samstarfið kæmist fyrirsjáan-
lega í uppnám vegna úrsagn-
arinnar,“ segir í svarinu.
Úrsögn lokar
á samvinnu
EES KÆMIST Í UPPNÁM
Karlmaðurinn
sem lést í mótor-
hjólaslysi á Sand-
skeiði á sunnudag
hét Vilhjálmur
Freyr Jónsson
véltæknifræðing-
ur.
Vilhjálmur
Freyr var 46 ára,
fæddur 18. októ-
ber 1965.
Vilhjálmur Freyr var frumkvöðull
í jeppaferðalögum um Ísland og
raunar víðar því hann varð árið 1989
fyrstur, ásamt félögum sínum, til að
aka jeppa yfir Grænlandsjökul.
Vilhjálmur Freyr vann mikið við
útfærslur á fjöðrunarbúnaði og alls-
kyns hlutum tengdum breyttum
jeppum og tæknilegum úrlausnum
sem tengjast ferðalögum á jeppum.
Hann starfaði auk þess meðal annars
fyrir Jöklarannsóknafélag Íslands
og Toyota.
Vilhjálmur Freyr lætur eftir sig
eiginkonu og fjögur börn.
Lést í mót-
orhjólaslysi
Vilhjálmur Freyr
Jónsson
Miðar á þriðju Eldborgartónleika
Stuðmanna í Hörpu, 6. október,
seldust upp á nokkrum klukku-
stundum.
Áður hafði selst upp á tvenna tón-
leika á mettíma. „Þetta er mesti
hraði sem nokkur hljómsveit hefur
selt miða í þetta hús,“ segir Jakob
Frímann Magnússon. Verið sé að
kanna möguleika á fjórðu tón-
leikunum.
Þetta er í fyrsta skipti í nokkurn
tíma sem Stuðmenn koma saman en
tilefnið er 30 ára afmæli kvikmynd-
arinnar Með allt á hreinu sem enn er
aðsóknarmesta íslenska kvikmynd
sögunnar, bendir Jakob á.
Enn uppselt
á Stuðmenn
Morgunblaðið/ÞÖK
Stuð Frá tónleikum Stuðmanna.
Öryggisgæslan á landsleik Íslands og Ísraels í und-
ankeppni Evrópumóts karla í körfuknattleik í Laug-
ardalshöllinni í gærkvöldi var mun strangari en
gengur og gerist hérlendis. Stjórnarmaður í Körfu-
knattleikssambandi Íslands tjáði Morgunblaðinu að
þessi háttur væri jafnan hafður á í kringum leiki
ísraelska liðsins í stórmótum og öryggis leikmanna
þeirra væri vel gætt.
Ísland hefur hins vegar ekki mætt Ísrael áður á
heimavelli og því hafa menn ekki kynnst slíkum til-
burðum fyrr. Leyniþjónustumenn frá Ísrael stóðu
vaktina í Höllinni í gærkvöldi en lögreglumenn frá
ríkislögreglustjóra komu einnig að gæslunni.
Fulltrúi frá Ísrael kom hingað til lands síðastliðinn
föstudag samkvæmt heimildum Morgunblaðsins til
þess að taka út hótel og keppnisstaðinn. Þá fór fram
sprengjuleit í rútunni sem flutti lið Ísraels á milli
staða. » Íþróttir
Ísraelar tóku enga
áhættu á Íslandi
 Öryggis körfuboltalandsliðsins vel gætt
Leikur Ísland tapaði
fyrir Ísrael.