Morgunblaðið - 22.08.2012, Side 16
16 FRÉTTIRInnlent
MORGUNBLAÐIÐ MIÐVIKUDAGUR 22. ÁGÚST 2012
SÍÐUSTU DAGAR ÚTSÖLUNNAR
ENN MEIRI AFSLÁTTUR
Villingaholtskirkja í Flóa.
Á þessu ári er Villingaholtskirkja í
Flóa 100 ára. Þess verður minnst
við hátíðarmessu kl. 13:30 á sunnu-
dag.
Nýlega var lokið við að mála
kirkjuna að innan og vinna við
kirkjugarð stendur yfir. Tilkynnt
hefur verið um gjafir, sem afhenda
á við þetta tækifæri.
Eftir messu verður boðið til sam-
sætis í Þjórsárveri en þar munu
kvenfélagskonur sjá um veitingar. Í
samsætinu verður saga Villinga-
holtskirkju rakin í stuttu máli.
Aldarafmæli kirkju
Símalandssöfnun er hafin fyrir
Fjölskylduhjálp Íslands. Í tilkynn-
ingu frá samtökunum segir að mikil
þörf sé á aðstoð til þeirra sem
standi höllum fæti í þjóðfélaginu og
því sé biðlað til landsmanna, jafnt
fyrirtækja og einstaklinga. Margt
smátt geri eitt stórt.
Fram kemur að á árinu 2011 hafi
verið afgreiddar 26 þúsund matar-
gjafir til yfir 5.000 fjölskyldna og
einstaklinga víða um land. Þá séu
samtökin með 1.150 skjólstæðinga
með erlent ríkisfang og þeim fjölgi
stöðugt. Matargjafir til þessa hóps
hafi verið 8.070 árið 2011.
Nytjamarkaður opnaður
Í dag, 22. ágúst, verður kjóla- og
nytjamarkaður Fjölskylduhjálpar
Íslands opnaður í Eskihlíð í Reykja-
vík eftir breytingar. Verður nytja-
markaðurinn opinn alla virka daga
frá kl. 12 til 16:30.
Þá er kjóla- og nytjamarkaður
Fjölskylduhjálpar Íslands í Reykja-
nesbæ opinn á sama tíma en þar
verður að auki opið á laugardögum.
Morgunblaðið/Ómar
Matargjafir Sjálfboðaliði hjá Fjölskylduhjálp Íslands afgreiðir mjólk og matvæli.
Landssöfnun fyrir Fjölskylduhjálp Íslands
Alþjóðleg hundasýning Hunda-
ræktarfélags Íslands verður haldin
helgina 25.-26. ágúst að Kletta-
görðum 6 í Reykjavík.
Alls verða sýndir 719 hreinrækt-
aðir hundar af 83 hundategundum
og hefjast dómar kl. 9 báða daga og
standa fram eftir degi.
Sex dómarar frá fjórum löndum:
Belgíu, Finnlandi, Írlandi og Slóv-
eníu dæma í sex sýningarhringjum
samtímis. Úrslit báða dagana hefj-
ast um kl. 13:30 og þá kemur í ljós
hvaða hundar bera af að mati
dómara.
Að þessu sinni taka 25 ungmenni
þátt í keppni ungra sýnenda, föstu-
daginn 24. ágúst kl. 19.
Gestum gefst kostur á að kynnast
hundum og ræða við hundeigendur
og sýnendur og að auki er fjöldinn
allur af sölu- og kynningabásum á
staðnum þar sem ýmis tilboð verða
í gangi. Áhorfendum er leyfilegt að
koma með sína eigin stóla og sitja
við sýningahringi.
Í tilkynningu segir að megintil-
gangur hundasýninga sé að meta
hundana út frá ræktunarmarkmiði
hvers kyns og leiðbeina ræktendum
þannig í starfi sínu.
Allir í röð Hundar á sýningu.
Alþjóðleg hundasýn-
ing um helgina
Haustdagskrá Alþjóðamálastofnunar hefst föstudaginn
24. ágúst með fyrirlestri Ingo Heidbrinks, prófessors
við Old Dominion University í Norfolk í
Bandaríkjunum.
Fram kemur í tilkynningu að rannsóknir á sögu
þorskastríðanna hafi liðið fyrir það að gögn um átökin
í skjalasafni Atlantshafsbandalagsins hafi ekki verið
aðgengileg. Á síðustu árum hafi hins vegar orðið
breyting á. Fræðimönnum hafi verið leyft að skoða
ýmsar heimildir um þessa sögu og þeir því endur-
skoðað fyrri sjónarmið um hana.
Í fyrirlestrinum verði vikið að þessari nýju sýn og
vakið máls á því hvort hinar nýju heimildir kalli á heildarendurskoðun á
sögu þorskastríðanna, eða hvort þær fylli aðeins inn í þá mynd sem hafi
löngum verið dregin upp af átökunum.
Fyrirlesturinn fer fram í Odda 101 milli klukkan 12 og 13.
Nýjar rannsóknir á þorskastríðunum
Ingo Heidbrink.
Skiptibókamarkaðurinn Skipta.is
hóf göngu sína á netinu í lok júlí.
Fram kemur í tilkynningu að vef-
urinn sé unninn af tveimur nem-
endum við Verzlunarskóla Íslands
sem voru orðnir leiðir á hefð-
bundnum skiptibókamörkuðum
bókabúðanna.
Ekkert kostar að vera notandi á
vefnum og enginn milliliður er í
viðskiptunum. Fram kemur í til-
kynningunni að þetta framtak hafi
fengið góðar viðtökur og þegar séu
komnar um 700 bækur á skrá.
Skiptibókamark-
aður á netinu
STUTT
Davíð Már Stefánsson
davidmar@mbl.is
„Venjulega er ekki verið að gera það
núna, þetta er svona vetrarverkefni.
Gróðurinn er náttúrulega búinn að
vaxa í sumar svo að auðvitað getur
einhverstaðar verið eitthvað sem
þarf að taka. Við reynum náttúru-
lega bara að bregðast við ábend-
ingum ef það eru einhverjir staðir
sem þarf að snyrta,“ segir Þórólfur
Jónsson, garðyrkjustjóri í
Reykjavík.
Illa hirt svæði innan borgar-
innar hafa verið talsvert í deiglunni
að undanförnu. Margir telja hættu
getað skapast af, til dæmis í Elliða-
árdalnum þar sem gróður teygir sig
inn á hjólastíga. Þórólfur segist þó
ekki hafa orðið var við slys af völdum
illa hirtra svæða.
„Slíkar tilkynningar berast ekki
hingað. Ég hef grun um að mest af
þessu sé ekkert endilega tilkynnt, þó
að fólk rekist eitthvað saman á
hjólum,“ segir hann.
Þórólfur segir að hefðbundið sé
að gengið sé í klippingar á trjám á
veturna, meðal annars vegna þess að
þá sé það best fyrir plönturnar sjálf-
ar.
„Það eru skiptar skoðanir á því
hversu mikið á að klippa hverju
sinni. Við reynum að gera þetta
þannig að það þurfi ekki að gera
þetta árið eftir,“ segir garðyrkju-
stjórinn.
Oft um einkalóðir að ræða
Að sögn Þórólfs er þó ekki alltaf
um lóðir í eigu borgarinnar að ræða.
„Það er oft tekin rassía í því að
bera athugasemdir í hús því þetta
eru oft garðar í einkaeign. Í raun
hefur sveitarfélagið heimild til að
gera þetta á kostnað húseigenda eða
lóðareigenda ef þeir sinna því ekki.
Þá þarf náttúrulega samt að gefa
honum færi á að gera þetta fyrst. Við
höfum samt aldrei látið reyna á að
fara alla leið í slíkum málum. Það var
hugleitt að fara í átak í því að beita
þessu ákvæði. það kom þó aldrei til
þess. Það hefur komið fyrir í erfiðum
dæmum að við höfum einfaldlega far-
ið og klippt án þess að vera með neina
frekari eftirmála. Það telst til þó und-
antekninga ef borgin er eitthvað beita
sér á þennan hátt,“ segir Þórólfur.
„Það er kannski eitt hverfi tekið
fyrir í einu og þetta gert. Við gerum
þetta náttúrlega bara þegar hefð-
bundinn klippitími er, sem er á vet-
urna. Við sendum því athugasemd-
irnar út þá og hvetjum fólk til að gera
eitthvað í sínum málum.“ Hann tekur
það jafnframt fram að stærri klippi-
eða grisjunarverkefni á borgarlóðum
séu sett í salt fram á vetur en að hægt
sé að sinna minni verkefnum á sumr-
in.
Gróður í borginni
klipptur á veturna
Morgunblaðið/Sigurgeir S.
Gróið Stígar í Elliðaárdalnum eru víða þröngir sökum gróðurs.
Garðyrkjustjóri segir þó að tekið sé mark á ábendingum
Slysagildra Hætta er á að hjól-
reiðamenn rekist saman.
Vetrarverk Borgin bíður yfirleitt
fram á vetur með að snyrta gróður.