Morgunblaðið - 22.08.2012, Page 31
MENNING 31
MORGUNBLAÐIÐ MIÐVIKUDAGUR 22. ÁGÚST 2012
Júlía Margrét Alexandersdóttir
julia@mbl.is
Óvenjulegt leikverk er frumsýnt í
kvöld í Gym og Tonic-salnum á Kex
hosteli. Verkið heitir Pick up 52 á
frummálinu en það skemmtilega er
að engar tvær sýningar eru eins. Í
upphafi sýningarinnar er 52 spilum
fleygt á gólfið og þau dregin af
handahófi. Hvert spil inniheldur
stutta senu sem ber nafn atriðisins
en spilastokkurinn í heild fjallar um
ástarsamband manns og konu.
„Spilin innihalda eins konar
minningabrot og spanna tímabil frá
því að þau kynnast þar til tveimur
árum eftir að sambandi þeirra lýk-
ur. Þetta verður því ekki ruglings-
legt þrátt fyrir að þessi háttur sé
hafður á en líkurnar á því að sama
leiksýningin sé leikin tvisvar eru
engar,“ segir leikkonan Melkorka
Óskarsdóttir. Á móti henni leikur
Hannes Óli Ágústsson og leikstjórn
er í höndum Vignis Rafns Valþórs-
sonar.
Leikverkið er kanadískt að upp-
runa, eftir TJ Dawe og Ritu Bozi,
en það var fyrst sýnt á Fringe-
hátíðinni í Montreal árið 2000 þar
sem það hlaut Chapter’s Best Text-
verðlaunin. Verkið hefur verið sýnt
víða um heim eftir það en Melkorka
sjálf snaraði verkinu yfir á ís-
lensku.
„Við Hannes erum gamlir félagar
en ég lærði leiklist úti í London og
hann hér heima svo að við höfum
ekki unnið saman frá því í Stúd-
entaleikhúsinu. Vignir Rafn og
Hannes Óli hafa meðal annars unn-
ið saman í verkinu Munaðarlaus
sem sett var upp árið 2010.“
Tvær sýningar verða í Reykjavík,
í kvöld og föstudaginn 24. ágúst, en
sýningar hefjast klukkan 18. Þá eru
tvær sýningar fyrirhugaðar fyrstu
helgina í september á Akureyri.
Hægt er að panta miða á fimm-
tiuogtveir@gmail.com eða kaupa
þá við innganginn.
„Þetta er skemmtilegur salur
sem við leikum í og mjög notalegur
fyrir gesti. Leikurinn er nokkur
áskorun því þetta er svo handahófs-
kennt og maður veit aldrei hvað er í
vændum. Eins og með minning-
arnar, þær koma ekki upp í neinni
sérstakri röð eða réttri tímalínu.“
Hópur Hannes Óli Ágústsson, Vign-
ir Rafn og Melkorka Óskarsdóttir.
Leiksenur dregn-
ar úr spilastokki
Nýstárleg nálgun á Kex hosteli
Nethyl 2 110 Reykjavík Sími 568 1245
Sérfræðingar í
líkamstjónarétti
Veitum fría ráðgjöf
fyrir tjónþola
Pantaðu tíma: fyrirspurnir@skadi.is
www.skadi.is
Þ. Skorri
Steingrímsson,
Héraðsdóms-
lögmaður
Steingrímur
Þormóðsson,
Hæstaréttar-
lögmaður
Bíldshöfði 14 » 110 Reykjavík » Sími 567 6744 » gsvarahlutir.is
Triscan gormar, bremsu- og stýrishlutir
Pöntum á fimmtudögum, varan komin á mánudegi