Morgunblaðið - Sunnudagur - 23.06.2013, Blaðsíða 19

23.6. 2013 MORGUNBLAÐIÐ SUNNUDAGUR 19
Ljósmynd/WienTourismus og Peter Rigaud
Þeir sem hafa fengið nóg af borginni, listinni, kaffihúsunum og börunum
geta skellt sér aðeins út fyrir borgarmörkin. Það er einfalt og aðeins 20
mínútna ferðalag út í sveit með almenningssamgöngum.
Fjallahjólatúr um Vínarskóg við Kahlenberg, bæjarfjall Vínar,
svíkur engan. Til að komast þangað er best að koma sér að jarðlest-
arstöðinni Heiligenstadt (U4) og taka þaðan sporvagninn D að Nuss-
dorf. Ferð í lestinni kostar 2 evrur og dugar einnig fyrir sporvagninn. Af
sporvagnsstöðinni skal gengið beint yfir götuna, til vinstri meðfram
húsalengju og síðan til hægri í gegnum undirgöng og þá til vinstri upp
með Dóná.
Eftir 5-10 mínútna göngu er komið að hjólaleigunni Donau-Fritzi
sem leigir út mjög góð fjallahjól á sanngjörnu verði. Hjól af gerðinni
KTM Sedona, 26 tommur að
stærð, 27 gíra með Deore XT
skiptingum og með dempara
sem hægt er að læsa og losa í
stýringu, kostar 8 evrur klukku-
stundin en 36 evrur fyrir dag-
inn. Hægt er að leigja ódýr-
ari hjól en einnig dýrari
rafmagnshjól.
KTM Sedona-hjólið sem blaðamaður leigði var í mjög góðu ástandi,
gírarnir hárrétt stilltir og bremsurnar í góðu lagi – og ekki veitti af í
bröttum hlíðum Vínarskógar. Ekki er hægt að leigja hjálm á staðnum og
því þarf annaðhvort að taka með sér hjálm að heiman eða kaupa
sér nýjan og flottan í Vín. Einnig er hægt að kaupa hjálm á staðnum.
Starfsfólk Donau-Fritzi
talar litla ensku en er
mjög hjálplegt og það er
ekkert mál að leigja hjól
þó þú kunnir enga þýsku.
Það má alveg segja: Gu-
ten tag, Ich möchte Fa-
hrrad verleihen, bitte. En
það er ekki nauðsynlegt.
Hjólreiðar eru einfaldar.
Þegar beðið var um
kort af skemmtilegustu
stígunum var komið að
tómum kofunum. Ekkert
slíkt var til en það reyndist sem betur fer einfalt að finna stígana;
það eina sem þurfti að gera var að hjóla til baka í gegnum undirgöngin
og svo upp í mót. Hjólað er í gegnum snoturt þorp og síðan taka all-
brattar brekkur við. Fylgið skiltum sem vísa á Kahlenberg. Efst uppi og
víða á leiðinni er ægifagurt útsýni yfir Vín, Dóná og vínakra. Aðeins þarf
að hafa augun hjá sér til að finna skógarstígana en inni í skóginum eru
stígarnir ágætlega merktir. Stígarnir eru af öllum gerðum og
stærðum, misbrattir og sumir
þannig að varla er hægt að hjóla
niður þá nema með því að liggja
á bremsunni. Frábært fjör! Eftir
nokkra spretti upp og niður er
nánast skylda að setjast niður á
einhverjum af mörgum veitinga-
stöðum í skóginum og fá sér
hressingu.
Hægt er að gera mikið á hálf-
um degi – Donau-Fritzi er opnað
klukkan 8 og þriggja tíma hjólatúr ætti að duga flestum nema hörðustu
nöglunum.
Meira um leiguna á www.donau-fritzi.at.
Frábærir stígar um Vínarskóg í
seilingarfjarlægð frá miðborginni
Ljósmynd/ WienTourismus og Popelka & Popelka
Morgunblaðið/Rúnar Pálmason
Ljósmynd/WienTourismus og Popp & Hackner
Sjálfsagt er að fara í spássitúr um
miðborgina, með eða án leiðsagn-
ar. Þeir sem hafa gaman af dóm-
kirkjum geta kíkt inn í Steph-
ensdom en það tekur því hins
vegar varla að fara upp í turninn.
Útsýnið þar er takmarkað, miðinn í
lyftuna kostar 5 evrur og starfs-
fólkið er skapstyggt.
TAKMARKAÐ ÚTSÝNI ÚR
DÓMKIRKJUTURNINUM
Ljósmynd/WienTourismus og Karl Thomas
Í stað þess að fara í dómkirkjuturninn skal mælt með veitingastaðnum
á efstu hæð Sofitel, lúxushótels skammt frá (www.sofitel.com).
Allra best er að fara þangað rétt fyrir sólsetur og fylgjast með myrkr-
inu færast yfir borgina og sjá helstu byggingar hennar upplýstar. Stað-
urinn er ekki ódýr en hægt er að fá lítinn bjór á 3,7 evrur og fremur
slappa klúbbsamloku með frönskum á 14 evrur en ágætt sesarsalat
fyrir sama pening. Útsýnið er á hinn bóginn frábært, stemningin á
staðnum góð og einstök hönnun staðarins er vel þess virði. Loftið á
staðnum hannaði hinn heimsfrægi franski arkitekt Jean Nouvel. Marg-
ir muna eftir tillögu hans að tónlistarhúsi í Reykjavík en samkvæmt
hans tillögu hefði byggingin verið falin inni í holtum og hæðum. Þegar
loftið á Sofitel-veitingastaðnum speglast í gluggunum er engu líkara en
að orkusvið hafi opnast yfir Vín – hrein snilld.
ORKUSVIÐ OPNAST YFIR VÍNARBORG
Ef svo ólíklega vill til að einhver hafi
meiri áhuga á að leika sér en að
hjóla upp og niður brekkur má
mæla með Waldseilpark, einum
stærsta klifurgarði Austurríkis,
sem er í hlíðum Kahlenberg. Þar er
hægt að klifra í trjám frá einum upp
í 18 metra, renna sér eftir línu á
milli trjátoppa, síga og fíflast. Boðið
er upp á mismunandi brautir eftir
stærð klifurkattanna, frá 110 cm og
upp úr.
Meiri upplýsingar á:
www.waldseilpark-kahlenberg.at
STÆRSTI KLIFURGARÐ-
UR AUSTURRÍKIS VIÐ
BORGARMÖRKIN