Morgunblaðið - 01.07.2013, Síða 7

FRÉTTIR 7
MORGUNBLAÐIÐ MÁNUDAGUR 1. JÚLÍ 2013
Samgöngustofa
Rannsóknarnefnd samgönguslysa
rannsakar tildrög þess að bát-
urinn Þórsnes II strandaði við
Skoreyjar á Breiðafirði sl.
fimmtudag. Engan sakaði í óhapp-
inu sem talið er að hafi orðið
vegna mannlegra mistaka. Skipið,
sem var á beitukóngsveiðum, var
dregið óskemmt út á kvöldflóði og
sigldi fyrir eigin afli til hafnar í
Stykkishólmi.
„Við erum að fara yfir málið og
afla gagna,“ sagði Hilmar Snorra-
son sem situr í rannsóknarnefnd
samgönguslysa.
Aflagt var fyrir nokkrum árum
að sjópróf færu fram vegna mála
sem þessa. Nú eru teknar skýrslur
af mönnum og svo fer málið til
rannsóknarnefndarinnar sem gef-
ur út skýrslu með ábendingum til
úrbóta, þegar heildarmynd er ljós.
Hvenær svo verður með Þórsnes-
strandið segir Hilmar ekki hægt
að segja til um nú. sbs@mbl.is
Þórsnes-
strandið
í rannsókn
 Mannleg mistök
nefnd sem orsök
Ljósmynd/Pétur Guðmundsson
Þórsnes Engan sakaði í strandi
skipsins, sem skemmdist ekki.
María Margrét Jóhannsdóttir
mariamargret@mbl.is
Geir Gunnar Geirsson eldri, bóndi á
Vallá á Kjalarnesi, telur að auka
megi umferðaröryggi á Kjalarnesi
með gróðursetningu aspa.
„Þetta er einföld hugmynd en
ávinningurinn getur verið mikill fyr-
ir samfélagið,“ segir Geir. „Þegar
maður keyrir hér um í illviðrum þá
hugsar maður oft til þess hvað það
væri gott að geta haft skjól af ein-
hverju. Öspin er alveg tilvalin enda
er hún sterk og þrífst vel hér. Gróð-
ursetja mætti tíu til fimmtán metra
breitt trjábelti sem myndi ná frá
munna Hvalfjarðarganga og niður í
Kollafjörð. Þannig mætti draga úr
vindi og auka umferðaröryggi.“
Mættu áhugaleysi
Ásgeir Harðarson, formaður
Íbúasamtaka Kjalarness, tekur vel í
hugmynd Geirs. „Þetta hefur verið
lengi í umræðunni en fyrir um það
bil fjórum árum leituðum við til
Vegagerðarinnar sem sýndi þessu
lítinn áhuga. Þeir vísuðu bara á
Skógræktarfélag Íslands og land-
eigendur á Kjalarnesi,“ segir Ás-
geir. „Það er hins vegar ljóst að um
mikilvægt málefni er að ræða en
mikið eignatjón verður á þessu
svæði ár hvert vegna sterkra
vinda.“
Vilja trjábelti á Kjalarnesi
Morgunblaðið/Guðni
Kjalarnes Geir Gunnar Geirsson, t.v., tekur við umhverfisverðlaunum frá
Kjalnesingum um helgina, fyrir hönd sonar síns og tengdadóttur.
 Mikið eignatjón á hverju ári  Auka mætti umferðarör-
yggi með öspum  Frá Hvalfjarðargöngum niður í Kollafjörð
Undirritaður hefur verið samningur
í París um að Vigdísarstofnun, al-
þjóðleg miðstöð tungumála og
menningar við Háskóla Íslands,
starfi undir formerkjum Menningar-
og vísindastofnunar Sameinuðu
þjóðanna, UNESCO. Að samn-
ingnum standa íslensk stjórnvöld og
UNESCO. Undirritunin fór fram að
viðstaddri Vigdísi Finnbogadóttur,
fv. forseta Íslands, og Irinu Bokova,
aðalframkvæmdastjóra UNESCO.
UNESCO Vigdís Finnbogadóttir rit-
ar undir í París og Berglind Ás-
geirsdóttir sendiherra fylgist með.
Undir for-
merkjum
UNESCO