Morgunblaðið - 24.01.2014, Síða 17
FRÉTTIR 17Innlent
MORGUNBLAÐIÐ FÖSTUDAGUR 24. JANÚAR 2014
SANGRÍU OG SALSAKVÖLD Á
FIMMTUDÖGUM
Tapashúsið | Ægisgarður 2, 101 Reykjavík | info@tapashusið.is | tapashusid.is
TAPASHÚSID BORÐPANTANIR
Í SÍMA 512-8181
2 FYRIR 1
Á MÁNUDÖGUM OG RIÐJUDÖGUM
AF TÍVOLÍ MATSEÐLI
GLÆSILEGUR
NÝR MATSEÐILL
LIFANDI TÓNLIST UM HELGAR
Guðni Einarsson
gudni@mbl.is
Fab Lab Reykjavík (Fabrication La-
boratory), sem er stafræn smiðja,
verður opnuð við hátíðlega athöfn í
Eddufelli í Breiðholti klukkan 15.00 í
dag. Að Fab Lab Reykjavík standa
Nýsköpunarmiðstöð Íslands (NMÍ)
og Fjölbrautaskólinn í Breiðholti sem
munu annast reksturinn. Verkefnið er
unnið í samvinnu við Reykjavíkur-
borg sem leggur til stofnkostnað
vegna tækjakaupa. Auk þess hefur
menntamálaráðuneytið styrkt verk-
efnið.
Fab Lab Reykjavík er vel búin tölv-
um, þrívíddar prenturum, tölvustýrð-
um fræsivélum, laserskerum og öðr-
um búnaði sem gerir kleift að beisla
sköpunargáfuna til að hanna eða
smíða eitthvað nýtt. Smiðjan er bein-
tengd 290 Fab Lab smiðjum vítt um
heim með fjarfundabúnaði. Hann er
alltaf opinn og notaður til að miðla
hugmyndum, leita ráða, sitja nám-
skeið og fylgjast með því sem aðrir
eru að sýsla í Fab Lab.
Í gær var unnið hörðum höndum í
Eddufellinu. Frosti Gíslason, verk-
efnastjóri hjá NMÍ, sem stýrt hefur
Fab Lab í Vestmannaeyjum, var þar
ásamt mörgum öðrum að leggja loka-
hönd á Fab Lab Reykjavík. Bas Wit-
hagen frá Fab Lab Amsterdam mun
stýra Fab Lab Reykjavík. Með hon-
um starfar Soffía Margrét Magnús-
dóttir við daglegan rekstur.
Fab Lab-hugmyndin er upprunnin
í MIT-háskólanum í Bandaríkjunum.
Markmiðið er að auka læsi og færni
almennings á nýjustu tækni, hvetja
til tæknimenntunar um leið og skap-
aður er vettvangur þar sem fólk get-
ur hannað, forritað og smíðað.
Fyrsta Fab Lab-smiðjan á Íslandi
var opnuð í Vestmannaeyjum árið
2008. Auk þess eru Fab Lab á Sauð-
árkróki, Ísafirði og Akranesi.
Fab Lab-hreyfingin fer ört vax-
andi. Þegar smiðjan var opnuð í Vest-
mannaeyjum var hún sú 38. í heim-
inum. Nú eru Fab Lab 290 talsins og
fjölgar ört. Rússar hyggjast t.d. setja
upp 100 Fab Lab á næstu tveimur ár-
um. Nýlega voru menn frá Sádi-
Arabíu í Vestmannaeyjum að kynna
sér Fab Lab því þeir eru að setja upp
Fab Lab smiðjur í heimalandi sínu.
„Hér á að búa til hluti sem bæta líf-
ið og auka sjálfbærni,“ sagði Frosti.
„Við erum að þróa næstu kynslóð
tækninnar. Fab Lab-menningin er
þegar byrjuð að hafa áhrif á fram-
leiðsluaðferðir um allan heim.“
Því virðast lítil takmörk sett hvað
hægt er að smíða í Fab Lab Reykja-
vík. Þar hefur verið skapaður vett-
vangur til að gera hugmyndirnar
áþreifanlegar. Frosti tók sem dæmi
að þar væri búnaður til að hanna og
smíða margs konar rafrásir. Þar er
hægt að smíða hugbúnað og forrita
t.d. tölvuleiki, gera þrívíðar teikn-
ingar að hlutum og ýmist fræsa þá út
eða prenta í þrívíddarprentara.
Fab Lab Reykjavík verður opin kl.
12-18 virka daga fyrir almenning frá
næsta mánudegi. Utan þess tíma
verður smiðjan notuð til kennslu og
námskeiðahalds. Leiðbeinendur
verða á staðnum og liðsinna þeim sem
vilja skapa eitthvað nýtt.
Gera hug-
myndirnar
áþreifanlegar
Stafræna smiðjan Fab Lab Reykja-
vík verður opnuð formlega í dag
Morgunblaðið/RAX
Alþjóðlegt Bas Withagen og Frosti Gíslason (t.h.) fylgjast með smíði rafgítara í Fab Lab smiðju í Bandaríkjunum.
Fab Lab Reykjavík Stafræna smiðjan er ætluð frumkvöðlum, nemendum,
almenningi, fyrirtækjum og stofnunum. Hún er mjög vel tækjum búin.