Morgunblaðið - 19.06.2014, Side 2

2 MORGUNBLAÐIÐ FIMMTUDAGUR 19. JÚNÍ 2014FRÉTTIR
VIÐ
ELSKUM
UMHVERFIÐ!
Prentgripur
511 1234
gudjono@gudjono.isVagnhöfða 11, 110 Reykjavík | S. 577-5177 | linuborun@linuborun.is | www.linuborun.is
Af hverju grafa þegar hægt er að bora?
Reynsla - þekking - við komum og metum
Við notum stýranlegan jarðbor
sem borar undir götur, hús, ár
og vötn.
Umhverfisvænt - ekkert jarðrask•
Meira öryggi á svæðinu•
Sparar bæði tíma og peninga.•
Borum fyrir nýjum síma-, vatns-, rafmagns-
og ljósleiðaralögnum.
Mesta hækkun Mesta lækkun
VIKAN Á MÖRKUÐUM
AÐALMARKAÐUR ÁLVERÐ ($/tonn) BRENT OLÍUVERÐ ($/tunnu)
Reginn hf.
-1,83%
16,1
Hagar hf.
+0,9%
44,7
S&P 500
+0,27%
1.941,37
NASDAQ
+0,44%
4.329,439
FTSE 100
+0,01%
6.778,56
NIKKEI 225
+0,12%
15.115,8
18. 12. ‘13 18. 12. ‘1317. 6. ‘14 18. 6. ‘14
901.650
1081.950 106,11
95,04
1.798
1.852
Ragnar Birgisson, formaður Sam-
bands íslenskra sparisjóða, segir að
halda verði áfram á braut hagræð-
ingar og sameina sparisjóði. Hag-
ræðing og sameining séu lykilorðin í
framtíðarsýn íslenska sparisjóða.
Átta sparisjóðir eru nú á landinu, en
brátt verða þeir sjö, því til stendur
að sameina Sparisjóð Bolungarvíkur
og Sparisjóð Norðurlands á næstu
vikum. Ragnar segir markmiðið að
fækka þeim í einn til þrjá. Þannig
myndi nást fram hagræðing með
stærri einingum, aukinni útlánagetu
og meiri arðsemi.
Í samtali við Morgunblaðið segir
hann jafnframt að vilji standi til þess
að opna útibú á höfuðborgarsvæð-
inu. „Mjög stór hluti af kúnnum
sparisjóðanna, sem eru í dag allt
landsbyggðarsjóðir, býr á höfuð-
borgarsvæðinu. Þá eru hér einnig
margir fyrrverandi sparisjóðs-
kúnnar, sem voru áður hjá sjóðum á
höfuðborgarsvæðinu, og eru ekki
allir ánægðir þar sem þeir eru núna.
Margir þeirra voru í raun fluttir yfir
til viðskiptabankanna og myndu
vilja færa sig aftur yfir til sparisjóð-
anna ef tækifæri gefst,“ segir Ragn-
ar. Þá yrði opnun sparisjóðs á höf-
uðborgarsvæðinu einnig liður í því
að auka sýnileika sparisjóðanna.
„Við sjáum mikil sóknarfæri hér í
borginni,“ nefnir hann.
Hann bætir því þó við að fyrst
þurfi að klára ákveðna hluti í sam-
einingu sparisjóðanna áður en huga
verði að stofnun útibús í höfuðborg-
inni. Hann segir að meðal annars sé
horft til þess að þetta verði ákveðin
þjónustumiðstöð og vísar til þess að
Sparisjóðabanki Íslands, síðar Ice-
bank, hafi á sínum tíma reynst vera
slík miðstöð fyrir íslenska sparisjóði.
„Margir töluðu um hann sem seðla-
banka sparisjóðanna. Það var ákveð-
ið skarð sem hann skildi eftir sig
sem á nú eftir að fylla,“ segir Ragn-
ar.
Brýnt að auka hlutdeildina
Hann bendir enn fremur á að
sameining sjóðanna geti vel aukið
markaðshlutdeild þeirra á íslensk-
um fjármálamarkaði. Hlutdeildin er
nú aðeins um 2%, en var þegar best
lét um 20%. „Með því að sameina
sjóðina eykst útlánageta þeirra. Út-
lánagetan takmarkast að miklu leyti
af eigið fé sjóðanna og þegar þeir
sameinast, þá eykst þetta eigið fé og
sömuleiðis svigrúm þeirra til út-
lána,“ segir hann og bætir loks við:
„Þá gætu þeir einnig vel aukið mark-
aðshlutdeild sína ef opnuð yrði af-
greiðsla í Reykjavík. Það er alveg
tvímælalaust þörf fyrir það að spari-
sjóðirnir auki þessa hlutdeild í fram-
tíðinni.“
Bankasýsla ríkisins fer með eign-
arhluti ríkisins í fjórum sparisjóð-
um. Stefnt hefur verið að sölu þeirra
um nokkurt skeið, meðal annars til
viðskiptabankanna þriggja.
Sparisjóðir verða að halda
áfram á braut hagræðingar
Kristinn Ingi Jónsson
kij@mbl.is
Markmiðið er að sameina
sparisjóðina hér á landi í
einn til þrjá. Stefnt er að því
að opna útibú á höfuð-
borgarsvæðinu.
Morgunblaðið/Ómar
Ragnar Birgisson, formaður Sambands íslenskra sparisjóða, segir mikilvægt að sparisjóðir auki markaðshlutdeild
sína á íslenskum fjármálamarkaði. Hlutdeildin er nú um tvö prósent en var um tuttugu prósent þegar best lét.
AFKOMA
Tekjur Jarðborana jukust umtals-
vert á milli ára og námu tæpum 6,8
milljörðum króna í fyrra. Í tilkynn-
ingu frá félaginu segir að 85% tekn-
anna hafi komið vegna erlendra
verkefna. Rekstrarhagnaður félags-
ins fyrir afskriftir, EBITDA, nam
1.488 milljónum króna og hagnaður
fyrir skatta 801 milljón króna. Árið
2012 varð 614 milljóna króna tap á
rekstri félagsins fyrir tekjuskatt.
Þá drógust heildarskuldir félags-
ins saman á milli ára og námu um
4.752 milljónum króna á árinu. Árið
2012 voru þær 5.796 milljónir króna.
Í tilkynningunni segir að rekst-
urinn hafi gengið ágætlega á árinu.
Þar segir jafnframt að félagið hafi
hafið starfsemi í Asíu í fyrra, en bor-
anir hófust á Filippseyjum auk þess
sem markaðsskrifstofa var opnuð í
Indónesíu. Félagið mun hefja starf-
semi í fleiri löndum í Asíu á árinu, að
því er segir í tilkynningunni.
Tekjur 6,8
milljarðar
Morgunblaðið/Kristján
Rekstur Jarðborana gekk ágætlega
í fyrra og umskipti urðu í afkomu.
VERSLUN
Kortavelta einstaklinga jókst um
7,5% á raungengi í maímánuði sam-
anborið við sama mánuð í fyrra. Um
er að ræða hraðasta raunvöxt í korta-
veltu síðan í október árið 2011. Hefur
kortavelta einstaklinga ekki verið
meiri í maímánuði að raunvirði síðan
fyrir hrun og á það bæði við korta-
veltu innanlands sem og erlendis, að
því fram kemur í umfjöllun Grein-
ingar Íslandsbanka.
Kortavelta einstaklinga innanlands
jókst um 6,2% í maí að raungildi á
milli ára. Á sama tímabili jókst korta-
velta einstaklinga erlendis um 19,1%,
en sá vöxtur er í takti við þá þróun
sem verið hefur síðustu misseri, þar
sem ör vöxtur erlendra netverslana
hefur spilað stórt hlutverk.
Þó gætir einnig áhrifa af þeirri
aukningu sem orðið hefur í utan-
landsferðum á árinu. Ekki hafa jafn-
margir Íslendingar haldið utan síðan
fyrir hrun bankanna haustið 2008.
Kortavelta í maí ekki
meiri síðan fyrir hrun
Morgunblaðið/Jim Smart
Kortaveltan eykst og virðist ekkert
lát vera á neyslugleði landsmanna.