Morgunblaðið - Sunnudagur - 21.09.2014, Síða 44

Fjármál
heimilanna
Launin skríða upp á við
Morgunblaðið/Golli
*Nýjustu mælingar Hagstofunnar sýna að reglu-leg laun hækkuðu um 1,9% á öðrum ársfjórð-ungi 2014 m.v. ársfjórðunginn á undan. Yfir tólf mánaða tímabil mælist hækkunlauna 5,4% að meðaltali. Var hækkunin 5,8% áalmennum vinnumarkaði og 4,6% hjá opin-berum starfsmönnum. Hjá starfsmönnum
sveitarfélaga hækka launin minnst milli ára, eða
um 3,5%.
Í næstu viku sýnir Snædís Lilja Ingadóttir nýtt
verk, GOOD/BYE, í Tjarnarbíói. Þessi unga
hæfileikakona segir að það að byrja að leggja
regulega fyrir sé efst á verkefnalistanum.
Hvað eruð þið mörg í heimili?
Við erum bara tvö á mínu heimili, ég og kær-
astinn minn.
Hvað áttu alltaf til í ísskápnum?
Ég á næstum alltaf avókadó, tómata og
hrökkkex eða flatkökur og svo er ég ómögu-
leg ef það er ekki til gott salt, Norðursalt,
maldon eða eitthvað þannig. Ég hef stundum
smá áhyggjur af saltneyslu minni en ég bara
elska það svo mikið að ég get ekki hætt.
Hvað fer fjölskyldan með í mat
og hreinlætisvörur á viku?
Hummm – ég er bara alls ekki viss en ætli
það sé ekki örugglega 20.000 eða kannski
meira. Mér finnst búðarferðin fljót að kosta
10.000-kall og nær varla í tvo poka.
Hvar kaupirðu helst inn?
Ætli ég fari ekki mest í Bónus og Krónuna en
svo kemur Víðir sterkur inn með gæða-
grænmetið.
Hvað freistar helst
í matvörubúðinni?
Það fer mjög mikið eftir því hvort ég er
svöng eða ekki þegar ég er stödd í búðinni.
Ef ég er svöng langar mig alltaf í eitthvað
óhollt eins og nachos eða franskar, annars er
það bara rosa misjafnt.
Hvernig sparar þú
í heimilishaldinu?
Ætli helsti sparnaðurinn sé ekki hvað ég
borða oft hjá mömmu. Mamma er ein með
bróður minn svo við kaupum oft saman í
matinn og eldum saman fyrir fjóra eða vel
rúmlega svo það er nóg í hádegismat daginn
eftir líka. Svo á mamma oft allskyns gúmmel-
aði sem ég tími ekki að kaupa sjálf en fæ hjá
henni.
Hvað vantar helst á heimilið?
Helst langar mig í stærra eldhús sem hægt er
að sitja í og borða eða bara drekka kaffi í
huggulegheitum, annars man eg ekki eftir
neinu sem vantar.
Eyðir þú í sparnað?
Mig langar svo að geta sagt já en, nei ég get
ekki sagt að ég geri það. En það er á lista yfir
hluti sem ég þarf að fara að gera, skelli því
efst frá og með núna.
Skothelt sparnaðarráð?
Ekki henda neinu, nýta allan matinn sem er
keyptur. Það verða líka oft til frábærir réttir
úr því sem er til í ísskápnum, smá af alls-
konar. Það er líka svo gott fyrir sálina að
henda ekki mat.
SNÆDÍS LILJA INGADÓTTIR DANSARI OG LEIKKONA
Gerir sálinni gott að henda ekki mat
Það skiptir Snædísi miklu að eiga
til nóg af góðu salti á heimilinu.
Morgunblaðið/Þórður
Allt talið um virðisaukaskattsmál
undanfarna daga minnti Aurapúk-
ann á hversu mikið má oft spara
með því að gera innkaupin í út-
löndum. Ef ferðast er til réttu
borganna er söluskatturinn lítill
sem enginn, og ekki heldur há
vörugjöld sem hækka verðið. Að
auki knýr hörð samkeppni verðið
iðulega niður í botn.
Þykir Púkanum New York vera
ein besta borgin fyrir verslunar-
ferðir, enda sama sem enginn skatt-
ur á flestri vöru og hægt að innrita
tvær ferðatöskur en ekki bara eina
eins og þegar ferðast er til Evrópu.
Rétt er að minna á að strangt til
tekið mega ferðamenn ekki flytja
inn til landsins vörur fyrir meira en
88.000 kr., og þeir sem brjóta þá
reglu taka ákveðna áhættu.
En jafnvel ef ferðalangar halda sig
innan 88.000 kr. marksins þá sýna
lauslegir reikningar að sparnaður-
inn getur numið nokkrum tugum
þúsunda í spöruðum vörugjöldum
og virðisaukaskatti og skagað hátt
upp í verð flugmiðans, eða borgað
fyrir gistinguna.
púkinn
Aura-
Enginn vaskur
í útlöndum
H
ér verður ekki reynt að geta til um
ástæðu þess að karlmönnum virðist
alla jafna erfiðara en konum að
setja saman gott safn af fatnaði.
Að vera ráðalaus á tískusviðinu boðar ekki
gott fyrir fjárhaginn, því þá eru helst tveir
kostir í stöðunni fyrir allt of marga karlmenn:
að vera frekar illa til fara og eiga of lítið af
brúkanlegum fatnaði, eða eyða of miklu í föt
sem eru ekki eins fegrandi og þau annars gætu
verið.
Bandaríski vefurinn Cladwell.com kemur
þarna til bjargar, gegnir nánast sama hlutverki
og persónulegur stílisti, og kostar ekki neitt.
Litir og líkamsbygging
Notandinn byrjar á að skrá sig og gefa upp
ákveðnar lágmarksupplýsingar, s.s. hvort hann
vill elta tískustrauma eða leggur ofuráherslu á
notagildi fatnaðarins. Vefurinn þarf líka að vita
hversu miklu notandinn er tilbúinn að eyða,
hversu oft eða sjaldan hann klæðist hversdags-
fatnaði og formlegum flíkum, og hvort hann
býr í heitu eða köldu loftslagi.
Þá þarf að gefa upp gróflega hver lögun lík-
amans er, háralit og augnlit. Síðan má skerpa
á smáatriðunum eftir á og t.d. merkja hvort
sitjandinn er flatur eða bústinn, upphandlegg-
irnir sverir eða renglulegir.
Því næst útbýr hugbúnaður Cladwell lista yf-
ir þau föt sem notandinn ætti að eiga i skápn-
um, allt byggt á þeim upplýsingum sem not-
andinn skaffaði.
Þessi listi er hvorki of langur né of stuttur
og markmiðið ekki að fá karlmenn til að eign-
ast tíu gallabuxur eða tuttugu pör af skóm til
að vera við öllu búnir. Þvert á móti má reikna
með að forritið mæli með eins og fimm buxum,
tíu skyrtum eða peysum, nokkrum skóm, jökk-
um, jakkafötum og aukahlutum. Bara rétt það
sem þarf til að vera vel klæddur.
Ekki nóg með það, heldur forgangsraðar for-
ritið hvaða flíkur þarf að kaupa fyrst. Jakka-
fötin eða rauðgula bindið mega bíða en ekki
brúnu buxurnar eða hvítu strigaskórnir.
Bak við eyrað í búðarferðum
Tekjumódel Cladwell virðist ganga út á að
fatatillögurnar vísa beint á netverslanir
þekktra framleiðenda. Notandinn getur með
músarsmelli keypt fötin sem mælt er með (og
kíkt á sambærilega kosti hjá öðrum selj-
endum) og Cladwell fær einhverja söluþóknun
um leið.
Þar sem það hentar íslenskum neytendum
ekki alveg nógu vel að versla við bandarískar
fatabúðir á netinu er einfaldlega hægt að nota
Cladwell sem leiðarvísi fyrir næstu búðarferð.
Má þannig gera fatainnkaupin markvissari,
spara bæði tíma og peninga.
BARA FÖTIN SEM ÞIG VANTAR
Tæknin hjálpar körlum
að kaupa réttu fötin
VEFSÍÐA LITGREINIR NOTENDUR, FINNUR ÚT SMEKK ÞEIRRA OG ÞARFIR, OG GERIR ÚT FRÁ ÞVÍ
TILLÖGUR UM ÞAU FÖT SEM ÞARF TIL AÐ SETJA SAMAN HEILSTEYPTAN FATASKÁP
Ásgeir Ingvarsson ai@mbl.is
AFP
Að tolla í tískunni getur
verið töluverð kúnst, sér
í lagi ef telja þarf hverja
krónu sem fer úr veskinu.
Fyrirsætur hafa sig til á
tískuvikunni í New York.