Morgunblaðið - 21.10.2014, Side 2

MORGUNBLAÐIÐ ÞRIÐJUDAGUR 21. OKTÓBER 2014
2 BÍLAR
Í
þennan þátt hefur margur
frægur maðurinn og fyr-
irmennið ratað enda for-
vitnilegt fyrir okkur brauð-
stritarana að sjá hvaða bíla þeir
einstaklingar kjósa sem vita ekki
aura sinna tal og geta látið allt
eftir sér sem hugurinn á annað
borð girnist. Oftar en ekki felur
það í sér draumabíla sem flest
okkar verða að láta sér nægja að
dreyma um.
En hvað þá um þann ein-
stakling sem jafnan er talinn
með helstu skemmtikröftum 20.
aldarinnar – ef ekki einfaldlega
sá mesti – sjálfan Frank Sinatra?
Í krafti vinsælda sinna og goð-
sagnar gat hann veitt sér flest
sem honum kom í hug og bifreið-
ar þar með taldar. Lítum á bílana
sem Röddin, öðru nafni Bláskjár
gamli, enn öðru nafni Stjórn-
arformaðurinn, ók á meðan hann
var og hét.
Amerískir öndvegisvagnar
Litlum sögum fer af því hvaða
bílum Sinatra ók á fyrri hluta fer-
ils síns, til ársins 1950, og þegar
hann gekk í gegnum lægðina
miklu á ferlinum á árunum ’51-
’53 þurfti hann sjálfsagt að fá far
hjá vinum og samstarfsfólki, svo
illa gaf á bátinn hjá honum. En
hann reif sg upp og varð í kjölfar-
ið vinsælli en nokkru sinni, frá og
með Óskarsverðlaunum sem
hann hlaut fyrir leik sinn í kvik-
myndinni From Here To Eternity
árið 1953, og þá var ekki að sök-
um að spyrja. Hann ók eintóm-
um lúxusvögnum þaðan í frá.
Fyrst ber að nefna Ford Thun-
derbird-blæjubíl, árgerð 1955. Ár-
ið sem kappinn gaf út meist-
araverkið In The Wee Small
Hours var hann aftur kominn á
toppinn og lét ekkert minna duga
en svartan T-Bird enda bíllinn þá
með þeim vinsælustu vest-
anhafs. Ljóst má vera að hann
var sáttur við gripinn því árið eft-
ir hélt hann tryggð við Ford-
samsteypuna því þegar kom að
því að bæta við flotann splæsti
hann í Lincoln Continental Mark
II, stóran og tilkomumikinn
dreka.
Árið 1957 sendi Frank svo frá
sér hina víðfrægu plötu Come Fly
With Me og leitaði um leið á
meira framandi slóðir í bíla-
kaupum. Sá næsti sem rataði í
plássgóðan bílskúrinn var Dual-
Ghia, módel 1957, en þar var á
ferðinni sportlegur bíll sem
Chrysler framleiddi og stjörn-
urnar vestanhafs tóku ástfóstri
við en tegundin reyndist engu að
síður skammlíf. Sinatra auðn-
aðist þó að bæta seinna við sig
eintaki af 1962 af Dual-Ghia
L6.4. Í millitíðinni átti hann líka
’58 módelið af Cadillac Eldorado.
Evrópskir eðalvagnar í bland
Þegar Sinatra varð fimmtugur,
árið 1965, tókst hann á við mið-
lífskrísuna eins og hvert annað
karlmenni og fékk sér sportbíl.
En sjálfur Stjórnarformaðurinn
gat ekki fengið sér bara hvaða bíl
sem var svo hann lét George
Barris sérhanna fyrir sig Ford
Mustang. Bíllinn, sem kallaður
var Zebra Mustang, var sérkenni-
legur útlits og lumaði á ýmsum
nýjungum innanstokks. Þar á
meðal voru glasahaldarar, sem
reyndar rúmuðu heilar viskíflösk-
ur (Sinatra var sólginn í Jack
Daniel’s, þó ekki þegar hann
sjálfur ók) en slíkt var þá ný-
lunda. Einnig var í bílnum að
finna lítið sjónvarp, svart/hvítt að
vísu, en það þótti mikið undur á
sjöunda áratugnum.
Þegar Sinatra lét svo tilleiðast
að fá sér evrópskan bíl réðst
hann ekki á garðinn þar sem
hann var lægstur frekar en
endranær. Fyrir valinu varð Lam-
borghini Miura, árgerð 1969, og
frægt er hvað Sinatra sagði ein-
hverju sinni um bílinn þann: „You
buy a Ferrari when you want to
be somebody. You buy a Lam-
borghini when you are some-
body.“
Af öðrum evrópskum gæð-
ingum sem Sinatra ók um sína
daga má svo nefna ’76 árgerð af
himinbláum Rolls-Royce Silver
Shadow og dökkgrænan Jaguar
XJS frá árinu 1989. Þótti sá síð-
arnefndi sérlega fallegur enda
hafði kappinn mikið dálæti á
honum.
Að endingu er rétt að nefna bíl
sem var sá eini sem Sinatra aug-
lýsti um sína daga. Það var 1980
árgerðin af Chrysler Imperial,
sem átti að setja ný viðmið í
þægindum og munaði en þegar
til kastanna kom reyndist hann
bilanagjarn og erfiður við-
ureignar. Bíllinn kom út í ljós-
blárri Sinatra-útgáfu og tengingin
er nóg til þess að bíllinn er eft-
irsóttur söfnunargripur meðal
áhugamanna enn í dag.
jonagnar@mbl.is
Ökuþórinn | Frank Sinatra
Bílarnir hans
Bláskjás gamla
Aftur kominn á toppinn eftir mögur ár kringum 1950. Sinatra er hér með Ford Thunderbird árgerð 1955.
Jaguar XJS sem Sinatra ók síðustu árin þótti með fallegustu bílunum
sem stjörnurnar í Palm Springs óku á níundaáratugnum. Gullfallegur.
Þannig var auglýsingin sem birtist í tímaritum í Bandaríkjunum 1980
þegar goðið lagði nafn sitt við Chrysler Imperial FS – Sinatra Edition.
Francis Albert Sinatra hafði heiminn í hendi sér um áratugaskeið enda
vinsælasti og valdamesti maður skemmtanabransans í vesturheimi. Þessi sérsmíðaði Mustang 1965, nefndur Zebra Mustang, var meðal Si-
natra við miðlífskrísunni. Hann bauð farþegum upp á skota og sjónvarp.
Lincoln Continental Mark II var drossía sem átti að koma framleiðand-
anum aftur á kortið meðal lúxusbíla. Frankie valdi sér alltént einn.