Morgunblaðið - 21.10.2014, Page 6

MORGUNBLAÐIÐ ÞRIÐJUDAGUR 21. OKTÓBER 2014
6 BÍLAR
F
errari hefur ákveðið að
smíða afburða sportbíl
sem fengið hefur nafnið
Ferrari F60 America. Skír-
skotar það til þess að Ferrari hefur
haldið úti starfsemi í Bandaríkj-
unum í 60 ár.
Þótt bíll þessi byggist á und-
irvagni F12 Berlinetta deilir hinn
opni F60 America ekki einum ein-
asta hluta yfirbyggingarinnar með
F12-bílnum. Í leiðinlegu veðri geta
ferðalangar skýlt sér frá hinu
versta með hjálp léttrar blæju. Er
hún það óburðug að með hana
uppi er hámarkshraði bílsins tak-
markaður við 120 km/klst.
F60 America verður knúinn
sömu V12-vélinni og F12-bíllinn en
hún er 6,3 lítra og krafturinn 545
kW og torkið 690 Newton-metrar.
Með þetta afl undir húddinu
kemst bíllinn úr kyrrstöðu í hundr-
aðið á 3,1 sekúndu.
Sæti ökumanns verður klætt
rauðu leðri en farþegasætið
svörtu leðri og að öðru leyti er
mikið lagt upp úr frágangi og
bryddingum í innra rýminu. Stríp-
ur niður miðjuna á baki beggja
sæta verða í bandarísku fánalit-
unum.
Eins og áður segir verða ein-
ungis smíðuð 10 eintök af F60
America. Herma fregnir að þeim
öllum hafi verið ráðstafað. Fylgir
og fregnum, að hinir heppnu eig-
endur þurfi að leggja 2,5 milljónir
dollara á borðið fyrir eintakið.
Jafngildir það 302 milljónum
króna og eitt er víst: enginn hörg-
ull var á mönnum sem fegnir vildu
borga þetta verð fyrir bílinn sér-
smíðaða. Og verðið er sjö sinnum
hærra en það sem F12 Berlinetta
kostar en í Bandaríkjunum hefur
hún kostað 318.888 dollara á göt-
una komin.
F60 America verður frum-
sýndur við athöfn um næstu helgi
í Bandaríkjunum og verður það í
leiðinni kveðjuhóf fyrir Ferrari-
stjórann fráfarandi, Luca di Mon-
tezemolo.
agas@mbl.is
Smíða aðeins 10 eintök
af Ferrari F60 America
300 milljónir takk fyrir og slegist var um Ferrari F60 America.
Leðursæti ökumanns og farþega verða hvort í sínum lit.
G
reinendur og sérfræð-
ingar um bílamarkaðinn
sjá fram á gríðarlega
jafna og harða sam-
keppni bandarísku bílrisanna
þriggja í smíði og sölu pallbíla.
General Motors, gegnum
Chevrolet og GMC, og Chrysler
Ram hafa ákveðið að sækja harð-
ar fram og narta í hinn stóra skerf
Ford á markaði fyrir pallbíla. Hafa
þeir valið góðan tíma til þess en
Ford hefur dregið úr framleiðslu á
2014-árgerðinni af F-150 pall-
bílnum til að búa í haginn fyrir
2015-árgerðina; splunkunýja
módelið sem að verulegu leyti er
smíðað úr áli í stað stáls.
Sérfræðingur hjá greiningarfyr-
irtækinu LMC Automotive segir að
hagnaðarprósenta bílsmiðanna
tveggja muni lækka vegna auk-
inna tilboða þeirra af afslætti sem
þeir bjóði til að tæla kaupendur
frá Ford. Tilboðin geri það að verk-
um, að kaupendur sem hafa ekki
nennu til að bíða eftir F-150 muni
gera afar góð kaup með haustinu
en á þeim árstíma sækir pallbíla-
sala venjulega mjög í sig veðrið.
Ford F-150-álbíllinn er fánaberi
þrettándu kynslóðar bílsins sem
verið hefur mest seldi pallbíll
Bandaríkjanna í rúma fjóra ára-
tugi. Framleiðslu á forveranum af
2014-árgerðinni var hætt fyrir
nokkrum vikum í bílsmiðjunni í
Dearborn í Michiganríki til að
breyta búnaði og samsetning-
arlínum fyrir 2015-bílinn nýja. Hið
sama verður gert á næsta ári í
smiðju í Kansas City sem fram-
leiðir einnig F-150-bílinn. Vegna
smíðastopps í Dearborn áætlar
Ford að sölutapið nemi sem svari
90.000 eintökum af pallbílnum
vinsæla.
agas@mbl.is
Ford F-150-álbíllinn er fánaberi þrettándu kynslóðar bílsins sem verið
hefur mest seldi pallbíll Bandaríkjanna í rúma fjóra áratugi.
Risar slást hart á
pallbílamarkaði
Svo virðist sem nokkurs misskiln-
ings gæti meðal ökumanna ný-
legra bíla um virkni þess dag-
ljósabúnaðar sem fylgir bílnum.
Töluvert er nefnilega um það að
nýjum bílum sé ekið um vegi
landsins í rökkri og slæmu
skyggni án þess að kveikt sé á
aðalljósum. Þetta kemur fram á
vef Samgöngustofu.
Kveikja þarf á aðalljósum
Flestir nýir nýir bílar í dag eru
með LED-ljós að framan, svo-
nefnd dagljós, sem stöðugt er
kveikt á svo lengi sem bíllinn er í
gangi. Gallinn er hins vegar sá að
ökuljósin, þ.m.t. afturljósin, loga
ekki nema kveikt sé á aðalljós-
unum og því eru dagljósin ekki
fullnægjandi þegar rökkva tekur
eða þegar skyggni er slæmt.
Fram kemur á vefsvæði Sam-
göngustofu að heimilt er að aka
um með aðeins dagljósin kveikt á
björtum degi en um leið og
dimma tekur eða skyggni skerð-
ist er mikilvægt og skylt að
kveikja á aðalljósum. Samgöngu-
stofa vill því benda eigendum ný-
legra og nýrra bíla á að nauðsyn-
legt er að kveikja á ökuljósum við
þessar aðstæður svo bæði logi
ljós að framan og aftan. Það get-
ur borgað sig að kveikja einfald-
lega á aðalljósunum um leið og
bifreiðin er ræst, stingur Sam-
göngustofa upp á. Ljósin séu
nefnilega til þess að ökumaður
sjái betur en jafnframt til þess að
hann sjáist betur.
jonagnar@mbl.is
Morgunblaðið/Ómar
Misskilnings gætir víða hvað ljósabúnað nýrra bíla varðar, að því er fram
kemur á vef Samgöngustofu. Dagljósin nægja ekki eftir að skyggja tekur.
Misskilningur varð-
andi ljósabúnað
Þ
að verður seint sagt um
Íslendinga að þeir séu
litaglaðir þegar kemur að
kaupum á nýjum bílum.
Litapallettan minnir einna helst á
daga svarthvíta sjónvarpsins þar
sem gráir, hvítir og svartir litir eru
allsráðandi. Sumir litir verða þó
vinsælli en aðrir eins og til dæmis
hvítur, sem er næstvinsælasti litur
á nýjum bílum í dag, á eftir gráum.
Alls voru 22,6% bíla sem seldir
hafa verið á þessu ári hvít, sem er
aukning frá síðasta ári. Reyndar
hefur hvítur litur sótt stöðugt á
síðan árið 2007, en þá voru rúm
7% bíla hvít. Frá árinu 2004 hefur
hlutfall grárra bíla farið úr 42% í
tæp 52% árið 2011. Svartur litur
var vinsælastur á uppgangs-
árunum fyrir hrun. Til að mynda
var svartur vinsæll árið 2007 þeg-
ar hlutfall svartra bíla af nýjum
seldum bílum var 16,2%, en er
6,7% í ár.
Rauður tískuliturinn
Rauðir og brúnir litir eru vinsæl-
astir þegar kemur að litum utan
gráskalans. Brúnir bílar eru 11,2%
seldra bíla í ár og hefur hlutfall
þeirra staðið nokkuð í stað. Rauðir
bílar eru hins vegar að komast í
tísku og eru 11,3% seldra bíla en
voru 5,9% árið 2011. Öfugt er farið
með bláa litinn sem var vinsæll
2004 með 14,2% hlutfall, en er
aðeins 3,2% seldra bíla á þessu
ári. Gulir og grænir bílar komast
varla á blað og nær gulur litur
aldrei einu prósenti á síðustu tíu
árum. Grænir bílar hafa rokkað
aðeins í vinsældum, seldust best
2004 þegar þeir voru 6% bíla en
eru aðeins 0,8% í ár. Bleika bíla
má svo telja á fingrum annarrar
handar flestöll árin; eru aðeins
þrír í ár en voru flestir sex 2011 og
2012.
njall@mbl.is
Morgunblaðið/Tryggvi Þormóð
Ef hægt er að tala um tískulitina í ár eru það annars vegar hvítir bílar sem
eru nú 22,6% seldra bíla og svo rauður sem hefur aukist um helming frá
2011, þegar þeir voru 5,9% seldra bíla en eru 11,2% í ár.
Sjáum bílana í svart-hvítu
Litur nýrra bíla undanfarinn áratug
Litir á bílum
2004 2009 2014